YOHAN 2:11 - Lacid Common Language Bible

¹¹ Yesu gi he: xang shid" mau" pho" alhoo: again ri Galile mung" Khana voo moo koid shug zoo" re" nya: myonhoo: phung" yoeb ri toin" shid. Houg: yoomo nya: da" cangzoo: yi gi nyang: ri loem" jeing" loem: khau lo boem.

YOHAN 2:11 ပူးပေါင်းရင်းမြစ်များ

1 KHOKHAM 17:24

Cougmoo" myhi' gi «Nang gi Mangso byu nghoid ziri we' Aseing gi nang khyo" wigi gyeing" nyang: dang: tid nyid ziri we' akhid" ngoo si" bye:» ga: phoug tid.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

COUNG" NGHEI 96:3

Byumyu" yiri nya: da" myonhoo: phung" yoeb byumyu" cang: joeb, bang: ri Nya: da" gyi: thang moo" zoo" ri kho" kyoo" byid: nyid we'.

THU' LO" MOUGSOUG" 14:31

Israela byumyu" yigi Aseing da" gyi: thang yoem: so' yo' Egutu byumyu" yiri oung: pyam ziri myang lang" nyangnu" gi Aseing ri gyoug dain phau" myang: nyid. Aseing yo' nya: dei zoo: Moshe ri we' nyangnu" loem jeing" nyid boem bye:.

THU' LO" MOUGSOUG" 4:9

Mau" pho" alhoo: again eig loem: goin" khyo" we' nang ri aloem"- nang citid ziri atam" gyoo: nghoid rigi Nila gyid lang mo gyid dajhi' ri yhe: kham: yu lho: myidjang moo foid khyoo' we'. Gyid gi suid" bue" loo" wa» ga: tid.

PHAJHI" DANG: 9:7

Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

YOHAN 1:43

Thang: nyid" moo Yesu gi Galile mung" khyoo: loo" wa shid' re" myid phyed' to". Philib ri myang lang" nga" thang: cang we' ga: tid.

YOHAN 1:50

Aseing Yesu tid zigi Lafoem gam gyid" moo ngoo nang ri myang bye: ga: tid yoomo za: nang loem" jeing" la". He: tho' moo je gyi: da" moozoo" joem ri nang myang shi" wa zi nghoid.

YOHAN 10:41

Byu yi myoo" sho' nyang: Yesu jang" moo jure" boem. Nyangnu" gi Yohan gi ce: mau" pho" moo" ayo" zei: shug- Nghoidloug we' he: youg khyoo: yo" sen: lho: wigi Yohan kho" kyo" dang: gi dangain" deung nyid ga: tid boem.

YOHAN 11:15

Hau: joyoo moo ngoo nyang: yo' dage" anyid kho' zigi nanu" ngoori loem" jeing" loo wa khyoo: nghoid yoomo:- nanu" shid' re" ngoo gau:- nya: jhang khyoo: yhe: lo" boem loo: shang ga: tid.

YOHAN 11:47

Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha".

YOHAN 12:18

Hau khyoo: ri shaug" gyoo: boem yoomo shaug" gyoo: mo, dangain" gi Yesu ri tau yu wa ga: jure" boem da" zi nghoid.

YOHAN 12:37

Nyangnu" da" shid' khoin" moo mau" pho" moozoo"- myoo" sho' zei: shug nghoid loug we' nyangnu" gi Yesu ri aloem" jeing" boem.

YOHAN 12:41

Esaia gi Aseing Yesu da" myonhoo: phung" yoeb' ri shau" myang yoomo Aseing: da" khyoo: ri hid: su" ga: tid zi nghoid.

YOHAN 14:13

Nya: zoo: yoomo wigi nya: pho da" myonhoo: ngeilang bang thu' loo baja" ga: Nga" da" myeing ri nghe: khau: lho: nanu" mho' da" zi dangain" ngoo koid; byid: wa.

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

YOHAN 16:30

Aseing Yesu gi khyoo: acang: joeb ri si' su: nghoid zigi akhid" ngoonu" se' boem bye. Aseing: ri hang" ci: myid: nyid cang aboo loo. Houg: yoomo Aseing: gi apyaid' ato: da" Mangso jang" mo gyoo" lo da" Aseing: nyang: nghoid ziri ngoonu" loem" jeing" boem bye"- ga: doem tid boem.

YOHAN 2:1

Eig nyid" myang" thang: ri Galile mung" mo Khana voo moo loxo' pui" daloem: jo. Hau: da" pui" moo Yesu da" nya: myhi' we bo.

YOHAN 2:23

Yerusalem voo moo koid; da" lhed: kaid pui" moo Yesu zei: shug da" mau" pho" moo" ri zheung: shau" myang boem yoomo Byu myoo" sho' gi nyang: ri loem" jeing" vang lo boem.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 4:3

Houg: su" Pharishe yi shau" gyo: ga: zi Aseing Yesu si' lang" gi Yuda mung" mo, thu' lo" lho: Galile mung" khyoo: tau" lo.

YOHAN 4:46

Hau: thang: ri Yesu gi gyid ri zabyidd" yeing bui" nhang: da" Galile mung" khana voogung moo dalheing: doem ju" lo. Hau: voo moo asu" ya zoug: dayug nyid. Nya: zoo: yuggi nu" gi Karpena-um voo moo no nyid.

YOHAN 4:54

He: khyoo: gi Yuda mung" mo, Galile mung" khyoo:- Yesu ju" lo" thang: ri eig lheing: ein: lheing: toin" shid' da" mau" pho" moozoo" nghoid.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 6:2

Noo phyoo" shau" nyid da" byu yi ri ge loo" nhang: ziri zheing: myang boem yoomo byu phung: moo" gi thang: moo cang lo nyid boem.

YOHAN 6:26

Aseing Yesu gi deing" deing ngoo nanu" ri tid ba- Nanu" ngoori cang sho: da" khyoo: gi Ngoo koid; shug da" mau" pho" moozoo" ri se' gyoo: yoomo anghoid. Voem: ri gyi" sho' shug zoo: yoomo danghoid ago".

YOHAN 6:30

Houg: bang: gi Yesu ri ngoonu" yo" loem" jeing" loo wa shid' re" Ce: noem da" mau" pho" moo" ri pya shug wa lha". Aseing: ce: moo" ri nang zei: shug wa lha".

YOHAN 7:31

Meing: byu yi da" akhoug: mo Nyang: ri loem" jeing" mo, myoo" sho' gi Meshia gyoo" lo da" uri he: youg tho' moo mau" pho" khyoo: je yo" koid; shug wa la"» ga: myid: ago".

YOHAN 9:16

Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago". Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

TARHA" TID POIN" 5:24

tid boem zigi ‹Ngoonu" ri myi: mo nyang: dang: ji ziri shau" gyo: uri Aseing Mangsoo gi ngoonu" ri nya: gyi: myhang: khyoo: yo' phung" yoeb ri ci: shug bye:. Mangso nyang: ri dang: ji bye: nghoid loug byu gi xo' lho: kangso' yo" dei nyid da" khyoo: ri akhid" nyid" ngoonu" yo" myang yu bye:.

1YOHAN 5:13

Nanu" gi apyaid atoo: mo dei nyid wa kangso' yo" yu bye: da" khyoo: ri khyag yo" si' goo" baja" Mangso nya: zoo: ri loem" jeung" nyid mo, nanu" jhang khyoo:- ngoo he: mougsoug" ri lhid" kaid.