PHILIPI 4:9 - Lacid Common Language Bible

⁹ Ngoo tid da" khoin" thui: joem yo' ngoo zei: so' da" lo, moo" joem khyo" nanu" nga" jang" mo shau" jhau" yu bye: da" khyoo: joem ri lo, ju" khyid: yug- cang zei: loo" ge' houg: lang" ngei pyo: da" apoem: Mangsoo gi nanu" yo' dage" danyid nyid wa zi nghoid.

PHILIPI 4:9 ပူးပေါင်းရင်းမြစ်များ

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ESAIA 8:10

Nanu" soin' nyheing too" ge'. Nghoid loug we' hau joem gi oung: doid wa zi anghoid. Nanu" nau tid yhi' tid ge'. Nghoid loug we' dangain" zigi aji amyed za: danghoid. Ciwim gari Mangsoo gi ngoonu" yo' dage" nyid.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

LUKA 6:46

Nanu" gi nga" dang: lang" atam" gyo: zi ci: koid: ngoori- Aseing: we" Aseing: we" ein: yoid nyid go".

LUKA 8:21

Houg: lang" Yesu gi nyangnu" Mangso da" mungdang: ri shau" gyo: lho: cang loo" mo, dangain" gi nga" myhi, yo" nga" no, nghoid, bye ga: tid

YOHAN 13:17

He: da" deung main" da" khyoo: ri akhid" nanu" se' boem bye. Houg: su" si' bye: ziyo' dakhyoo" ti"-- nanu" cang zei: lo" rigi ngi lho, boem wa.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

YOHAN 2:5

Hau: thang: ri nya: yhed' gi dei dei mo ri nyang: ci: tid ci: koid; ge' ga: tid.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

Roma 15:33

Myenjham" da Aseing: Mangsoo: gi nanu" dangain" mo yo" dage" danyid" nyid" baja" o" - Amen.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

1Korinthians 14:33

Khasu" wim gari- Mangsoo gi ngoonu" ri- anhung akhoid' khyoo: moo: anyid nhang: nhoug looza- ngei pyoo: myenjham" ziyo'- ngeiloug jen" yisoem" si: khyo" danyid nhang: nau.

1Korinthians 4:16

Houg: yoomo nga" da" akhyoo" bo cang loo mo, bui" goo" baja" ein:- ngoo nanu" ri mho' tung" pain: nyid.

2~KORINTHU 13:11

Nga mang nhung" yi we"- akhid" ngoonu" vhu" kaid boem. Nanu" dangain" bang: ngei pyo: nyid goo" baja" o". Joeb joeb byeung" byeng" yo" bue" nyid sho' xo' lho: yoem: kaid thoug shang nyid ge". Nga" mho' nyhoem: dang: ri tam" gyo: wigi nanu" nyang: cang" ving" go" lho: ngei pyo: myen jham nyid ge'. Jheddab e" myed bo ziyo' ngei pyoo: nhang: da" Mangsoo gi nanu" yo' dage" danyid nyid baja" o".

TARHA" TID POIN" 5:1

Moshe gi Israela byumyu" yi dangain" ri dage" khe: zheing" yu lho: nyangnu" ri «Israela byumyu" yi we"- akhid" nyid" ngoo nanu" ri byid: wa da" tarha" joem dangain" ri tam" gyoo: ge'. Hau: joem ri jhoug" yu wigi hau: joem ri gyeing" nyang: tam" gyo: cang yhe: nyid ge'.

PHILIPI 3:17

Mang nhung" yi dangain" mo we"- nanu" dangain" nga" jang" mo khooshid: ri yu" yu ge'. ngoonu" toin" shid' too" bye: da" akhyoo" again ge da" khooshid: ri yu" yu lho: cang loo" bang: ri yu" xoem" nyid ge'.

PHILIPI 4:7

Houg: lang" byu yi se' da" nyain: dangain" tho' mo je" lid da" Mangso ngei pyoo: myenjham" khyoo: gi Khristu Yesu yo' deung: shoin" da" khyoo: moo nanu" da" nheigloem: e" myed, yo' myid soin: khyoo: dangain" moo zung" lhug byid: wa.

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

1THESALONI 2:14

Mang nhung" yi we"- nanu" moo bue" lo da" thoung" shau" khyoo: joem gi Yuda mung" mo Mangso phung nghoid da" Khristu da" byu yi moo we' thoung" shau" nyid boem- nanu" gi nyhang" nya: moug: mo byu yi da" lo, moo shen" yhen khyoo: thoung" shau" yhang: ti" ngoonu" we' Yuda byumyu" yi da" lo, moo thoung" shau" nyid boem bye.

1THESALONI 5:23

Nyhang" ri ngei pyo: myen, jham" khyoo: byid: nyid da" Mangsoo gi nanu" ri khyoo: khaid gu: khang" moo" moo ced" yung" ced" shang: lho: wigi ngoonu" da" Aseing Yesu Khristu doem ju" re" da" uri nanu" da" venyi nheigloem: yo' gung du: goin" ziri yooboo adab loo: sho' zung" lhug goin, coung" byid: baja".

2 THESALONI 3:4

Nghoonu" tid pyeung: too" moo too"- dangain" ri nanu' zei: nyid bye: ziyo' dakhyoo" ti"- xo' lho: we' zei: lo" boem, goo" wam: bye" ein: we' nau" da" atho' moo ngoonu" nheig shid: nheig deug ziyo' loem" nheigloem: ri Aseing: gi ngoonu" ri byid: bye.

2 TIMOTHI 4:22

Hau" Aseing: gi re" venyi yo' dage" dangyi nyid baja"- Mangso da" Venyi gi nanu" yo' dage" dajo, jo, baja" o".

YAKU 1:22

Nya: mungdang: ri houg: yhang: ti" shau" gyo: yu" khyo" nyang: nya: gung ri amhau, nyid goo. Mungdang: ri cang nyang: cang loo" mo, bue" nyid ge'.

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.