PHILIPI 4:18 - Lacid Common Language Bible

¹⁸ Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

PHILIPI 4:18 ပူးပေါင်းရင်းမြစ်များ

THU' LO" MOUGSOUG" 29:18

Zoo: noem xoin" khyo" yang du goin" ziri phoin: moo nghe' pyam we'. Hau: xoin" da" shoem: gi ngoo ri vho: ngei nhang: da:.

GYUNG: SOO" 15:3

Aseing ri nghe' ngei" da" xoin" khyo" we' thang" cab ri pyeing da" xoin" khyo" we' myid bau" yoo mo byid: da" xoin" khyo" we' main: main: koid da" laloem lakhoug: pui" moo byid: da" xoin" khyo" we' Nuloo:- yang loo:- yang anghoid lang" coidbaid dadu: ri yo" shugbyid: da:. He: zoo: noem xoin" joem da" shoem: gi Aseing ri vho: ngei nhang: wa zi nghoid.

ACTS 10:4

Nyang: gi gyoug ziyo' Mouglagyoo: ri yu" zhug to" lho: «Aseing: we" ce: noem lha"» ga: myed: Mouglagyoo: nyang: ri «Mangsoo gi re" da" akyu" mho' thui: yo' re" alu jhung: shug ri, , ngei yoomo tu" byid: wa zi jen" jen" nghoid bye-

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

2~KORINTHU 11:8

Ngoo nanu" jang" moo moo" voin, nyid da" ayo, gu: moo gootu: voo, mo phung bang gi ngoori pang" thoug ago, hau: zigi nanu" ri pang" thoug wa shid mo gootu: phung: mo ngoo, lhoid yu zi nghoid ein: shang.

2~KORINTHU 9:12

Khasu" wim gari hid: nanu" koid da" zei: zhoo" zei: jhoug da" moozoo" - Mangso da" byu yi ca" yo nyid jang" mooyo" pyeung byid: tho agoo" Mangso da" jeju" ri boin: so" coung" nghei da" thui: gi byeung" shoin: lo nyid bye.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

PHILIPI 4:12

Ca" nyid yo nyid wa ziyo' agoin ayu: yo" loo: jo, lo ri khasu" nyid wa ziri we' ngoo se- yoo" zoo: yoo" shug nghoid loug- zooyoid gyid shed' nghoid loug- myoo" sho' yoo" nghoid loug- dajhi' za: te: yoo" nghoid loug- kha: joyoo moo nghoid loug- kha: yo, kha: khyeing: moo nghoid loug- nheig shid: nheig deig tung" se' nyid da" he: da" yhoem" to" zau" to" da" phajhi" ringoo se' yu bye.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

HEBRE 13:16

Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.