Roma 7:7 - Lacid Common Language Bible

⁷ Hougsu" nghoid rigi ngoonu" khasu" ein: tid boem wa lha". Moshe da" tarha" gi yoobo da" tarha" ein: wa la". Hougsu" age tid. Nghoidloug we' yooboo ga: zi ri Moshe tarha" wigi ngoori si nhang:. Gyeing" nyang: Moshe da" tarha" gi myo no, vhoo: age boo ga: atid' to" nghoid rigi myo no, vhoo: bo ga: zi ci: nghoid zi ngoo si wa zi anghoid.

Roma 7:7 ပူးပေါင်းရင်းမြစ်များ

APOEM AYANG: 3:6

Myiyi: myhi' gi shigam ri gye" yung" nhung:- nya: ashi" we' gye" zoo: ngham" wa myang ga: yu" thu lho: nyang: gi phajhi" boo su: to' bue" lo nghoid rigi khayhi' gyeing" gi wa lha" ga: myid. Houg: yoomo myiyi: myhi' gi shi" ri phyo' zoo: bye:. Hau: thang: nya: yhoem: seing: phoo ri byid: wigi yhoem: seing: phoo we' hau: shi" ri zoo: bye:.

2 SAMUELA 11:2

Danyid" da" bidnyid myen" thang: zoo" ri David gi daso' zoo: yhoeb wigi to' lo lho: khokham yhoem: mo yhoemkhung: khyoo: do, lo" bye:. Hougmoo nyang: so" lheing: yen" uri myiyi: dayug nya: yhoem: moo gung cid" nyid ziri nyang: myang kaid bye:. Nyang: gi gye" yung" da:.

COUNG" NGHEI 119:96

Jo, moo: jo, gi laleug lake, khoug: moo: za: jo, jo,. Nghoid loug re" da" amyeing" mungdang: koem gi joeb byeung" da" khyoo: ri: ngoo shoug" jhau" yu bye:.

THU' LO" MOUGSOUG" 20:17

Gootu: dayug da" yhoem: ri vo: da" myid aboo goo". Nya: myi:- nya: join myhi' jhoin phoo- nya: nu: kyung- nya: loo zei: yo' nyang: seing: da" gootu: jonu" dangain" ziri we' vho: ngei da" myid aboo goo".

MIKHA 2:2

Nyangnu" gi yoothung" yoogu: ri vhoo: lang" lhoid seung: yu boem. Yhoem: joem ri we' yu" vhoo: lang" hau: ziri nyangnu" lhoid yu boem. Hang" ikoin deungkhu: we' hang" ziyoo we' gau: nyu: khyoo: ayoo" nghoid ago".

MATHE 5:28

Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 20:16

Nyang: gi re" lho: houg: bang: dangain" ri bain said pyam wigi zabyid khyam: ri we' byu gooji ri nghoo" byid: pyam wa ga: tid. Hau: da" dang: ri shaug" gyoo: boem lang" byu yi gi hid: su" age koid ga: tid boem.

ACTS 20:33

Houg: su" nghoid yoomo ngoo gi hang" da" ngei sheing: mi, byi: ri we' - myo, no, vhoo: abo yu".

Roma 13:9

Khasu" wim ga: ri subi" myiyi: alhoid'. Byu asaid'. subi" da" zi akhoug" - myo, no: vhoo: aboo ga: da" Moshe tarha" yo" goo tu: da" tarha" dangain" gi re" yhoem: kyoo" cang ri nanya gung yo" dakhyoo" ti" jheddab we' - ga: da" tarha" moo jhung: shoem: nghoid bye.

Roma 3:20

Tarha" ri cang lo" khyo" - hang" we' Mangso: da" shid' khoin" moo deingbyeing" jang" moo ayo" ju. Tarha" gi - nyang: nyang: shoid' da" yooboo ri nyang: nyang: si wa shid' re" nghoid.

