YOHAN 4:40 - Lacid Common Language Bible

⁴⁰ Houg: yoomo Samari byu yi gi Yesu jhang jure" boem lho: nyangnu" jang" moo lo theing: we' ga: sang: boem yoomo Yesu gi hau: joyoo moo eig nyid" koo: theing: nyid kho.

YOHAN 4:40 ပူးပေါင်းရင်းမြစ်များ

APOEM AYANG: 32:26

Yuggi phoo gi «Ngoo loo" loo ba- moug: bo" lo nyid bye:» ga: tid. «Nang ngoo ri main akaid byid: byid: gi ngoo ayo" nhang: kaid» ga: wigi Yaku doem tid.

DANG: ZHOEM 4:13

Nang shoug" jhau" kham: yu bye: da" khyoo: ri khanham we' myid boin: so" nyid we' re" da" phajhi" gi re" da" kangso nghoid yoomo hau: ziri lhoug zung" ci: we'.

SHOLUMON JIKHOIN" 3:4

Nyangnu" yo' gang: go" thang: daso' zoo: ri nyang: ri ngoo shau" myang bye: zi nghoid. Ngoo nyang: ri zei: zeing wigi nga" myhi' da" yhoem: ngoo ri khu: kaid da" yab moo aju" ju" gi nyang: ri anhang: kaid zi nghoid.

YEREMIA 14:8

Nang gi Israela da" dakhaid kyeing" da" myidbyu khyoo: nghoid da:. Nang gi ngoonu" ri byo, yoin" lo" jang" mo khyoid yu su: nghoid da:. Nang gi ciwim yoomo ngoonu" da" mougmyid mo being" voo yo" bui" wa la". Ciwim yoomo damyen kyeing" yhoeb lid: lo" da" gyung: soo" su: yhang: ti" yo" bui" wa la".

LUKA 10:39

Matha moo nya: no, Mari ga: da" myiyi: zoo: dayug bo. Nyang: gi Aseing: da" khyid: yang: moo nyang: jhoug" byid: khyoo: ri tam" gyo: zhoung: jo.

LUKA 24:29

Nghoidloug we' nyangnu" gi akhid" moug coid zoo" nghoid bye. Nyid" ayo, we thang: loo" bye:- houg: su" yoomo nga" eig yug yo" lo" theing: shang ga: nyang ri lhoung. nyang: gi nya: eig yug yo" dage" theing: wa shid' re" cang lo.

LUKA 8:38

Hau: yu joem phang: thu' loo" su: gi Yesu ri ngoo nang yo" dage" so" yen" nau" ga: mho' nyid.

YOHAN 4:39

Samari myiyi: myhi, gi ‹‹He: yug gi ngoo koid; da" moo" dangain" yo" tid kyo"» ga: tid yoomo hau: voo mo, Samari byu yi myoo" sho' gi Yesu ri loem" jeing" lo boem.

YOHAN 4:41

Nya: da" mungdang: ri shau" gyo: boem yoomo byu gootu: myoo" sho' we' loem" jeing" lo boem bye.

YOHAN 4:43

‹‹Khasu" wim ga: ri lapi; gi nya: da: moug moo ce: myonhoo: aboo›› ga: Aseing: nyang: tid ziyo dakhyoo" ti" nghoid- eig nyid" koo: myang" lang" hau: joyoo mo, Galile mung" khyoo: yhe: lo".

ACTS 16:15

Nyang: yo' nya: yhoem: byu yi gi Babtisma bain kham: yu thang: ri Ludi tid zigi Ngoo gi Aseing: ri gi" gi, nyang: loem" jeung" zi nghoid bye" - ein: nanu" myed loem, bye: nghoid rigi nga" yhoem: moo re" beung" nyid yu" ge'. ga: ngoonu" ri lhoung: da- houg: su" wigi nyang: gi ngoonu" ri ngoug oung: yu da.

ACTS 8:8

Hougsu" nghoid yoomo voomoo" khoug: mo byu yi gi gye" agau yi ngei pyo: lo boem bye.

Pang Shug 3:20

Yu" we' ngoo gi khoem" duang: moo yab, jo, lho: khoem" ko' nyid. nga" da" thui: ri shau" gyo: lho: khoem" ri phang byid: su: da" yhoem: khoug: khyoo:- ngoo vang lo" lho: nyang: yo' dage" zo: shug wa nyang: we' ngoo yo' dage" shau" zo: shug nyid wa.