SHOLUMON JIKHOIN" 4:9 - Lacid Common Language Bible

⁹ Nga" jhed nga" myhiseig da" myojid" yo' nyang: void ci: da" yi: ri yu" uri nga" nheigloem: ri khoug" yu pyam bye: nhung:.

SHOLUMON JIKHOIN" 4:9 ပူးပေါင်းရင်းမြစ်များ

APOEM AYANG: 20:12

Nyang: gi gyeing" nyang: nga" nhammoo" nghoid- Nyang: gi nga" phoo nya: zoo: nghoid. Nghoid loug we' nga" myhi' mo anghoid wigi ngoo nyang: ri yu to" zi nghoid bye:.

APOEM AYANG: 41:42

Khokham phoo gi nya: lo, mo mung" vhoeb dazid lo, pain" ri khyoid yu lho: Yoseb da" lo, moo pain" byid:. Zin: yung" pain" byisheing: ri foid byid: lho: nya: leung zeung: moo sheing: yi doem ri foid byid: bye:.

COUNG" NGHEI 45:9

Re" khokham khoo" mo zoomyi: yi moo khokham yi da" zoomyi: yi we' bo nyid boem ago". Re" zhungtang da" lo, yo shoid moo myo, yi lo" da" sheing: ziyo' lho, yhoung ci: da- khokham myhi' yab jo.

DANG: ZHOEM 1:9

Nyangnu" da" jhoug" myeing" jhoug" thui: joem gi re" da" yu" yung" yu" du, nhang: da- vhu" thoeb, yo' leung zeung: moo: void ci: da" yi: thoem: ti"- re" da" asam" aved ri je" wigi young" du nhang: wa nghoid.

DANG: ZHOEM 6:25

Nyangnu" da" young" ziri ayu" ngei nyid nyangnu" da" mhau, mhoid" langi: koid myojid" moo: ayhe: myi" nyid.

SHOLUMON JIKHOIN" 1:10

Re" xam: gi re" baloid moo young" nyid da:. Re" leung zeing ju" sho' sheing: gyoo" re" wigi lug nyoug yhang: ti" du nyid da:.

SHOLUMON JIKHOIN" 1:15

Ngoo jheddab su: nang gi khayhi' young" nyid lha". re" myojid" we' jheddab myid yo' khayhi' bang nyid la".

SHOLUMON JIKHOIN" 3:11

Ziun myiyi: zoo: yi we"- re" wigi khokham Sholumon ri yu" ge'. Nyang: gi lo, xo' pui" koid da" pyo: thang goug thang nyid" ri nya: vhuloem moo nya: myhi' zhung" byid: da" bidmug ri zhung" ci: da:.

SHOLUMON JIKHOIN" 4:10

Nga" jhed nga" myhiseig we" re" jheddab myid gi ngoo ri gye" nheugdeug nhang: nyid da:. Re" jheddab myid gi zabyid yhid: tho' re" je ge nyid da:. Re" nam pyo: da" shoem: gi nam pyo: ja: dangain" tho' moo je ge nyid da:.

SHOLUMON JIKHOIN" 4:12

Nga" nheig tei"- nga" myhiseig we"- nang gi shoung: to" da" khyam:- kyam' to" da" khyam:- seung: to" da" gyid bug nghoid nyid.

SHOLUMON JIKHOIN" 6:12

Ngoo gi seing" gug thung" nyid. Nang gi ngoo ri meing: zain: jang: khyoo: yhe: lo" da" gyi myang: rheing" yhang: ti" jheddab myid shid re" lhu: zhuang" byid: nyid.

SHOLUMON JIKHOIN" 6:5

Re" myojid" nga" jang" mo lheing: loo" we' hau: zigi ngoo ri tei" lhoung to" da:. Re" xam: joem gi Gilead boem yam cang go" xang" yen" da" coidbaid kyung yo' du da:.

SHOLUMON JIKHOIN" 7:10

Ngoo gi nga" jhed wigi seung: ci: su: nghoid. Nyang: gi ngoo ri vho: nyid da:.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

EZEKIEL 16:11

Ngoo gi re" gung mo phoug" dab lug jonu" nghoid da" lo, theing" yo' yi: joem ri byid: foid bye:.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

DANIELA 5:7

Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

1Korinthians 9:5

Gootu: da" lagyoo: yi- Aseing da" nya: nhoung" bi" yo' lagyoo: Petru yhang: te" bang- da" khoo" shid: ri bo yu" cang wigi- ngoo so" yen" da" joyoo joem moo: yhoem: seing: myhi' shu" yen" wa akhang" ayoo" la"

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

Pang Shug 21:2

Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.