YOHAN 7:7 - Lacid Common Language Bible

⁷ Mougmyid xangsu: byu yi gi nanu" ri ayo" ngheing". Ngoori gi ngheing" boem. Khasu" wim gari Ngoo gi nyangnu" da" akhyeing" ashoeb da" nheigloem: ri toin" shid' nyid yoomo nghoid.

YOHAN 7:7 ပူးပေါင်းရင်းမြစ်များ

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

COUNG" NGHEI 109:5

Nyangnu" gi ge da" gung khoo: moo akhyeing" ashoeb zi jheddab wa gung khoo: moo nheing" myeing" yo' ngoo ri latoo: doem phug byid: nyid ago".

DANG: ZHOEM 15:12

Nghoid boin: da" byu yigi khyoo" shed jhau" mho' khyoo: ri avhoo: nghoid ago". Nyangnu" gi phajhi" je boo mo, da" phajhi" byid: da" dang: ri khanham we' amho' yu" nghoid ago".

DANG: ZHOEM 8:36

Ngoo ri ashau" sho: da" byumyu" yigi noophyoo" shoug" nyid boem wigi ngoo ri ngheung" nyid bang: hang" we' shid: lo" khyoo: ri jheddab nyid boem ga: wigi tid nyid.

ESAIA 29:21

Mangsoo gi subi" gootu: ri shang tid pyang: bang:- yooboo koid bang: da" yooboo dam ri goem loem toem' pyam bang:- deingmain" bang: tarha" deingmain" zi ashau" yu sho' mhau' dang: tid bang: ri said toem" pyam loo wa.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

YEREMIA 20:8

Ngoo dang: tid khang" moo" «Pyi: joem: sho: ziyo' phyo' shoin' zi nghoid o"» ein: nyho: yoid ca" da:. Aseing we"- re" mungdang: ri ngoo tid fu" yoomo Ngoo gi ayo, byeung" juang" ziyo' nyhab' zi shau" nyid.

XOIN" NGEI" 13:10

Khainjung phoo gi nyang: ri joeb ca: yu" byid: wa zi nghoid. Nya: shooyid mo dam joid phyu: jang" mo zi shoomoug" joem we' phyu: lo" byug wigi foid we' byeung" sho' bo nghoid rigi

ZEKHARIA 11:8

Ngoo gi ngoo ri ngheing" da" yang zung" mo, gootu: soem" yug ri atho' kham zeing: loo: yoomo lhammoo" dakhyab' khoug: moo za: nyangnu" dangain" mo, ri khaid thu pyam' bye:.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

LUKA 6:26

Byu myoo" sho' mo, gi nanu" ri coung" byid: da" uri nanu" gi joem: loo" goo" wa. Hid: bang: da" nya: phoug" nya: phyid" gi mhau da" lapi: yi ri houg: su" ga: coung" byid: boem yu" bye.

YOHAN 17:14

Re" da" mungdang: khoin" nyangnu" ri ngoo byid: bye. Moug: myid byu yi gi nyangnu" ri avho: angei boem. Khasu" wim gari ngoo gi mougmyid yo" asen: ziyo' dakhyoo" ti"-- nyangnu" we' mougmyid yo" asen: nyid.

YOHAN 3:19

Tarha" dang: phyed byid: da" akhyoo" dangkang: gi hid: su" nghoid bidbang zeing gi he: mougmyid moo juri" bye: nghoid loug we' Byu xangsu: yi gi akhyeing" ashoeb mo, nghoid nyid yoomo bidbang tho' moo moug: coid ri daje vho: boem.

Roma 8:7

Xangsu: gungshoo" nheigloem: za: dabo nyid su: gi - Mangso: gyi nghoid. Houg: te" nheigloem: za dabo nyid su: gi Mangso: mungdang: ri acang su: nghoid. Gyeing" nyang: ayo" cang su: nghoid.

GALATI 4:16

Akhid" koem gi nanu" ri hau: deingmain" da' khyoo: ri tid kyoo" yoomo nanu" da" gyi voo bue" loo bye: la!

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.