PHILIPI 4:17 - Lacid Common Language Bible

¹⁷ Hidsu" ein: ngoo tid nyid da" khyoo: gi jhung: shug jhung: lang: ri ngoo mho' nau nyid zi anghoid- nanu" da" zhayen" moo amyid' myo: loo wa ziri ngoo myang nau nyid.

PHILIPI 4:17 ပူးပေါင်းရင်းမြစ်များ

DANG: ZHOEM 19:17

Myung mo, ri: byid: zigi Aseing ri jhid" byid: ziyo' du nyid. Aseing gi nang ri doem tau" xab, byid: loo wa zi nghoid.

MIKHA 7:1

Nheig byu jang: ajo, loo: o". Ngoo gi shigam, moo ce: shi" we' azei: loo: yoomo zabyid nei moo zabyid shi" azei: lo zi shau" myang da" zooyoid su: yo' du byug bye:. Zabyid shi" dangain" yo' ngham" da" lafoem' shi" we' bain phyo' pyam abye: go".

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

Roma 15:28

Houg: yoomo ngoo gi yo" khyu: yu da" alu: ngei ri - nyanu" ri yhe: yo" byid lho: ri she Sping: mung" khyoo: gyung: xo' so" loo" wa nghoid. Khyoo: eung: yoomo nanu" jang" mo: vang jang: loo wa.

2~KORINTHU 11:16

Hau: lho: ngoo doem poug tid nau khyoo: gi ngoori goo, su: nghoid ein: hang we' age soin: yu. Nghoid loug we' nanu" hougsu" soin" yu bye: yoo: we' thang thang ngoori agoo dayug khyo" lhoem: kham yu ge,- Hougsu" ngoo we' phau: khuang da" dang: dajhi' tid ba.

2~KORINTHU 9:5

Hougsu" nghoid yoomo nanu" jheddab da" alu jhung shug dang: lang" bo jo, bye: ziyo' dakhyoo" ti" hau: ziri nyheung soin' jen" too" wa shid re" he: mang: nhung" yi ri nga" shid vho" khyoo: nhang: kaid wa ca" nyid ein: ngoo myid nyid. Ngoo ju" re" uri alu joem ri bain soin' nyheing too" gu: nghoid wa shid re" nanu" byid: ca" da alu gi agoin: za: te: koid pyam' zi anghoid loo: za: - byid: nau da" emyid, yo: byid: da: aved, thu' nyid ge'.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 4:11

Ngoo hid: su" ein: tid da" khyoo: gi nanu" ngoori nung phoug pyam boem bye: ein: tid nau zi we' anghoid- khasu" wim ga: ri ngoo gi ngoo nyang: te: yo" gu: yo' nheig deug; lho: se' nyid ca" khyoo: ri se' yu bye.

1THESALONI 2:5

Khasu" wim ga: ri nanu" goo" lhoo: za: se' nyid boem bye: ziyo' dakhyoo" ti"- ngoonu" gi nanu" jhang khyoo: adeung amain" khyo" mhau' mhoin" da" dang: tid zoore"- houg: su" anghoid lang" gi vhoo: boo myo, no, khyoo: ri nghoeb, to" lho: ju" re" boem, zi anghoid- hau: khyoo: moo Mangsoo nyang: sagsi: nghoid nyid.

1 TIMOTHI 3:3

Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

TITU 1:7

Khasu" wim ga: ri phung vhoeb phoo gi Mangso moozoo" ri yoovoin yu lho: wigi voinvu, nyid su: nghoid yoomo yooboo aboo su: dage koid. Nyang: gi nheigloem: myhang: su:- nheig yo: phoin: su:- yhid" shug noug su:- myeing" myoo: yhoo: shi: su:- dang: nug nu: su: age nghoid ngi ri myo, no, vhoo: boo su: we' age koid.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

1PETERU 5:2

Mangso da" yang phung: ri Mangsoo nanu" ri koid nhang: nau ziyo' dakhyoo" ti"- yu" coung goin, zung" lhug nyid ge, anoug akhyoid' khyo" akoid loo: za: nu" nham, vho: ngei da" myid' yo' koid nyi ge'- La, ga, nyho, khyo" anghoid loo: za: zhoo: gyi: zei: nau, khyo" gau yi ngei pyo: ziyo' zei: so' vhoin, wu, nyid ge'.

2PETRU 2:15

Nyangnu" gi dain: da" khyoo" ri too" pyam' lho: khyoo: vhang" lo" boem abye:. Nyangnu" gi Beora da" nya: zoo: Balam cang da" khyoo: moo cang lo" byug boem abye: go". Balam gi adeung amain" da" moo" zei: lho: yo" da" ngei ri myo, no, su: nghoid nyid

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.