SHOLUMON JIKHOIN" 4:3 - Lacid Common Language Bible

³ Re" nhoid yid gi gyo, suid" void yhang: te" da" phe" pain" tei" yo' du wigi nang dang: tid uri hau: joem gi gye" young" da:. Re" baloid gi re" myo, nghoeb za: pain" akhoug: mo myi: su" bang young" nyid da:.

SHOLUMON JIKHOIN" 4:3 ပူးပေါင်းရင်းမြစ်များ

APOEM AYANG: 32:10

Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:.

EZRA 9:6

Ngoo mho' zigi «O" Mangso ngoo gi re" shidkhoin" mo vhuloem avoem" tu: yeung too" loo: sho' nyang: sho' bye:. Ngoonu" yooboo gi ngoonu" vhuloem tho' myhang: sho' boem loo bye:. Hau: zigi mougkhung: myhang nyang: myhang: jo, bye:.

COUNG" NGHEI 119:13

Nang byid: to" da" tarha" dangain" ziri thui: thain" thain: yo' ngoo doem phoug tid kyo" nyid wa.

COUNG" NGHEI 37:30

Byugi dayug da" nhoid moo: gi phajhi" dang: bo nyid. Nyang: gi khanham we' akhyoo" jang lho: young" du nyid.

COUNG" NGHEI 45:2

Nang gi yug gi nu" yi moo gung du: young" thang su: nghoid bye:. Nang gi dang: khyoo" jang jang yo" tid su: nghoid bye:. Mangsoo gi nang ri khanham we' mainkaid byid: nyid bye:.

DANG: ZHOEM 10:13

Phajhi" koung da" byu yigi dang: kang: bo da" dang: ri tid nyid nghoid loug we' ko" pyoid da" byu yi koem gi shen" yhen zi shau" boem wa nghoid.

DANG: ZHOEM 31:26

Nyang: gi nu" nham' tung"- ung: yeig phajhi" dang: se' sang: nyid.

SHOLUMON JIKHOIN" 1:5

Yerusalem mo myiyi: yi we" ngoo gi ceig ceig no, nghoid loug we' young" nyid. Kedara midcoo: boem" mo zoem" yhang: ti" ceig ceig no, nghoid loug we' Sholumon da" kho" khoug: mo khoem" goo pain" tho' re" gi je young".

SHOLUMON JIKHOIN" 4:11

Nga" nheugdeug su: we"- re" nhoid kug gi byoo: yhid: yhang: ti" cau: da:. Re" yhoo: gi nga" shid re" nunoug" yo' byoo: yhid: nghoid nyid da:. Re" byimi joem moo Lebanon mo nam pyo: ja: dangain" bo nyid da:.

SHOLUMON JIKHOIN" 5:13

Nya: baloid gi macid" yo' nam pyo: ja: byeung" sho' yug da" khyam: yhang: ti" yu" jhed tung" zi nghoid da:. Nya: nhoid yid gi Mura xu: byeung" sho' dab da myioeb bain: yo' du nyid da:.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

SHOLUMON JIKHOIN" 6:7

Re" baloid gi re" myo, nghoeb za: pain" khoug: moo myi: su" bang nyid da:.

SHOLUMON JIKHOIN" 7:9

Hau: thang: zabyid yhid: gi nga" jhed jang" khyoo: yau loo" nhang: wigi nya: nhoid kug yo' zei joem moo youg gyoo" nhang: wa zi nghoid.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

XOIN" NGEI" 14:4

khainjung phoo gi thung" khyo" younglho' pyam bye: da" ngho' eig du: ri shamu dajab- tei" ni dakhaid- pagyoem dakyang: yo' dage" yu ci: ri" wa shid re" amyeing" byid: wa zi nghoid.

XOIN" NGEI" 14:6

Nyang: gi gootu: ngho' dadu: ri yu wigi hau: ngho' said kaid to" da" suid jarung: moo shamu jab- tei ni khaid- pagyoem kyang: yo' dage" hau: suid" moo doin: nhoeb wa zi nghoid.

GYUNG: SOO" 19:6

Hau: thang: nyang: gi shamu jab- pagyoem yo' khyeing: ni khuang ri myikhyoem khyoo: du" zei kaid wa zi nghoid.

GYUNG: SOO" 4:8

Nyangnu" gi he: gu: dangain" jang" moo: pain" ni yo' nghoeb lho: hau: adang moo: shooyid gi yo' nghoeb wigi dang wa shid re" keing: youg: joem ri jhui: zei wa zi nghoid ago".

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.

HEBRE 9:19

Xang: shed" ri Moshe gi tung: to" tarha" moopyeung: to" khyoo: dangain" ziri byumyu" yi ri bain tid kyoo" lang" gi ne" da' yan, moug" yo' husub, seig kung: riyu lho: nushain: lo: suid" shoobaid suid" joem yo' gyid yo' cam" wigi tarha" mougsoug" deing: moo we' byu yi dangain" ri we' byeug sain" gyoin: kaid' da.

YOSHU 2:18

Nang hid: su" koid ca" da:. Ngoonu" nanu" mungdain: khyoo: jhen" vang re" uri nang nga" eig yug ri shab gyoo" loo" nhang: da" bangzoo: khoem" mo he: tei" ne ri tei" too" we'. Re" ba"- re" yhid- re" mang: nhung" yi yo' re" ba" da" yhoem: byu yi dangain" ri shu" wigi re" yhoem: moo: zheing" too" we'.