PHILIPI 4:19 - Lacid Common Language Bible

¹⁹ Hougsu" nghoid yoomo Mangsoo koem gi myonhoo: phung" yoeb, yo' phajhi" soid gain' athang agoin yo" jo, nyid ziyo' dakhyoo" ti"- nanu" ri Khristu khoug: moo nanu" da" ca" moo ca" ri jhoeb, pyeing" byid: wa nghoid.

PHILIPI 4:19 ပူးပေါင်းရင်းမြစ်များ

APOEM AYANG: 48:15

Hau: thang: nyang: gi Yoseb ri mainkaid byid: zigi «Nga" phoug" phyid" Abraham- Isag loem khoug: lo da" Mangsoo gi he: tang: ri mainkaid byid: baja". Nyangnu" gi zooshang: myoo: sho' amyed ashen myoo" sho' yo" loo goo" baja"» ga: mainkaid byid:.

2 SAMUELA 22:7

Ngoo gi nga" kyi" khyeug khoug: mo Aseing ri yoid bye:. Ngoo ri pang" yu wa shid re" nga" Mangsoo ri ngoo yoid bye:. Mangsoo gi Noku Yhoem: Moo" khoug: mo nga" thui: ri shoug" gyoo: bye:. Pang" thug wa shid re" ngoo ngau yoid thui: ri nyang: tam" gyoo: byid: bye:.

2 KHOKHAM MHOOMYID: 18:13

Nghoid loug we' Mikhaia gi «Ngoo gi Mangsoo tid da" dang: ri ngoo tid wa ein: dei nyid da" Aseing myeing khyo" ngoo tid wa» ga: tid.

2 KHOKHAM MHOOMYID: 31:8

Khokham Hezekia yo' nya: gyizoug: yigi khamyhoo' shugbyid: too" bye: ziri shau" myang lang" nyangnu" gi Aseing ri coung" da:. Israela byumyu" yiri we' coung" da:.

NEHEMIA 5:19

O" Mangsoo we"- Nang ri ngoo akyu" mho' kaid da:. He: byumyu" yi shid re" ngoo koid lid lo da" ja: khang" moo" shid re" nga" akyu" ri myid boin: byid: la.

NEHEMIA 9:15

Nyangnu" zooyoid uri nang gi nyangnu" ri mougkhung: mo zooyho' khyoo' byid: da:. Nyangnu" gyid shid lang" lug moo" boem mo gyid byid: da:. Nang gi nyangnu" ri byid: wa ga: dangsoo" to" da" mougmyid ri yhe: seing: yu wa shid re" tid bye:.

COUNG" NGHEI 104:24

Aseing we" nang koem gi ja: khang" moo" ri koid nyid da- nang gi jo, moo: jo, ri phajhi" bo khyo" koid too" nhung: lha". Mougmyid yoosoo" gi nang phain" so: to" da- dei moo: dei joem yo, byeung" jo.

COUNG" NGHEI 130:7

Israela byumyu" yi we"- Aseing ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

COUNG" NGHEI 36:8

Nang byid: da" agoin' ayu: zoo: noem mo ngoonu" shoug" zo: boem. Re" da" reung: thang jeju" gyid lang mo nang ngoonu" ri shug nhang: bye:.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

DANIELA 6:22

Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

MIKHA 7:7

Hougsu" nghoid loug we' ngoo gi Aseing ri dazung" yu" nyid wa. Ngoo gi ngoo ri khyoid yu wa ein: myid loem da" Mangsoo ri dalang" nyid wa. Nga" Mangsoo gi ngoo ri tam" gyoo: byid: wa zi nghoid.

MALAKHI 3:10

Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" Aseing gi tid nyid.

