YOHAN 5:18 - Lacid Common Language Bible

¹⁸ Hid: su" tid yoomo we' Dougno: tarha" ri do, rhue tho' agoo"- Mangsoo ri nya: phoo ga: du lho: nya: gung ri Mangsoo yo" dayi" too" yoomo we' Yuda zoug: yi gi nyang: ri said pyam wa shid' re" khyoo: sho: lo nyid boem bye.

YOHAN 5:18 ပူးပေါင်းရင်းမြစ်များ

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MATHE 12:5

Hau: tho moo khainjung agyi yi we' Noku yhoem: moo" moo nyid lho: Dougno: Bidnyid khang" nyid" labain tarha" ri shoid nyid nghoid loug we' yooboo afoin: da" khyoo: ri Moshe da" tarha" mougsoug" moo anghab yu" goo" la".

YOHAN 1:19

Yerusalem voo moo nyid da" yuda zoug: yi gi Khainjung agyi yi dayham" yo"- Levi yi dayham" bang: ri Yohan jhang khyoo: nhang: kaid lho: nang gi hang" nghoid ga: myid: nhang: kaid boem.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 10:33

Nyangnu" phug tu" zigi moo" gi dajaja: zei: yoomo Nang ri luggo, yo" du" nau zi anghoid. Nang gi byu kyeing" te: nghoid da: zi Mangso ayid void ci: lho: Mangsoo ri shoid vhang: da" dang: tid nyid yoomo luggo, yo" du" wa ga: tid ago".

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

YOHAN 14:9

Yesu gi Philib, we"- ngoo gi nanu" yo" hid: myhang nyid lo ri ngoori nang asi shi" la". Ngoori myang yu su: gi phoo ri we' shau" myang zi nghoid bye. Houg: su" nghoid ri phoo ngoonu" ri toin" shid' we' ein: ci: koid; tid nyid go" lha".

YOHAN 19:7

Meing: byu phung: moo" gi He: yug gi nya: da" gung ri Mangso da" nya: zoo: nghoid ga: tid yoomo shid: dam kham: moin: da" khyoo:- ngoonu" da" tarha" moo bo nyid; ga: tid nyid boem.

YOHAN 5:15

Hau: yug gi thu' lo" lho: nyang: ri noo ge loo nhang: su: gi Yesu nyang: nghoid da" khyoo: ri Yuda zoug: yi ri tid kyo.

YOHAN 5:16

Houg: su" wigi Dougno: Bidnyid moo noo gi nhaung moo" zei: yoomo Yuda zoug: yi gi hau: nyid mo Yesu rishen" yhen' wa soin' lo boem.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

YOHAN 8:54

Yesu phougtu" zigi Ngoo gi ngoo nya: gung ri coung" nghei nyid rigi nga" myonhoo: ngeilang: gi akoem: za danghoid wa. Ngoo ri coung" byid: su: gi nanu" lhoung: tid da" nanu" da" Mangsoo ga: su: nga" phoo danghoid.

YOHAN 8:58

Yesu doem phougtu" zigi Deing" deing nanu" ri ngoo tid ba- Abraham akhu: ri" shi" mo ngoo nyid nyid bye: ga: tid.

PHILIPI 2:6

Nyang: gi khanham we' Mangso gung yo' joeb byeung" sho' nyid nyid zi nghoid loug we' Mangsoo yo' dakhyoo" ti" nghoid nyid wa shid re" mi, shi, go" khyo" amyid loo: za.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.