YOHAN 8:52 - Lacid Common Language Bible

⁵² Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

YOHAN 8:52 ပူးပေါင်းရင်းမြစ်များ

MATHE 11:18

Khasu" wim gari Yohan gi azo: ashug loo re" ri nyangnu" gi ‹he: yug gi yu vang su: nghoid nhung:› ga: tid boem ago".

YOHAN 1:19

Yerusalem voo moo nyid da" yuda zoug: yi gi Khainjung agyi yi dayham" yo"- Levi yi dayham" bang: ri Yohan jhang khyoo: nhang: kaid lho: nang gi hang" nghoid ga: myid: nhang: kaid boem.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

YOHAN 7:20

Meing: byu: yi gi nang gi yu vang ci: su: nghoid. Nang ri said wa ga: hang" su: se' soin nyid wa ga: tid boem.

YOHAN 8:22

Yuda zoug: myeing: ci: mo, gi ngoo lo" da" joyoo moo Nanu" ayo" loo" ga: nyang: tid bye. Nyang: gi nya: gung nyang: said' shid: wa ga la lha"» ga: tid go" nyid boem.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

HEBRE 11:13

He: da" byumyu" yi dangain" bang: gi hau: loem" jeung" khyoo: moo shid: lo" boem abye: go. Nyangnu" gi Mangsoo byid: da" dang: soo" khoin" yo' sen: da" agyid asoo: ri ashau" kham: yu boem- nghoid loug we' nyangnu" gi hau: khyoo: ri vi" vi: mo yo" yu" myang boem bye: ziyo' lhoem: yo" tau, yu nyid boem bye. Nyangnu" gi he: moug: myid tho' moo lam" yen" da" tungbau, being" voo joem yhang: ti"- te: nghe: khau: nyid mo, date: nghoid nyid boem ziri bang bang za: yhen: yu khare" boem bye.

HEBRE 2:9

Nghoid loug we' ngoonu" shau" myang su: gi Mangsoo jeju" yoomo dangain" bang: shid' re" yo" kham" shid: sho' ayo, aboin: daso' za: uri moug: lagyoo: yi vhoo: moo khyo, nyhoem: pyam' shau" da" Yesu Khristu nyang: nghoid nyid. Hau Aseing koem gi shid: loo" no lo" da" kyi" khyeug khyoo: ri kham : yu bye yoomo Akhid" gi myonhoo: phung" yoeb da" bidmug zhung" byid: too" bye: ziri ngoonu" shau" myang boem bye.