SHOLUMON JIKHOIN" 8:1 - Lacid Common Language Bible

¹ Ngoo gi nang ri nga" yhid noug" shoin" mang: nhung" yhang: ti" bui" nhang: nau zi nghoid. Hougsu" nghoid lang"- ngoo nang ri khyoo: moo shoug" go" uri babug bug nghoid loug we' hang" nheig yoo: wa zi anghoid.

SHOLUMON JIKHOIN" 8:1 ပူးပေါင်းရင်းမြစ်များ

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 51:17

O" Mangsoo we"- nga" da" xoin" du: gi khyo' nyhoem: da" nheigloem: soozoo: nghoid. Nang gi khyo' nyhoem: khyoo: yo' gyau: moin" da" nheigloem: ri nang ngeug pyam wa zi anghoid.

SHOLUMON JIKHOIN" 1:2

Re" nhoid yo' ngoo ri babug bug byid: bye:. Re" jheddab myid gi zabyid yhid: tho' je ge nyid da:.

SHOLUMON JIKHOIN" 7:13

Nang gi gyo, yen" gam shoem: yo' nyha" khoem" duang: nam moo jo, da" shi" aja: ja: da" shoem: shoug" nam wa zi nghoid. Nga" jhed we" ngoo gi re" shid re" nam pyo: shoem: axoug" yo' aseig ri to" too" byid: bye:.

SHOLUMON JIKHOIN" 8:2

Ngoo gi nang ri nga" yhid da" yhoem: khyoo: shu" lo" wigi nang ngoo ri jheddab myid yo' jhau" byid: wa zi nghoid. Ngoo gi nang ri nam pyo: zabyid yhid: byid: wigi nga" lamei shi"- zabyid yhid: ri byid: jhug wa zi nghoid.

ESAIA 60:14

Nanu" ri zeig zoo: boem bang: da" amyed ashen yigi nanu" jhang re" lho: Nyangnu" da" phau" myang: khyoo: ri ci: shug wa shid re" goeb pid loo goo" wa. Goonham' nanu" ri aphoug" akhyoid koid bang: dangain" nanu" khyid: yang: moo noku loo goo" wa. Nyangnu" gi nang ri ‹Aseing da" voomoo"› ‹Israela da" gyeung" shang: Mangso da" voomoo"- Ziun› ga: myheing loo goo" wa.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

HAGI 2:7

Byumyu" yi dangain" ri tu: mhug khyo' pyam lho: nyangnu" da" jonu" dangain" gi hid: moo ci: ju" lo boem wigi Noku Yhoem: Moo" moo byeung" shoin: loo" wa zi nghoid nyid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

LUKA 10:16

Yesu nya cangzoo: yi ri tid zigi nanu" da" dang: ri tam" gyoo: mo gi nga" dang: ri we' tam" gyo: zi nghoid bye. Nanu" ri keing" pyam mo gi ngoori keing" pyam zi nghoid. Ngoori keung" pyam zigi ngo ri nhang: kaid su: ri keing" pyam zi we' nghoid bye.

LUKA 12:8

Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

LUKA 18:9

Nyang: nya: da: gung rigi deung main" su: nghoid ga: loem: khau ci: lho: subi" goo" ji rigi atham: myang yu" nyhoem: mo, byu yug khang" moo" ri Yesu we' he: dang: tu, ri tid.

LUKA 2:38

Zoonu" ri ab nung" byid: da" ayo, moo hau: myiyi: gi ju" re" lho: Mangso da" jeju" ri coung" nghei. Hau: thang: ri Yerusalem voo ri khyoid yu wa ga: nheig byu nyid da" byu dangain" mo, ri zoonu" da" khyoo: ri tid pang kyo.

LUKA 9:26

Houg: lang" ngoo yo' nga" da" mungdang: ri sho' su: rigi byu nya: zoo: gi Nya: phung" yoeb, yo' nya: pho, da" phung" yoeb, bang yo' gyeungshang: moug: lagyoo: yi da" phung" yoeb, bang yo' ju" ri" lang" byu nya: zoo: we' nyang: ri sho' pyam' wa zi nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 13:3

Aseing Yesu gi nyang: ri phoo Mangso wigi amyeing" bain sho' ab byid: to" ziri we' nyang: gi Mangso jang" mo gyoo" lo lho: Mangso jhang khyoo: doem loo" loo: wa da" khyoo: ri we' si' gu nghoid.

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 3:13

Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

1Korinthians 1:28

Mougmyid moo: gye" nyang: akhyag nghoid ga: myid ci: mo, ri- phyo' shoin' pyam wa shid re" yu" nge khyo' to" da" ci" asoin: bang: ri khyen: yu abye.

GALATI 4:26

Nghoid loug we' moug: khung: moug: di yo' sen: da" Yerusalem gi loid byoin, zi yo" yu wigi ngoonu" da" nya: myhi' nghoid nyid.

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.