SHOLUMON JIKHOIN" 6:2 - Lacid Common Language Bible

² Nga" jhed gi seig xu: gam yug da" nya: khyam: khyoo: yhe: loo" bye:. Nyang: gi khyam: khoug: moo gougnyhoug phung: ri voem: zho" nyid wigi myioeb bain: koid: zheing" nyid da:.

SHOLUMON JIKHOIN" 6:2 ပူးပေါင်းရင်းမြစ်များ

SHOLUMON JIKHOIN" 2:16

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb bain: yoo moo coung" zho" nyid da:.

SHOLUMON JIKHOIN" 4:12

Nga" nheig tei"- nga" myhiseig we"- nang gi shoung: to" da" khyam:- kyam' to" da" khyam:- seung: to" da" gyid bug nghoid nyid.

SHOLUMON JIKHOIN" 4:16

Mougzhung: lid we"- too' we'. Mougpyi: lid we"- nga" khyam: khyoo: moid loo we'. Nam pyo: ja: yo' neing" jo, baja". Nga" jhed gi nya: khyam: khyoo: vang re" wigi houg: mo shi" je ge thang ziri zo: nyid baja".

SHOLUMON JIKHOIN" 4:5

Re" noug: gi shoocid: joem yo' du ziyo' myioeb bain: yoo moo lhu: nyid da" xaid zoozoem nu" tang: yo' du nyid da:.

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

SHOLUMON JIKHOIN" 5:13

Nya: baloid gi macid" yo' nam pyo: ja: byeung" sho' yug da" khyam: yhang: ti" yu" jhed tung" zi nghoid da:. Nya: nhoid yid gi Mura xu: byeung" sho' dab da myioeb bain: yo' du nyid da:.

SHOLUMON JIKHOIN" 6:11

Langkhung" mo agam nu" joem ri yu" wa shid re" we'- zabyid gam moo afu' nu" yiri yu" wa shid re" we' lamei shigam moo aboo" ri yu" wa shid re" we' ngoo gi Lashab khyam: khyoo: gyoo" loo bye:.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

ESAIA 57:1

Byu gi yi shid: wigi hang" we' hau: ziri ase' gyoo:- ci: lang" we' ajhoo: nghoid ago". Nghoid loug we' nyangnu" shid: lo" boem uri kyi" kyeug yau: khi" ce: ja: wigi we' nyangnu" ri dam ayo" tab nghoid da:.

ESAIA 58:11

Ngoo gi nanu" ri khanham we' khyoo: shid byid: wigi ge da" ja: yo' nanu" ri nheugdeug nhang: wa. Ngoo gi nanu" ri yoem: boo nhang: lho: yang" zain: nhang: wa. Nanu" gi gyid khanham we' ayau thang lo" da" gyid bug yhang: ti"- gyid agoin agoo" yo" da" khyam: yhang: ti" du wa.

ESAIA 61:11

Myoug: shi" joem anyug toid lo wigi yug lo zi nghoid zigi gyeing" nghoid ziyo' dayhang: ti" Myhang: thang Aseing gi nya: byumyu" yiri khyoid yu wa. Houglho: byumyu" yi dangain" gi nyang: ri coung" nghei byid: loo goo" wa.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

YOHAN 14:3

Houg: su" nanu" shid' mo joyoo daloem: lo" nyheing too" kho lho: nanu" jang" moo ngoo doem re" wigi ngoo nyid jang" moo nanu" we' yo" nyid sho' nanu" ri nga" jhang khyoo: re" shu" yu wa zi nghoid.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.