YOSHU 10:5 - Lacid Common Language Bible

⁵ Hau: Amori khokham wim: yug nghoid da" Yerusalem- Hebron- Yamud- Lakhisha- Eglon khokham yigi gyi yoem: shoin" wigi Gibeon ri re" vang: ziyo' hau: voomoo" ri gyi zain: abye: go".

YOSHU 10:5 ပူးပေါင်းရင်းမြစ်များ

APOEM AYANG: 15:16

Byuxeig myid: xeig lang" re" amyed ashen yi hid: moo doem tau" lo wigi he: mung" moo lo nyid boem wa. Ciwim gari hau: ayo, ri Amori byumyu" yigi gye" akhyeing" yoomo nyangnu" ri yooboo dam byid: khaid thu pyam zi shoug" wa» ga: tid.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

YOSHU 10:16

Nghoid loug we' Amori khokham wim: yug gi phang: loid lo" wigi Makeda lug khyung: moo gau" nyid boem ago".

YOSHU 10:6

Gibeon byumyu" yigi Gigala joyoo moo dab koid wigi nyid da" Yoshu jang khyoo: «Ludaid phoo we"- ngoonu" ri ashe: pyam too". Akhid" nyang: ngoonu" ri re" pang" yu we'. Ngoonu" ri re" khyoid yu we'. Boem moug: moo nyid boem da" Amori khokham dangain" gi gyi yoem: shoin" lho: ngoonu" ri gyi re" zain: abye: go"» ga: dang: pyeung: kaid da:.

1 SAMUELA 7:14

Philisti byumyu" yi seung: to" da" Ekron yo' Gad agyoo: mo voogung joem dangain" gi Israela byumyu" yi da" lo, khoug: khyoo: doem vang bye: yoomo Israela byumyu" yigi nyangnu" da" mungdain: dangain" ziri doem yo" yu pyam bye:. Hau: lho: Israela byumyu" yi yo' Khanan byumyu" yi da" agyoo: moo we' ngei pyo: yug yo khyoo: yo" doem bui" bye:.