YOSHU 11:3 - Lacid Common Language Bible

³ Nyang: gi Yodan gyid lang eig shoid goin" moo nyid da" Khanan byu- Amori byu- Hiti byu- Perizi yo' boem moug: mo Yebusi- Mizpa mung" mo Hermon boem khyid: moo: nyid boem da" Hivi byu yiri we' dang: pyeung: kaid da:.

YOSHU 11:3 ပူးပေါင်းရင်းမြစ်များ

TARHA" AGYI 3:3

Hau: mungdain: moo nyid deing jo, da" bang: gi Philisti voomoo" wim: loem:- Khanan byu yi dangain"- Sidon byu yi yo' Bala Hermon boem mo Hamad boem gyoo: moo ju" sho' nyid boem da" Lebanon boem mo Hivi byu yi nghoid ago".

YOSHU 18:26

Mizpa- Khephira- Moza-

APOEM AYANG: 31:49

Laban doem xo' tid zigi «Nyha" tang: dayug yo' dayug gang: loo" nghoid loug Aseing gi nyha" oug: tang: ri gooloo goem nyid baja"» ga: tid. Houg: yoomo hau: joyoo ri Mizpa ga: we' myheing.

YOSHU 15:63

Nghoid loug we' Yuda byumyu" yigi Yerusalem moo: nyid boem da" Yebusi byu yiri ayo" khaid thu pyam nghoid ago" da:. Yebusi byu yigi hougmoo: Yuda byu yi yo' dage" nyid boem ashi".

YOSHU 13:11

Hau: zigi Gilead- Geshuri yo' Makhathi mung"- Hermon boem dangain"- Saleka ju" sho' da" Bashan mung" dangain ju" sho' nghoid da:.

YEREMIA 41:14

Houg: lho: tau" wigi nyangnu" jhang tang" lo ago".

YEREMIA 41:3

Ishamaela gi Mizpa mo Gedalia yo' dage" nyid boem da" Israela byu yi dangain" ri yo' houg: moo nyid da" Babelon gyizoo: yi dangain" ri we' said pyam da:.

YEREMIA 40:10

Ngoo we' Mizpa moo nyid nyid wigi Babelon byu yi hid: khyoo: ju" re" boem lang" nanu" da" gungthid bui" wa. Nghoid loug we' nanu" gi zabyid yhid:- shi"- zhainloin: xu: ri zheing" yu wigi yo" young: to" wa. Houg: lho: nanu" seing: to" da" voomoo" joem moo nyid ge'» ga: tid da:.

YEREMIA 40:6

Ngoo gi Mizpa mo Gedalia yo' dage" hau: mungdain: moo nyid deing jo, boem da" byumyu" yi phung: moo nyid wa shid re" yhe: loo" bye:.

SHOLUMON JIKHOIN" 4:8

Nga" myhiseig we" Lebanon boem mo ngoo yo' dage" Lebanon boem moug: mo thu loo we'. Amana boem tho' mo we' zooloo: joem yo' loo: moo" joem nyid da" Senira boem yo' Hermon boem khyo" so" gyoo" loo we'.

COUNG" NGHEI 133:3

Hau: lho: hermon boem tho' moo: gyo" da" gyu: gi Ziun boem tho' moo: khyo' da" gyu: yo' dakhyoo" ti" nghoid. Aseing gi hau: joyoo moo khanham we' athang agoin da" kangso' mainkaid jeju" byid: wa ga: dangsoo" byid: too" bye:.

COUNG" NGHEI 89:12

Mougzhung: yo' mougpyi: we' nang phain" so: to" abye:- Tabora boem yo' Hermon boem joem ri we' nang ri gau, yi jikhoin" thu: yo' khoin" nyid boem bye:.

1 KHOKHAM 15:22

Hau: thang: Khokham Asa gi Basha wigi vang khyam: koid jang" moo ci: da" Rama mo lugboem yo' seig thi" joem ri bo pang" vu, phang: wa shid re" Yuda mung" dangain" jang khyoo: dayug ri we' adeing loo sho' amyeing" byid: kaid bye:. Asa gi hau: jonu" joem yo' Benyamin mougmyid mo voomoo" nghoid da" Mizpa yo' Geba mo vang khyam: ri kyam' too" byid: bye:.

1 KHOKHAM 9:20

Sholumon gi Khanan byumyu" amyed ashen yiri nya: vhookung: yi khyo" ci: da:. Houg bang: gi Israela byumyu" yi Khanan mung" ri lo seing: yu uri asaid pyam lho: teing too" bang: nghoid. Houg moo: boo bang: gi Amori- Hiti- Perizi- Hivi yo' Yebusi bang: nghoid wigi hau: byumyu" amyed ashen yiri akhid" nyid" ju" sho' join koid nhang: nyid boem ago".

