YOHAN 4:20 - Lacid Common Language Bible

²⁰ Nga" phoug" phyid" gi he: da" boem moo Mangsoo ri noku boem. Nanu" Yuda byumyu" yi gi Yerusalem voo moo da noku ga: tid boem›› ga: tid.

YOHAN 4:20 ပူးပေါင်းရင်းမြစ်များ

1 KHOKHAM 9:3

Aseing gi nyang: ri «Re" akyu" mho' dang: ri ngoo shau" gyo: bye:. Apyaid atoo: ngoo ri noku wa da" joyoo ein: da" he: nang koid bye: da" Noku Yhoem: Moo" ri ngoo younglho' nhang: bye:. Ngoo hau: ziri zung" nyid wigi ayo, dangain" moo goem loem byid: nyid wa nghoid.

1 KHOKHAM MHOOMYID: 21:26

Nyang: gi hau: joyoo moo Aseing shid re" phoin: daloem: koid lho: nghe' ngei" xoin" yo' zoem" khau: xoin" ri ngei" byid: da:. Nyang: gi akyu" mho' wigi phoin: dang mo xoin" joem ri ngi" pyam wa shid re" mougkhung: mo myi: ri khyo kaid da" khyo" Aseing gi nyang: ri tu" byid: da:.

1 KHOKHAM MHOOMYID: 22:1

Houg: yoomo David gi «He: joyoo gi Aseing da" Noku Yhoem: Moo" joyoo bue" loo wa. Israela byumyu" yi xoin" nghe' ngei" byid: da" phoin: gi hid: moo nghoid loo wa» ga: tid da:.

2 KHOKHAM MHOOMYID: 6:6

Nghoid loug we' akhid" ngoo gi ngoo ri noku ku" we joyoo khyo" Yerusalem ri khyen: too" bye:. Houg: lho: nga" byumyu" ri vhoeb wa David nang ri khyen: too" bye:» ga: tid da:.

2 KHOKHAM MHOOMYID: 7:12

Aseing gi myen" ri nya: jhang re" thu shug da:. Aseing gi nyang: ri «Ngoo gi re" akyu" mho' thui: ri shoug" gyoo: bye:. Houg: lho: ngoo gi he: Noku Yhoem: Moo" ri ngoo ri xoin" ngei" byid: wa joyoo khyo" khab yu bye:.

2 KHOKHAM MHOOMYID: 7:16

Ciwim gari ngoo gi hau: ziri khyen: to" lho: apyaid atoo: moo ngoo ri noku goo" wa da" joyoo khyo" hau: ziri ngoo gootu: tu: soin' too" bye: yoomo nghoid da:. Ngoo gi hau: ziri lhoug zung" lho: apyaid atoo: moo goem loem byid: wa.

COUNG" NGHEI 132:13

Aseing gi: Ziun ri khyen: yu bye:- nyang: gi hau: ziri nya: yhoem: koid nau nyid.

COUNG" NGHEI 78:68

Hau: gung khoo- Yuda byukung: yo' nyang: je jheddab da" Ziun boem ri khyen: yu abye:.

ESAIA 66:1

Aseing tid zigi «Mougkhung: gi nga" zhungtang- myid jang gi nga" khyid: ki" tang nghoid da:. Houg ri ce: ja: yhoem: nang ngoo ri yo" koid byid: wa lha". Ngoo nyid wa nga" shid re" khate" joyoo nghoid lha".

LUKA 9:53

Nghoid loug we' Yesu gi-Yerusalem voomoo" khyoo: dayhe: lo" nyid ziri se' boem yoomo voogung bang: gi nyang: ri akham: yu nghoid ago".

YOHAN 4:12

He: gyid thung" gi phoug" Yaku ngoonu" ri byid: to" zi nghoid. Nyang: we' nya: zoo: yi we' Yang joem Nu: joem gi he: gyid thung" mo shug led loo" bye. Nang Yaku tho' je gyi: la".

TARHA" TID POIN" 11:29

Nanu" yhe: seing: yu wa nghoid da" mungdain: khyoo: Aseing wigi nanu" ri shu" vang yhi: lang" nanu" gi mainkaid jeju" dang: ri Gerizim boem mo tid fu" wigi nheing" khoin" rigi Ebala boem mo tid fu" ca" wa zi nghoid.

TARHA" TID POIN" 27:12

«Nanu" gi Yodan gyid lang ri bain gu: dab thang: ri byumyu" yiri mainkaid dang: tid uri Gerizim boem moo vhoo: mo akung: joem yab jo, wa zi nghoid. Houg: bang: gi Simun- Levi- Yuda- Ishakha- Yoseb- yo' Benyamin kung bang: nghoid wa.