RUTHA 1:6 - Lacid Common Language Bible

⁶ Ayo, dajhi' myang" lo" thang: ri Aseing gi nya: byumyu" yiri gug zoo gi nhang: khyo" wigi mainkaid byid: nyid bye: ga: ziri Naomi gi shoug" gyoo: yoomo nyang: gi nya: dumoo" tang: yo' dage" Moba mung" mo thu loo wa ga: jen" jen" soin' too" bye:.

RUTHA 1:6 ပူးပေါင်းရင်းမြစ်များ

APOEM AYANG: 21:1

Aseing gi nyang: dangsoo" byid: to" ziyo' dakhyoo" ti" Sara ri mainkaid byid: lho:

APOEM AYANG: 28:20

Hau: thang: ri Yaku gi Aseing moo dang: thang" cab to" zigi «Nang gi ngoo yo' sagse: to" lho: ngoo yhe: lo" nyid da" nga" gyung: khyoo: moo ngoo ri goem loem byid: wigi ngoo ri lazoo: lashug yo' void byi: void mi byid:.

APOEM AYANG: 48:15

Hau: thang: nyang: gi Yoseb ri mainkaid byid: zigi «Nga" phoug" phyid" Abraham- Isag loem khoug: lo da" Mangsoo gi he: tang: ri mainkaid byid: baja". Nyangnu" gi zooshang: myoo: sho' amyed ashen myoo" sho' yo" loo goo" baja"» ga: mainkaid byid:.

APOEM AYANG: 50:25

Hau: thang: Yoseb nya: byumyu" yiri dang: theing theing nhang: zigi «Ngoo ri dang: soo' byid: ge'. Hau: zigi Mangsoo gi nanu" ri hau: moug: khyoo: shu" loo" lang" nanu" gi nga" mang ri nanu" yo' dage" ci: thu loo" wa nghoid ein: wigi dang: theing byid: ge'» ga: tid.

COUNG" NGHEI 102:14

Nyang: gi byo, yoin" lo' zi shoug" nyid nghoid loug we' re" da" dei zoo: yigi nyang: ri jheddab nyid. Nyang: gi byo, yoin" jo, nghoid loug we' nyangnu" gi nyang: ri nheug khyeug shoo" myen: myid bo nyid boem.

COUNG" NGHEI 111:5

Aseing gi nyang: ri gyoug phoug" mo, ri zoo: noem byid: nyid wigi nyang: gi nya: dang: theing khoin" ri khanham we' ato" myhid nghoid da:.

COUNG" NGHEI 132:15

Ngoo gi Ziun voogung ri nyang: moo: ca" yo nyid da" khyoo: dangain" ri agoin agoo" pang" thoug byid: wa zi nghoid. Ngoo gi: nya: da" sho" jhen: jang" moo zoo: noem yo" zho" jhoug gyi: loo nhang: wa.

COUNG" NGHEI 145:15

Kang: dei so, shi: bang: dangain" gi nang ri nheig byu nyid zoore dayu" nyid boem zi nghoid yoomo Nyangnu" zoo: noem, ca" nyid da" uri nyangnu" ri: nang gi zoo: noem byid: nyid.

COUNG" NGHEI 146:7

Nyang: gi doin: zeug zi shau" nyid mo, da" shid re" dang: phyed byid: lho: zooyoid su: ri zoo: noem byid: nyid. Aseing gi thung: lung" bang: ri loid byoin lo nhang: lho:

COUNG" NGHEI 147:14

Nyang: gi re" da" mougkyoo" joem ri goem loem byid: wigi main, da" sungsoo: gug yo' nang ri: nheugshid: nheugdeug nhang: wa zi nghoid.

THU' LO" MOUGSOUG" 3:16

Yhe: wigi Israela byumyu" vhujhung: yiri dage" khe: zheing" lho: nanu" phoug" phyid" da" Mangsoo- Abraham- Isag- Yaku da" Mangsoo Ngoo Aseing gi nanu" jang" moo thu shug bye: ein: nyangnu" ri tid we'. Ngoo nyangnu" jhang ri" lho: nyangnu" ri Egutu byumyu" yi khasu" koid bye: ziri shau" myang bye: ein: tid kyoo" we'.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

DANG: ZHOEM 30:8

Mhau' tid da" khyoo: moo: ngoo ri acang nhang:- ngoo ri gye" we' ayoo" nhang:- gye" we' amyung nhang:- ngoo moo: ca" nyid da" zoo: noem za: byid: we'.

ESAIA 55:10

«Nga" mungdang: gi nghain: yo' moug: gyid yhang: ti" nghoid. Hau: zigi mougkhung: mo gyo" re" wigi mougmyid ri jhu' nhang: da:. Hau: zigi shivoo joem ri yug nhang: wigi sain" wa myoug: shi" yo' zoo: noem ri byid: da:.

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

YOELA 2:19

Aseing gi nya: mung" byu yiri hidsu" ga: phoug tu"- «Akhid" ngoo gi nanu" ri shivoo:- zabyid yhid: yo' zhainloin: xu: byid: wigi nanu" gi nheugdeug loo goo" wa. Tungbau byumyu" yigi nanu" ri aphoug" akhyoid ayo" koid loo goo" wa.

ZEPHANI 2:7

Deung nyid shi" da" Yuda byumyu" yigi nanu" da" mougmyid ri lhoid yu pyam boem wa nghoid. Nyangnu" gi hau: moug: moo coidbaid kaid yang kaid jang: bui" nhang: pyam wa zi nghoid. Nyangnu" da" Aseing Mangsoo gi nyangnu" yo' dage" nyid lho: ngei pyoo: myenjham" nhang: wa zi nghoid.

MATHE 6:11

Ngoonu" moo ca" nyid da" zoo: noem- khid" nyid" ngoonu" ri byid: we'.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

LUKA 19:44

Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

1 TIMOTHI 6:8

Houg: su" nghoid yoomo ngoonu" gi zoo: noem, yo' voidmi void, byi: yoo" lang" gi hau: gu: yo' nheig deug nyid ge, boem bye.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

RUTHA 1:5

Hau yuggi zoo: tang: Malon yo' Khilion eig yug we' te: shid: khare" boem wigi Naomi gi zoo: we' yhoem: seing: phoo we' ayoo" loo: nyid deing khoo' bye:.

RUTHA 1:7

Nyangnu" gi Yuda mung" khyoo: dage" doem tau" loo" wa khyo" nghoid bye:. Nghoid loug we' houg: moo

1 SAMUELA 2:21

Aseing gi Hana ri mainkaid byid: wigi nyang: gi yug gi zoo: soem" yug yo' myiyi: zoo: eig yug ri doem khu: bye:. Zooshang: zoo: Samuela we' Aseing ri dei byid: nyid wigi gyi: sheung: loo bye:.