2 SAMUELA 24:16

Aseing da" moug: lagyoo: gi «Yerusalem voomoo" ri lhu: phyo' pyam loo yid ri Aseing gi byumyu" yiri dam byid: jang" mo nheigloem: thid lho: wigi houg: bang: ri said yen" da" Moug: lagyoo: ri ‹Noo: loo: ge'- gi" bye:»› ga: tid. Moug: lagyoo: gi Yebusi byumyu" Arauna da" gug nang: jang: nam moo nyid nyid da:.

1 SAMUELA 10:17

Samuela gi Mizpa joyoo moo: noku thung" yo' sen: da" zoebphung: koid wa shid re" mung" byu yiri dage" khe: foem: to" wigi

TARHA" AGYI 21:8

Nyangnu" gi Mizpa joyoo khyoo: ayhe: bo foem: phung: da" Israela byumyu" kung: mo daphung: phung: nyid boem lha" ga: myid: boem lang" Gilead moug: Yabesha voobyu yi dayug we' aboo nghoid ziri nyangnu" se' boem ago".

TARHA" AGYI 21:5

Nyangnu" gi «Mizpa joyoo Aseing shidkhoin" mo yhe: zeing: foem: jang" moo abo boem da" Israela byumyu" kung: dangain" mo daphung: phung: nyid boem lha"» ga: myid: ago". (Nyangnu" gi Mizpa khyoo: ayhe: da" yug hang" nghoid loug we' said pyam zi shoug" ca" ga: jham' tang: to" ago".)

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".

TARHA" AGYI 3:5

Hougsu" yoomo Israela byu yigi Khanan byu yi Hiti byu yi Amori byu yi Perizi byu yi Hivi byu yi Yebusi byu yi phung: moo nyid boem ago".

YOSHU 15:38

Dilean- Mizpa- Yokthela

TARHA" TID POIN" 7:1

Nanu" Aseing Mangsoo gi nanu" yhe: nyid seing: yu wa nghoid da" mungdain: khyoo: nanu" ri shu" vang yhe: wigi nyang: gi byumyu" myoo: sho' ri houg: mo khaid thu pyam byid: loo wa. Nanu" shid vhu" khyoo: jhen" yhe: lo" uri nanu" tho' je myo: lho: yoem: je bo da" Hiti- Girgashi- Amori- Khanan- Perizi- Hivi- Yebusi ga: da" byumyu" nyhed myu" ri nyang: khaid thu pyam wa zi nghoid.

TARHA" TID POIN" 4:48

He: mougmyid gi Arnon gyid lang ayam mo jo, da" Aroera voogung mo zi mougzhung: shoid Hermon boem ga: da" Sirion boem khyoo: ju" sho' nghoid da:.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

YOSHU 11:8

Aseing gi Israela byumyu" yiri houg: bang: adang moo: oung: doid pyam nhang: da:. Israela byumyu" yigi houg: bang: ri meing: zain: wigi mougzhung: shoid Misrephod Maim yo' Sidon fi' ju" sho' yo' bidthu shoid Misapha janggyoin: ju" sho' cang khaid zain: ago". Meing: zain: zigi gyivoo yi adei hang" we' adeing loo: sho' xo' khaid ago".

YOSHU 11:17

Mougpyi: shoid Edom nam moo: jo, da" Halag boem mo mougzhung: shoid Balgad ju" sho' Hermon boem da" mougpyi: shoid Lebanon janggyoin: ju" sho' rua da:. Yoshu gi he: mougmyid mo khokham yi yo' ayo, myang" sho' meing: khaid zain: ago". Nghoid loug we' nyangnu" dangain" bang: ri meing: zain: oung: pyam wigi houg: bang: ri said pyam da:.

YOSHU 13:5

Gabeli byumyu" yi da" mougmyid- bidthu shoid mo Lebanon mougmyid dangain". Hermon boem mougpyi: shoid moo jo, da" Balagad mo Hamad boem gyoo: ju" sho'.

2 SAMUELA 24:7

Hau: thang: ri nyangnu" gi mougpyi: shoid mo vang khyam: kyam' to" da" Turu voogung khyoo: we' Hivi yo' Khanan byumyu" yi da" voogung joem khyoo: we' lo" thang moo Yuda mung" mougpyi: shoid moo jo, da" Berasheba voogung khyoo: nyangnu" ju" so" yen" boem bye:.

YOSHU 3:10

Nanu" shid khyoo: yhe: lo" uri nyang: gi Khanan- Hiti- Hivi- Perizi- Girgashi- Amori yo' Yebusi byumyu" yiri: gyeing" nyang: khaid thu pyam wa zi nghoid. Mougmyid dangain" da" Aseing Dang: Theing Kuid: nanu" shid moo Yodan gyid lang ri gu: dab yhe: uri kangso' dei Mangsoo nanu" phung: moo nyid nyid ziri nanu" si wa zi nghoid.