PHILIPI 3:20 - Lacid Common Language Bible

²⁰ Ngoonu" koem gi moug: khung; mo da" mung" byu yi nghoid boem yoomo moug: khung: moug di mo ngoonu" da" khyoid yu Aseing Yesu Khristu ri shau" goo" wa kang: lung bu dalang" nyid boem.

PHILIPI 3:20 ပူးပေါင်းရင်းမြစ်များ

COUNG" NGHEI 16:11

Nang gi ngoo ri kangso' dei wa da" khyoo" moo toin" shed byid: wa nghoid. Nang gi nga" da" nam, moo: nyid yoomo ngoo gi gau yi ngei pyo: ziyo' apyaid atoo: moo: myenjham" nheugdeug nhang: nyid bye:.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

DANG: ZHOEM 15:24

Phajhi" bo da" byu yigi moovo moug: khyoo: khyang: da" khyoo: moo: agyo" loo" loo: za: kangso' dei da" khyoo: moo: so" do' lo" nyid.

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

LUKA 12:21

Nyang: nya: shid' re" ziyoo jonu" khamyhoo young: too" nghoid loug we' Mangso da" shid' khoin" moo ayoo" ajo, su: gi hau: da" sathe" phoo yo" dadu nyid ga: tid.

LUKA 14:14

Houg: su" khi: lang" gi nang ngi lhoo wa. Khasu" wim gari houg: bang: gi nang ri jeju" yo" phug wa yoem: aboo mo, nghoid. Deung main" mo, shid: jang" mo doem dei to'' lo da" uri Mangsoo gi nang ri jeju" doem toug" byid: zi shau" wa ga: tid.

ACTS 1:11

Galile byu yi we"- nanu" ciwim wigi moug: khung: khyoo: nghang yu" nyid go" la". Nanu" shid khoin" mo moug: khung: khyoo: to' yu shau" da" hau: Yesu gi-moug: khung: khyoo: do, lo" ziri nanu" myang ziyo' dakhyoo" ti-houg: su" nyang: doem gyoo" ri" wa zi nghoid- ga: tid kyo.

1Korinthians 1:7

Houg: yoomo ngoonu" da" Aseing Yesu Khristu thu' myang loo wa ziri: dalang" nyid da" ayo, moo- nanu" moo: ashau" kham: yu da" main, kaid jeju" gi ci" we' aboo loo.

1Korinthians 15:48

Moug: myid yo' sen: da" byu yi gi myid zhoo" phei" yo' phain" too" shoug" su: yo' du, go" nyid- moug: khung: yo' sen: bang: gi moug: khung: khyo" gyoo" lo da" byu yo' du go nyid.

2~KORINTHU 4:18

Ngoonu" gi myo, jid" yo' yu" myang ja" - zi ri za: vhoo: bo nyid zi anghoid loo: za: myo, jed" amyang: ja: ri she- dayu" whoo: bo nyid boem. Khasu" wim gari myojid" myang nyid da" zijoem gi daso' dadam za: jo lho: myo jid" ayo" myang ja: gi apyaid atoo: moo dageung: jo, jo.

2~KORINTHU 5:8

Ngoonu" gi yoem: moo" so' zeing yo' byeung" jo, boem yoomo gungdau: da" yhoem: ri to" pyam kho' lho: hau: Aseing: yo' dage" nyid nyid wa ziri je" vho: ngei nyid boem.

GALATI 4:26

Nghoid loug we' moug: khung: moug: di yo' sen: da" Yerusalem gi loid byoin, zi yo" yu wigi ngoonu" da" nya: myhi' nghoid nyid.

Ephesu 2:19

Hougsu" nghoid yoomo akhid" nanu" gi tungbau byumyu" hougsu" anghoid lang" gi nghi: zain' byumyu" yi anghoid boem loo- akhid" nanu" gi Mangso byumyu" yi moo bo da" moug: seung: byumyu" yi nyang: nghoid wigi Mangso da" ikoin deungkhu: byu yi nyang: nghoid bye.

Ephesu 2:6

Ngoonu" gi Khirstu yo' dadeing: daloem: za: bui" bye: yoomo Mangsoo gi ngoonu" ri moug: khung: moug di tho' moo nyang: yo' dage" vhoeb, khang" nyid wa shid re" Khristu yo' dage" shid: jang" mo doem dei to'' loo nhang: bye.

PHILIPI 1:10

Houg: lang" she' nanu" gi Khristu doem ju" re" da" bidnyid moo ayung" alhoo, aco' ajhoid khyoo: mo loid lo" lho: - yooboo adab bang: bue" wa zi nghoid.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

1THESALONI 1:10

Moug: khung: moug: di khyo" ju" ri" wa da" Mangso nya: zoo: ri dalang" nyid boem ziri we' hau" byu yi dangain" mo, gi tid fu" nyid boem abye: go- Hau: nya: zoo: Yesu gi shid: bye: jang" mo Mangso wigi doem dei to'' loo nhang: yoomo ju" loo wa da" Mangso nheig yo: lo bidnyid mo, nanu" ri khyoid khyi: yu su: nghoid nyid.

1THESALONI 4:16

Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".