SHOLUMON JIKHOIN" 7:1 - Lacid Common Language Bible

¹ Myiyi: zoo: nang gi gye" young" nhung: Khyid: zhung" zhoung" ci: ri re" khyid: gye" sam" dab da:. Re" tang" boug" gi soolhoo: lo, moo" se' su: koid to" ziyo' du da:.

SHOLUMON JIKHOIN" 7:1 ပူးပေါင်းရင်းမြစ်များ

APOEM AYANG: 32:3

Yaku gi nya: shid vhu" khyoo: nya: mang: Eso nyid da" Edom moug: khyoo: lagyoo: yiri nhang: kaid.

COUNG" NGHEI 45:13

Khokham zoomyi: zoo: yigi khokham khoo" vang khoug: moo nyid. Nyang: gi khayhi' gyeing" young" lha. Nya: byisheing: gi sheing: khyeing: joem yo' yo, to".

THU' LO" MOUGSOUG" 28:15

«Mangsoo myid vho: da" khyoo: ri myid phyed jang" moo ci: wa shid re" yanggang nghoeb ri koid we'. Hau: ziri xoin" ngei" byizuang koid da" jonu" joem yo' dakhyoo" ti" koid lho: za: we' hau: ziyo' dakhyoo" ti" thoug" wigi koid we'.

THU' LO" MOUGSOUG" 28:42

Nyangnu" sho' aphu" goo" baja" phyid" doem: mo zi tang" boug" moo ju" da" loo" khya ri zin: yung" pain" yo' khyoeb byid: we'.

THU' LO" MOUGSOUG" 35:35

Kyung" lho: koid da" moo"- azuang sue" da" moo"- zin: yung" pain"- mougnyoug pain"- khalham" pain"- soug" goug" ni ri yo, da" moo" yo' gootu: byimi yo' moo" moo se' jhang: khyoo: ri nyang: gi houg: tang: ri byid: too" bye:. Nya: tang: gi moo" dangain" ri yo" koid wigi azuang sue" da" moo" moo se' jhang: su: eig tang: nghoid.

SHOLUMON JIKHOIN" 7:2

Hougmoo khanham we' athang da" nam pyo: zabyid yhid: bo da" goem jo, da:. Hougmoo: myioeb bain: yo' lheing khab' to" da" sungsoo: boem jo, da:.

DANIELA 2:32

Hau: soolhoo: vhuloem gi gyeing" thang da" sheing: wigi koid to" da:. Hau: da" yang gang yo' lo, gi ngei yo' koid to" ago". Phyid" doem yo' cug noug" rigi gyid: mid" yo' koid to" da:.

LUKA 15:22

Nghoidloug we' nya: phoo gi vhoo" kung: zoo: yi ri khe: yu lho:-ge thang da" byisheing: ri myab myab lo" yu wigi nyang: ri foid byid: ge'. Nya: lo, moo we' lo, pain" ri pain byid: ge'. Khyid: baid ri we' nya: khyid: moo zhung" byid: ge' ga: nyang: tid.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

Ephesu 6:15

Ngei pyo: da" ngei bu: lu dang: kho" kyoo" wa shid re" jen" jen" nghoid nyid da" khyoo: ri re" da" khyid: moo khyid: baid' yhang: ti"- baid' ci: lho: theung" shang" yab, jo, loo: ge'.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.