Roma 2:9 - Lacid Common Language Bible

⁹ Xang: shid" ri Yuda byumyu" yi hau: thang: ri tungbau byumyu" yi yo' age khyoo: mo, byu dangain" gi - kyi" khyeug sho" jhen: zi yo" - khe" ngau nyid da dam shau" kham: zo: boem wa.

Roma 2:9 ပူးပေါင်းရင်းမြစ်များ

2 KHOKHAM MHOOMYID: 6:23

O" Aseing we"- mougkhung: mo tam" gyoo: byid: lho: re" dei zoo: yiri dang: phyed byid: la. Yooboo yo" da" yug ri nyang: moin: yi" ziyo' dakhyo" yooboo dam byid: wigi yooboo ayo" da" yug rigi loid byoin nhang: kaid la.

COUNG" NGHEI 32:10

Akhyeing" ashoeb mo, gi- myid myoo: ung: loug khyoo: shoug" lo boem wa. Nghoid loug we' Aseing ri loem khoug: mo, gi nya: da" geung: teung jhed khyeing: kang: khyeing: wigi coung: goem byid: zi shau" boem wa zi nghoid.

DANG: ZHOEM 11:23

Byu gi yigi ge da" akyu" ri koid wa zi khanham we' myid vho: nyid. Tarha" aci: bang: gi nyangnu" vho: khyoo: ri shoug" kham: yu da" uri byu yug khang moo" gi nheig yo: nyid boem bye:.

EZEKIEL 18:4

Myhi' phoo yi da" kangso'- zooshang: yi da" kangso'- byu yugkhang" moo" da" kangso' ri ngoo seing: da:. Yooboo shoid su: gi shid: ca" da" su: nghoid wa.

EZEKIEL 22:31

Hougsu" yoomo ngoo gi nga" nheig yo: khyoo: ri nyangnu" adang moo nhang: khyo' kaid wa. Houg: lho: ngoo gi nyangnu" koid lid: lo da" moo" zoo" gang mo myi: yhang: ti" nyangnu" ri phyo' shoin' pyam wa. Yoem: moo" bo Aseing tid too" bye:.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

MATHE 16:26

Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha".

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

ACTS 28:17

Soem" nyid" kyo: lo" thang: ri Polu gi hau: voogung mo Yuda ludaid' vhu" jhung: yi ri khe: yu da- nyangnu" gi zheung: zeung: ri lang" Nga" Israela mang: nhung" yi we"- ngoo gi ngoonu" da" byumyu" yi ri we' ngoonu" phoug" phyid" yi mo xo' kham: yu lo da" thung: ri joem ri we' - shoid vhang: da" moozoo" ri ngoo gi daja" we' akoid nghoid loug we' Yerusalem voomoo" moo ngoori thung: lhoung wigi Roma byu yi da" lo, moo ab, byid: pyam' boem ago".

ACTS 28:28

Houg: lang" Polu gi dang: thang khyo" (Dang: thang khyo" Polu gi) Hau: Mangso da" khyoid khyi: yu da" mungdang: ri tungbau byumyu" yi khyoo: byid: pyam' lho: wigi nyangnu" gi hau: da" mungdang: ri tam" gyo: yu lo" boem wa khyoo: ri nanu" se' too" ge" -ga: tid kaid' bye.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

Roma 10:12

Phoo Mangsoo: gi byu xangsu: yi dangain" bang: da" kangso' Aseing: nghoid lho: - nyang: gi akyu" mho' mo dangain" ri joeb byeung" da mainkaid jeju" byid. Houg: yoomo Yuda byumyu" yo" - tungbau byumyu" - ga: suid" aphyed'.

Roma 2:10

Xang: shid" ri Yuda byumyu" yi houg yo" dakhyoo" ti" tungbau byumyu" dangain" mo yo' ge da" moo" zei: mo rigi - myonhoo: ngeilang: we' - myenjham" ngeipyo: khyoo: we' - kham: zoo: nhang: wa zi nghoid.

Roma 8:35

Houg: yoomo - ngoonu" ri Khristu da" jheddab jang" mo - hang" yo" kang" pyam' wa lha". Yau: khe" khyoo myid myoo: ung: loug khyoo: - shen" jhen' khyoo: - zooyoid gyid shid' khyoo: - myoung: joid sho" jhen: da" khyoo: - shid: gyoin noo gyoin thoung" shau" khyoo: said' pyam' shau" da" khyoo: yi gi yo" kang" wa la".

Roma 9:24

ngoonu" gi Yuda byumyu" khoug: mo za: anghoid. Tungbau byumyu" khoug: mo we' Mangsoo: khe: yu too" mo nghoid.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

2 THESALONI 1:6

Mangsoo gi tarha" dain: khyoo: ri koid wa zi nghoid yoomo nanu" ri kyi" khyeug jam jau shau" nhang: mo, da" atho' moo kyi" khyeug jam jau doem toug" byid: wa zi nghoid.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".