Roma 3:5

Nghoidloug we' byu dayham" gi - ngoonu" zei shoid' vhang: khyoo: gi - Mangso: da deungmain" khyoo: ri je myang loo nhang: zi nghoid la". ngoonu" ri dam kaid' zigi atarha" ein: wigi ngoonu" tid wa la". (Hidsu" ngoo tid zi gi - byu yi lhoung tid zi yo" dakhyoo" ti" nghoid)

Roma 4:1

Hougsu" nghoid yoomo ngoonu" Abraham: da" khyoo: ri myid yu" boem shang - nyang: thoung" shau" lo khyoo: gi hid vhoo: moo lhid" to".

Roma 4:15

Moshe da tarha" gi Mangso: da" nheig yoo: yoo" bue" nhang: nghoid loug we' tarha" ajo rigi tarha" shoid' ga: zi we' ajo.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

Roma 6:15

Hougsu" nghoid yoomo ngoonu" gi Moshe da tarha" vhoo moo anyid loo yoomo ngoonu" gi ciwim yooboo koid' shi" wa go" la". Hougsu" koid' wa shid' re" dangkang: ajo, loo.

Roma 7:11

Yooboo gi - ngoori lhid" to" da" tarha" ri myid boin: nhang: wi ngoori lheing jhoem' - ngoori shid: nhang.

Roma 7:13

Hougsu" nghoid ri gye ge da" zi gi ngoonu" ri ciwim shid: nhang: la". Ashid: nhang: nghoid da: - ngoori shid: loo" nhang: zi gi yooboo nghoid da. Yooboo gi shid: lo" khyoo: ri kang kaid' lho: - agung yab shug loo nhang: wa shid' re" ge da" tarha" ri ci: lho: ngoori shid: nhang: da" khyoo: za nghoid. Hougsu" nghoid yoomo yoobo gi khayhi' gyoug ge da" khyoo: ri Moshe tarha" wigi toin" shid' nyid.

Roma 7:5

Ngoonu" gi gungsho" nheigloem: ri cang lho: - Kangso' dei nyid boem uri Moshe da" tarha" yo" shu" u" she: zi Yo" dakhyoo" -yooboo koid' nau da" nheigloem: gi ngoonu" da" gungdu: ri - shid: wa jang" moo thang loo" nhang:

Roma 7:8

Youg: noo yooboo gi ngoonu" ri - hau: Moshe da" tarha" ri myid boin: yoomo ngoonu" da" nheigloem: ung: khoug: moo myo no vhoo: bo da" shoid' vhang: khyoo: - aja: ja: ri bue" loo nhang: Moshe tarha" ga: zi ajo nghoid rigi yooboo gi jo zi anghoid.

1Korinthians 15:56

Shid: zau: da" dug gi hau: youg: noo yooboo mo yo" yu, zi nghoid. Youg: noo yoobo da" yoem: koem gi hau: toung: to" da" tarha" mo yo" yu.

Ephesu 5:3

Nanu" gi Mangso da" byumyu" yi nghoid beom bye: yoomo youg: shoo: go" da" moozoo"- ayung" alho, da" asam" aved joem yo' vhoo: boo myo, no, da" khyoo: ri nanu" da" nhoid yo' lang" atid' nyid goo.

TARHA" TID POIN" 5:21

«‹Goo" yug yhoem: seing: myhi' ri ayu" vhoo: goo". Nya: yhoem:- nya: mougmyid- nya: join yi nya: nu: joem nya: loo zei: joem nyang: seing: da" ciri we' ayu" vhoo: goo".

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

HEBRE 7:19

Khasu" wim gari Moshe da" tarha" gi ce" ja: khyoo: moo we' joeb, byeung" sho' yo" koid bue" khyoo: ajo- akhid" koem gi hau" toung: to" da" tarha" da" gung thid'- je" ge da" nheig byu joyoo yo" byid: bye: yoomo ngoonu" gi Mangso jhang khyoo: yo" yu: tain" vang lo" boem bye.

YOSHU 7:21

Ngoonu" shau" shoem" yu da" zi joem mo yung" da" Babelon byisheing: dakhyab- ngei soem: kyen" koo: yo' daxe: darung koo: bo da" sheing: thung" dathung" ri myang. Hau: joem ri ngoo gye" vhoo: yoomo yu pyam bye:. Hau: joem ri nga" zoem" akhoug: moo: myhoeb to" wigi ngei ri athi" moo kaid to" ziri nanu" shau" myang wa» ga: tid da:.