MATHE 6:32

(Khasu" wim gari tarha" tungbau mo mo, we' hau: gu: dangain" ziri sho: nyid ago") houg: dangain" ziri nanu" vho: nyid zigi mougkhoung: tho' mo nanu" da" nya: phoo gi se' nyid gu nghoid.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 20:27

Hau: thang: Thoma ri re" lo, nyoug" yo" hid: moo thau" yu" we' nga" lo, joem ri we yu" we' Re" da" lo, yhoin" kaid lho: nga" nam joug moo soeb yu" we' aloem" jeing" loo: loem shoid khyoo: akoid. Loem" jeing" nyid we' ga: tid.

Roma 1:8

Yesu Khristu ri nanu" Loem jeung" da" khyoo: gi Moug myid gyab goin" fu" nheing loo" yoomo - ngoo gi nanu" dangain" shid' re" - Yesu Khristu khyoo: ngoo gi nga" Mangsoo: ri xang: shid" coung" nghei" nyid.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

Roma 8:18

Akhid" he: da" pyaid moo ngoonu" thoung" shau" nyid da" koug shu: sho" jhen: khyoo: gi thang: phyang" pyaid Mangsoo: gi ngoonu" ri shau" kham: zoo: nhang: wa da" myo nhoo: phung" yoeb yo" citham: atu' yu" ein: ngoo loem" jeing" nyid.

Roma 9:23

Hau tho' mo gootu: Mangsoo: gi nyang: nheig khyeug nyid mo ri nya: da" joeb byeung" myonhoo: phung" yoeb ri shau" myang nhang: wa shid' re" vho: ngei nyid. Houg: bang: gi Mangso: da myo nhoo: phung" yoeb yo" bo vang kham: zoo: nhang: wa da" shid' re" - Mangsoo: nyang: nyheing too" mo, nyang: nghoid bye.

2~KORINTHU 12:21

Nanu" jhang khyoo: ngoo doem ju" re" uri Mangsoo gi ngoori nanu" da" shid khoin" moo doin: khyo' pyam zi shau" wa zi we ci' nyid akhid" nyid ju" sho' ri we' nheigloem: athid loo: za_ aved asam' akyang" byo, lho: nyam ziyo' gaintho' zung mo, myoo" sho' nyid boem yoomo ngoongoug byid thu' wa ziri ci nyid.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

Ephesu 2:7

Nyang: hidsu" koid da" khyoo: gi Khristu Yesu moo ngoonu" ri toin" shid da" nya: jhed khyeing: kang: khyeing: khyo" wigi nya: da" jeju" gi gooki" lid' gyi: sheung: jo, da" khyoo: ri myang se' loo wa shid re" toin" shid nyid.

Ephesu 3:16

Nanu" da" akhoug: mo byu ein: da" nheigloem: ung: khoug: yoem: bo loo goo" baja"- Mangsoo gi nya: myo: tham: da" myonhoo: phung yoeb, mo nya: venyi: nanu" ri yoem: so' byid: nyid baja"- ngoo gi Mangsoo moo akyu" mho' nyid.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

PHILIPI 4:7

Houg: lang" byu yi se' da" nyain: dangain" tho' mo je" lid da" Mangso ngei pyoo: myenjham" khyoo: gi Khristu Yesu yo' deung: shoin" da" khyoo: moo nanu" da" nheigloem: e" myed, yo' myid soin: khyoo: dangain" moo zung" lhug byid: wa.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

1THESALONI 2:12

Ngoonu" gi nanu" ri yoem: byid: khyoo: yo' nheig teing byid: khyoo: koid lid lo yu" boem bye- nya: da" mungdain moo yo" bo vang zoo: wa ziyo' myonhoo: phung yoeb, yo" bo kham: yu goo" baja" ga- nanu' ri khe: yu da" Mangsoo ri vho: ngei nhang: da" kangso' dei khyoo: moo daso" lo" nyid wa shid re" ngoonu" gi xo loo: xo' jhoug" byid: nyid boem bye.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

PHILIMON 1:4

Nga" da" akyu mho' da" ayo, khang" moo" moo re" da" khyoo: ri tid wigi nga" Mangso jhang jeju" ri coung" byid: nyid.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.