YOSHU 10:8 - Lacid Common Language Bible

⁸ Aseing gi Yoshu ri «Houg bang: ri agyug goo". Ngoo gi nang ri oung: doid wa ziri byid: too" gu nghoid bye:. Nyangnu" mo dayug we' nanu" ri gyi ayo" khaid goo" wa» ga: tid da:.

YOSHU 10:8 ပူးပေါင်းရင်းမြစ်များ

1 KHOKHAM 20:13

Hau: ayo, gyoo: moo lapi: dayug gi khokham Ahab jang" khyoo: re" wigi «Aseing tid- he: gyiphung: moo" ri agyug noo". Ngoo gi akhid" nyid" houg bang: adang moo nang ri oung: nhang: wa. Houg: lang" ngoo Aseing nghoid ziri nang yo" si' baja" o"» ga: tid.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

TARHA" TID POIN" 3:2

Nghoid loug we' Aseing ngoo ri ‹Nyang: ri agyug goo". Ngoo gi nyang: we' nya: byu yi yo' nya: mougmyid dangain" nanu" ri byid: wa. Heshbon moo: vhoeb nyid da" Amori khokham Sihon ri nanu" gyi koid boem bye: ziyo' dayhang: ti" nyang: ri gyi koid ge'› ga: tid.

TARHA" TID POIN" 7:24

Nyang: gi houg bang: khokham yiri nanu" yoem: so' khoug: moo to" too" wa. Nanu" houg bang: ri said pyam wigi nyangnu" we' to" myid pyam goo" wa. Nanu" ri hang" we' ayo" toem goo" wa. Nanu" gi yugkhang" moo" ri said toem" pyam goo" wa.

YOSHU 10:25

Hau: thang: Yoshu gi nya: gyizoug: yiri «Agyug goo"- yoem: ashoin: goo". Myid phyed wigi loem jeing" nyid ge'. Ciwim gari: he: zigi nanu" gyivoo joem dangain" ri Aseing hid su" koid wa da" khyoo: nghoid da» ga: tid.

YOSHU 10:9

Yoshu yo' nya: gyizoo: yigi myen goin" Gigala mo Gibeon khyoo: yhe: lo" ago". Houg: lho: nyangnu" gi Amori byu yiri nyeigdain tung" gyi yhe: zain: ago".

YOSHU 11:6

Aseing gi Yoshu ri «Houg: bang: ri agyug goo". Nab yo nyid" he: ayo, ri ngoo gi Israela shid re" houg bang: dangain" bang: ri said pyam byid: wa. Nanu" gi nyangnu" da" myang: joem ri khyid: gyi: khyau" pyam byid: wigi nyangnu" gyi myang rheing" ri nghe' pyam goo" wa zi nghoid» ga: tid.

YOSHU 8:1

Aseing gi Yoshu ri «Gyizoo: dangain" nang yo' dage" shu" wigi Ai voomoo" khyoo: yhi: we'. Agyug goo"- yoem: agyoug: goo". Ngoo gi nang ri Ai khokham adang moo: oung: doid nhang: wa. Nya: byu yi voomoo" yo' moug: ri oung: doid nhang: wa. Nya: byu yi voomoo" yo' mougmyid gi nanu" re" nghoid ri" goo" wa.

TARHA" AGYI 6:16

Aseing gi «Nang hau: moo" ri yo" zei: wa ciwim gari ngoo gi nang ri pang" thoug wa. Nang gi Midian byumyu" yiri byu dayug ri za: yhang: ti" lei lei nyangnu" ri mhoin' yo" koid pyam ri" wa» ga: tid.

TARHA" AGYI 7:9

Hau: myen Aseing gi Gideon ri «To' lho: dab ri yhe: khaid zain: we'. Ngoo gi nang ri hau: adang moo oung: doid nhang: wa.

1 SAMUELA 17:47

Aseing gi nya: byumyu" yiri khyoid yu da" uri sham: lham: aca" ga: ziri hid: moo nyid da" byu dangain" mo, shau" myang wa zi nghoid. Nyang: gi gyi oung: su: nghoid da:. Nanu" dangain" mo, ri nga" lo, khyoo: nyang: ab byid: wa zi nghoid» ga: doem phug tid.