YOHAN 20:22 - Lacid Common Language Bible

²² Houg: su" bain tid thang: ri Yesu gi cangzoo: yi da" tho' moo so' moid kaid lho: gyeungshang: da" Venyi: ri kham: yu ge" ga: tid.

YOHAN 20:22 ပူးပေါင်းရင်းမြစ်များ

APOEM AYANG: 2:7

Hau: thang: Aseing Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

YOBA 33:4

Mangso da" Venyi: gi ngoo ri phain" so: to" wigi ngoo ri kangso' byid: da:.

COUNG" NGHEI 33:6

Aseing gi nya: da" amyeing" yo' mougkhung: mougdi ri phain" so: too" bye:. Bid, kyi: lhammoo" ri we' nya: dang: dakhoin" yo' phain" so: to".

EZEKIEL 37:9

Mangsoo ngoo ri tid zigi «Shid: se' da" byu we" lid ri Lapi: pe: we'. Hau: lid ri shoid khang" moo" khyo" lo lho: hau: manggung joem akhoug: khyoo: hau' vang lo" wigi nyangnu" ri kangso' doem dei nhang: wa ga: yoem: moo" bo Aseing amyeing" byid: bye ein: tid we'» ga: tid da:.

YOHAN 14:16

Ngoo gi phoo ri mho' lho: nanu" yo" khanham we' dage" nyid nyid wigi nanu" ri pang" thoug byid: wa da" yug- nanu" da" jhang khyoo: nhang: kaid wa.

YOHAN 15:26

Mangso da" deung main" khyoo: ri phang shug da: pang" thoug wa da" Mangso: jang" mo gyoo lo da" pang" thoug Aseing: ein: da:- gyeungshang: venyi nghoid. Ngoo gi nyang: ri Pho jang" mo nhang: kaid' lho: nga" khyoo: ri sagsi: kham: wa zi nghoid.

YOHAN 16:7

Nghoidloug we' nanu" ri ngoo Deing" deung tid nyid da: zigi nanu" shid' re" je ge'. Ngoo alo" nghoid rigi pang" thoug wa su: gi nanu" jhang gyoo" loo wa zi anghoid. Ngoo lo" thang: hau: da" zi: nanu" jhang khyoo: nhang: kaid wa nghoid.

YOHAN 20:21

Hau: thang: ri we' dalheing:- Yesu gi nanu" moo myenjham" khyoo: dajo, jo, baja" ga: nga" phoo gi ngoori nhang: kaid ziyo' dakhyoo" ti"-- nanu" ri we' ngoo nhang: kaid ga: tid.

YOHAN 20:23

Nanu" gi sube" da" yooboo ri khyoid pyam byid: ri nyangnu" gi yooboo gyoid loo" wa zi nghoid. Nanu" wigi akhyoid byid: nghoid rigi nyangnu" da" yooboo gi khyoid pyam shau" wa zi anghoid ga: tid.

YOHAN 7:39

Aseing Yesu hid: su" tid da" zigi Nyang: ri loem" jeing" mo, yo" yu wa da" gyeungshang: venyi da khyoo" ri tid zi nghoid. Nghoidsho' loug we' Yesu gi Myo, nhoo: phung" yoeb' ri ayo" yu shi"- houg yomoo gyeing shang Venyi: ri abyid: shi" zi nghoid.

ACTS 10:47

Houg: lang" Petru gi Hid: bang: gi ngoonu" yo' dakhyoo" ti" gyeungshang: Venyi: ri yo" kham: yu boem ago- Houg: yoomo nyangnu" gi gyid' moo babtisma kham: yu boem wa ziri we' hang" yo" toem, too" wa go" lha"» ga: tid thu' kaid' da.

ACTS 19:2

Nyang: nu" ri nanu" gi loem" jeing" bang: bue" loo lang" gyeungshang: da" Venyi ri yo' Kham: yu bye: goo" la"» ga: myed. " Nyang: nu" gi gyeungshang: Venyi nyid ga: ziri ngoonu" ashug" gyo: yu" shi" - ga: phoug tu" ago".

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

ACTS 4:8

Houg: lang" Petru gi gyeungshang: da" Venyi byeung" jo, yoomo nyangnu" ri mung" byu yi da" vhu" jhung: yi yo' ludaid yi we'

ACTS 8:15

Nya: eig yug zheung: ju" yhi: lang" loem" jeing" bang: gi gyeungshang: da" Venyi ri yo" kham: yu boem wa shid re" nya: eig yug gi nyangnu" shid mo a akyu" mho' byid: bye.

GALATI 3:2

Hau: Mangso da"Venyi ri nanu" yo" yu bye: zigi toung: to" da" tarha" ri nanu" yo" cang pyeing yoomo nghoid go" la". Hougsu" anghoid lang" ngei bu: lu dang: ri shaug" gyoo: yoomo tam" gyo: lo jang" mo nghoid la". hau: khyoo: dakhaid za: ngoo nanu" da" nhoid, mo, shaug" gyoo: nau.