YOHAN 10:3 - Lacid Common Language Bible

³ Yang zung" su: nghoid rigi khoem" zung" su: we' khoem" lhoem: phang byid: se' nyid. Yang joem we' nya: thui: ri se' gyo. Nyang: gi yang joem ri myeing yu khe: lho: yang khyam: mo, shu" thu' lo.

YOHAN 10:3 ပူးပေါင်းရင်းမြစ်များ

COUNG" NGHEI 80:1

Israela byumyu" yi da" yang zung" su: we' ngoonu" ri tam" gyoo: byid: we'. Yang phung: yi da" vhujhung: phoo we' shoug" gyoo: byid: we'.

THU' LO" MOUGSOUG" 33:17

Aseing gi Moshe ri «Nang ri ngoo gye" si' nyid ziyo' ngoo nang ri vho: ngei nyid yoomo nang tid ziyo' dakhyoo" ti" ngoo koid wa zi nghoid» ga: tid.

DANG: ZHOEM 27:23

Re" da" nukyung yang kyung ri ge bue" yhi' goo" lhoo: yu" coung: goin, nyid we'.

SHOLUMON JIKHOIN" 8:13

Nga" jhed we" hau: khyam: khoug: mo re" thui: ri ngoo ri shoug" gyoo: nhang: we'. Nga" byencang" yi we' re" dang: thui: ri tam" gyoo: wa shid re" lang" nyid boem ago".

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

YOHAN 10:4

Nyang: gi yang joem ri shu" vhu" thu' lo" uri yang joem da" shid' khyoo: shu" vhu" she: yhe: lo. Yang joem we' nya: thui: ri se' gyoo: yoomo thang: moo bo cang lo" boem.

YOHAN 10:9

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

Roma 8:30

Houg: yoomo Mangsoo: gi nyang: khyen: thu' too" mo ri khe: yu. Hougsu" khe: yu too" mo nya: shid' khoin" moo deingbyeing" mo agyeing" khyo" kham: yu lho: nya: myonhoo: phung yoeb ri - nyang: yo" dage" yo" bo kham: zoo: wa akhang" byid bye.

1Korinthians 16:9

Khasu" wim ga: ri hau: voo gung moo: ngoori- thoutheung da" gyivoo yi myoo" sho' nyid nyid ago". Nghoid loug we' akyu" bo wigi- gyi: sheung: sho' zei: wa da" moozoo" myoo" sho' zei: soo" wa ge' da" ayo, akhyeing: bo jo.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

3 Yohan 1:14

Kha: myhang amyang" ri nang yo' nyang: shau" goo" wa ein: - ngoo nheig byu nyid houg: lang" she' yha" eig youg nhoid' yo" nyang: shau" doem' goo" wa zi nghoid.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.

Pang Shug 3:20

Yu" we' ngoo gi khoem" duang: moo yab, jo, lho: khoem" ko' nyid. nga" da" thui: ri shau" gyo: lho: khoem" ri phang byid: su: da" yhoem: khoug: khyoo:- ngoo vang lo" lho: nyang: yo' dage" zo: shug wa nyang: we' ngoo yo' dage" shau" zo: shug nyid wa.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.