SHOLUMON JIKHOIN" 1:4 - Lacid Common Language Bible

⁴ Nang yo' dage" ngoo ri khe: yu wigi nyha" tang: phang: shang. Nga" khokham bue" lho: ngoo ri re" yab khyoo: shu" loo" we'. Nyha" tang: dage" pyoo: shang. Zabyid yhid: yed sho' shug lho: pyo: nyid shang. Myiyi: myhi' yi dangain" nang ri jheddab zigi ce: moug" cang aboo.

SHOLUMON JIKHOIN" 1:4 ပူးပေါင်းရင်းမြစ်များ

COUNG" NGHEI 111:4

Aseing gi nya: da" mau" pho" moo" zoo" joem ri ngoonu" to" myhed pyam wa da" akhang" abyid. Nyang: gi jheddab ziyo' nheug khyeug shoo" gyoo: su: nghoid nyid.

COUNG" NGHEI 119:32

Nang gi ngoo ri je se, gyo: yeug loo wa phajhi" byid: nyid zi nghoid yoomo re" da" amyeing" dang: joem ri ngoo gi goug goug yi yi tam" gyo: cang yhe: loo" wa.

COUNG" NGHEI 119:60

Re" da" amyeing tarha" joem ri anhe" nyid loo: za: ngoo myab, myab, tam" gyo: cang nyid bye:.

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

COUNG" NGHEI 42:4

Lai loo" bye: da" khyoo: joem ri ngoo myid yu" kaid uri nga" nheigloem: moo: atho' tid kougshu: nyid. Mangso yhoem: khyoo: byu phung: yi yo' dage" ngoo do, lo" uri gau yi da" byuphung: gi Mangsoo ri jikhoin" coung" nghei thui: yo' gau yi nyho: nyid boem wigi nyangnu" ri shu" do, lo" yu bye:.

COUNG" NGHEI 48:9

Mangsoo we"- re" da" Noku Yhoem: Moo" khoug: moo re" da" geung: teung jhed khyeing: kang: khyeing: ri ngoonu" myid boin: nyid boem.

COUNG" NGHEI 63:5

Nga" da" soozoo: gi cau: main' da" zoo: noem ri shoug" zo: yhang: ti" nheugshid: zi shoug" wa nghoid wigi ngoo nang ri coung" nghei da" gau yi jikhoin" joem ri khoin" nyid wa nghoid.

SHOLUMON JIKHOIN" 3:4

Nyangnu" yo' gang: go" thang: daso' zoo: ri nyang: ri ngoo shau" myang bye: zi nghoid. Ngoo nyang: ri zei: zeing wigi nga" myhi' da" yhoem: ngoo ri khu: kaid da" yab moo aju" ju" gi nyang: ri anhang: kaid zi nghoid.

SHOLUMON JIKHOIN" 4:10

Nga" jhed nga" myhiseig we" re" jheddab myid gi ngoo ri gye" nheugdeug nhang: nyid da:. Re" jheddab myid gi zabyid yhid: tho' re" je ge nyid da:. Re" nam pyo: da" shoem: gi nam pyo: ja: dangain" tho' moo je ge nyid da:.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 45:25

Ngoo Aseing ri Yaku da" amyed ashen yi dangain" ri khyoid yu wa wigi nyangnu" ngoo ri coung" nghei byid: loo goo" wa.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

ESAIA 63:7

Ngoo gi Aseing da" abei: abyo, da" jheddab myid khyoo: ri tid kyoo" wa. Nyang: ngoonu" ri koid byid: bye: da" lo, moo" dangain" gang mo nyang: ri coung" wa. Nya: nheig khyeug myid yo' geing: teing da" Jheddab myid yoomo Nyang: gi Israela byumyu" yiri myoo" sho' mainkaid byid: da:.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

HOSEA 11:4

Ngoo gi nyangnu" ri nga" jhang jheddab seing" no myid yo' lang: she: yu bye:. Ngoo gi nyangnu" ri koid: vu, yu lho: nga" baloid moo tab ci: loo bye:. Ngoo gi nyangnu" jhang goeb lho: zho" jhug loo bye:.

ZEPHANI 3:14

Israela byumyu" yi gau yi wa shid re" coung" thui: yo' fu" nyho: nyid ge". Yerusalem we' re" da" nheigloem: dangain" yo' ngei bu: gau yi nyid we'.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 25:10

Nheig aboo mo, nheig agyeung: da" zoomi: yi gi myi: xu: qei wa ga thu' yhe: lo" boem da" uri phoo seig gi kho ga: ju" ri" bye. Jen" jen" soin' nyheing to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye.

LUKA 2:10

Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

LUKA 22:19

Hau: thang: ri nyang: gi zooyho' ri yu lho: Mangso da" jeju" ri bain coung" byid: lang" zooyho' ri phe, yu wigi cangzoo: yi ri byid. He: zooyho' gi nanu" shid' re byid: pyam da" nga" gung nghoid. Ngoori myid: boin: nyid wa shid' re" hid: su" koid: ge" ga: tid.

YOHAN 12:32

Ngoo gi myidjang: tho' moo tu: zhug lhang" to" zi shau" nyid uri Byu dangain" ri nga" jhang khyoo: lang: yu wa zi nghoid ga: tid.

YOHAN 6:44

Ngoori nhang: kaid da" phoo Mangso wigi amhoid" shu" lo rigi hang" we' nga" jang" moo ayo" loo. Nga" jhang ju" loo su: ri ngoo gi lo" thang da" bidnyid moo shid: jang" mo doem dei to'' loo nhang: wa.

Ephesu 2:6

Ngoonu" gi Khirstu yo' dadeing: daloem: za: bui" bye: yoomo Mangsoo gi ngoonu" ri moug: khung: moug di tho' moo nyang: yo' dage" vhoeb, khang" nyid wa shid re" Khristu yo' dage" shid: jang" mo doem dei to'' loo nhang: bye.

Ephesu 6:24

Khanham we' abei: ashaem: da" jheddab nheigloem: yo' ngoonu" da" Aseing Yesu ri jheddab nyid bang: dangain" mo jhangk moo Mangso da" jeju" gi dajo, jo, baja" o".

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

HEBRE 12:1

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.