YOHAN 17:3 - Lacid Common Language Bible

³ Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 17:3 ပူးပေါင်းရင်းမြစ်များ

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

2 KHOKHAM MHOOMYID: 15:3

Israela byumyu" yigi ayo, myang" sho' deungmain" da" Mangsoo aboo loo:- nyangnu" ri jhoug" shid wa khainjung yi aboo loo:- tarha" aboo loo: nyid lo ago".

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

DANG: ZHOEM 8:35

Ngoo ri shoug" shoo: su: gi Kangso, ri shau" shoo: wa Aseing we' nyang: ri vho: ngei nyid wa zi nghoid.

ESAIA 48:16

«Akhid" nga" jhang tab tab re" lo wigi ngoo tid ziri gyo: yu ge'. Xang: shi" mo ngoo gi bang bang tid loo bye:. Houg: lho: nga" dang: khoin" joem gi khanham we' joeb byeung" re" da» ga: tid da:. (Akhid" myhang: thang Aseing gi nya: yoem: so' ngoo ri byid: wigi nhang: kaid abye:.)

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

YEREMIA 10:10

Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

LUKA 9:48

Nyang: nu" ri tid zigi nga" myeing mo, he: zooshang: yi ri kham: yu mo, hang" nghoid loug we' ngoori ri nhang: kaid' yug ri kham: yu su: nghoid bye khasu" wim gari nanu" mo nge thangsu: gi gyi: thang su: nghoid bye"- ga" tid.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 11:42

Khanham we' nga" da" akyu" mho' dang: ri tam" gyoo: byid: da" khyoo: ri ngoo se' nyid. Nghoidsho' loug we' nang gi ngoori nhang: kaid su: nghoid ziri he: da" byu yi dangain" mo, loem" jeing" loo nhang: wa da" shid' re" ngoo mho' nyid zi nghoid.

YOHAN 14:26

Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 17:8

Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 3:34

Mangsoo nyang: nhang: kaid su: gi Mangsoo mungdang: ri tid nyid khasu wim gari nya: - Venyi: byeung" byeung" kaid byid: to.

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

YOHAN 6:57

Dadei nyid da" nga" phoo gi ngoori nhang: kaid bye. Nyang: yoomo ngoo kangso' dadei nyid. Houg: yo' dakhyoo" ti"-- ngoori zo: shug su: we' ngoo yoomo kangso' yo" dei nyid wa zi nghoid.

YOHAN 7:29

Nghoidloug we' ngoo gi hau: Aseng: jang" mo ri" yoomo ngoori nhang: kaid su: ri nyang: ngoo se' nyid.

YOHAN 8:19

Houg: bang: gi Re" Phoo khayoo: nyid ga: myid: boem. ‹‹Nanu" gi ngoori we' nga" Phoo ri we' ase' boem. gyeing" nyang: nanu" ngoori se' nghoid rigi nga" phoo ri we' si' goo" zi nghoid ga: doem sho' kyoo.»

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

1Korinthians 8:4

Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

PHILIPI 3:10

Ngoo gi Khristu ri yo" se' lo khyoo: Nyang: doem dei to'' lo da" yoem: vhoo" ri shau" myang kham, zo: wigi ngoo nya: gung du: nyang: shid: jang" mo doem dei to'' yu wa ziri nheig byu zoore- nya: da" shid: kham: ziyo' du goo" wa ziri za: ngoo vho: ngei nyid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

HEBRE 3:1

Mangso khyen: khe: yu zishau" da" nga" Khristan mang: nhung" yi we"- ngoonu" yhen: kham: yu bye: da" noku thung" laloem lakhau: da" khainjung moo" zeung bue" loo wa shid re" Mangsoo nhang: kaid da" Yesu ri myid yu" ge'.

2PETRU 1:2

Mangsoo yo' yha" da" khyoid yu Aseing: Yesu Khristu ri nanu" se' loo bye: yoomo nanu" gi jeju" yo' ngeipyo: khyoo: ri joeb byeung" sho' shau" kham: yu goo" baja" o".

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 1:8

He gu: gi nanu" moo aboo age da" yoem: so' joem nghoid. He: gu: gi nanu" moo athang agoin dabo jo, nghoid rigi ngoonu" da" Aseing Yesu Khristu ri nanu" se' lo ziyo' kangso' dei da" khyoo: moo zhang" zhang" yang yang nghoid wigi akyu" bo thu' loo nhang: wa zi nghoid.

1YOHAN 1:2

Hau: da" kangso' gi thu' myhang lo da" uri ngoonu' hau: ziri myang yu" boem bye- houg: yoomo nanu" gi hau: khyoo: ri sagsi: kham, byid: boem bye. Nya: phoo yo' dage" nyid yu" bye- hau: apyaid ato: da" kangso' gi ngoonu" jang" moo thu' lo wigi ngoonu" gi hau" kangso' da" khyoo: nanu" ri sho' kyo" boem bye.

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

1YOHAN 2:23

Hau: nya: zoo: ri ngeug pya, su: hang" nghoid loug we' hau: nya: phoo ri we' bo ngeug pyam su: nghoid bye. Nya: zoo: ri lhoem: kham: yu su: gi nya: phoo ri we' lhoem: kham: yu zi nghoid bye.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.