RUTHA 2:10 - Lacid Common Language Bible

¹⁰ Houg: lang" Rutha gi myidjang moo goeb khyo' lho: Bua ri «Nang ci: yoomo ngoo ri houg: yhi' gyeing" goin coung: lha". Ciyoomo tungbau byumyu" myiyi: zoo: za: date: nghoid ri nang aseing: ngoo ri houg: yhi' gyeung" nheig khyeug shoo" myen: lha"» ga: tid.

RUTHA 2:10 ပူးပေါင်းရင်းမြစ်များ

APOEM AYANG: 18:2

Nyang: gi nghang yu" kaid ri yuggi soem" yug houg: moo yab jo, ziri myang kaid lho: houg: jang: nyang: gi nyangnu" jhang gei yhe: lho: yhe: shau" wigi nya: myonhoo: myidjang moo tain" sho' yhe: goeb pid.

2 SAMUELA 19:28

Nga" phoo da" ikoin deungkhu: byu dangain" mo, gi aseing: khokham da" lo, moo shid: wa zi moin: yi" nyid bang: nghoid loug we' re" zoobui" mo zoo: wa shug wa akhang" nang ngoo ri byid: bye: zi nghoid. Aseing: khokham jang mo ngoo gootu: myonhoo: shoo: wa da" akhang" ajo, loo» ga: tid.

2 SAMUELA 7:18

Hau: thang: ri khokham David gi Aseing da" zoem" khyoo: vang zhung: wigi «Myhang: thang Aseing we"- nga" shid re" nang koid byid: bye: da" moo" zoo" yo' tu' yu" ri ngoo yo' nga" ikoin deungkhu: gi phau" dab nyid zi anghoid.

2 SAMUELA 9:8

Mephiboshed dalheing: dam goeb pid wigi «Aseing: we"- ngoo gi lakhuid" shid: dadu: yhi' lang" amoin: loo. Ciwim yoomo nang nga" adang moo thei" ge nyid la"» ga: tid.

XOIN" NGEI" 19:34

Nyangnu" ri nanu" gi Israela byu dayug yhang: ti" nyang: zoem" nyid ge'. Nyangnu" ri nanu" gung nanu" nyang: jheddab yhang: ti" jhed nyid ge'. Egutu mung" moo nanu" tungbau dalheing: bue" yu" bye: ziri myid boin: ge'. Ngoo gi nanu" Aseing Mangsoo nghoid.

MATHE 25:35

Khasu" wim gari Nanu" gi ngoo zooyoid da" uri zoo: noem byid: zho. Gyid shid da" uri shug gyid byid: jhoug ago". Ngoo being" voo bue" yen" uri nanu" yhoem: moo being" ded" boem ago".

LUKA 1:43

Nga" yhoem: seing: da" nya: myhi' gi ciwim wigi nga" jang" moo to' ju" lo lha".- ciwim wigi hid: yhi' da" jeju" ngoo shau" kham: zo: lha"» ga: tid.

LUKA 1:48

Aseing: gi nya: da" dei zooshang: da" nge thang yooboo ri we' khyoid pyam byid: bye. Akhid" mo doem ju" loo wa da" myid: yam: zoo: xeigju" sho' ngoori gi ngi lhoo su: ga: boem wa: bye.

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

RUTHA 2:11

Houg: lang" Bua gi «Re" yhoem: seing: phoo shid: thang: ri re" nid ri nang dei zhoo" dei zhug da" khyoo: we' nang gi re" myhi' phoo yo' co' phyid moug: ri too" kho' lho: shid phyang" asi' go" da" byumyu" yi jhang khyoo: ju" re" da" khyoo: we' ngoo ri jid" jid" nug nug zheung: tid kyo" boem bye:.

RUTHA 2:13

Rutha we' «Aseing: we" nang gi ngoo ri gye" nheig khyeug shoo" myen: abye: da:. Ngoo gi re" dei zoo: myiyi: nu" yi yo' lang" adu go" ziri aseing: nang gi dang: main dang: coug: yo' ngoo ri nheig teing byid: lho: re" join myhi' ri gau yi nhang: bye:» ga: tid.

RUTHA 2:19

Houg: lang" nya: nid gi «Akhid" nyid" khayoo: yhe: koid: lha". Khayoo: yhe: zei: lha". Nang ri lhoem: goin coung: beung" se' yu su: gi ngilho' nyid baja" o"» ga: lhoem: tid. Rutha we' «Akhanyid" ngoo gug gyoo" yhe: koid: da" yoo seung: myeing gi Bua ga: zi nghoid» ga: nya: khyoo: nya: nid ri tid kyo".

RUTHA 2:2

Danyid" da" bidnyid moo Moba myhi' Rutha gi nya: nid Naomi ri «Ngoo yoo khyoo: yhe: lho: dajhi' loem gi" mo, yoo moo gug gyoo" sho: koid: wa lhe"» ga: tid. Houg: lang" Naomi we' «Nga" dumoo" we" yhi: we'» ga: tid kaid bye:.

RUTHA 2:9

«Nyangnu" yham" lo" da" lo, zoo" ri yu" lho: nyangnu" da" thang: moo cang we' yug gi zoo: yi nang ri zoo: zi" azi" wa shid re" ngoo tid too" bye:. Nang gyid shed lang" gyid yam: moo yug gi zoo: yi kham: to" zi shug we'» ga: nyang: ri tid.

1 SAMUELA 25:23

Abigela gi David ri myang lang" Loo zei: mo myab myab gyo" wigi David da" khyid: yang: moo: goeb pid lho: