PHILIPI 3:17 - Lacid Common Language Bible

¹⁷ Mang nhung" yi dangain" mo we"- nanu" dangain" nga" jang" mo khooshid: ri yu" yu ge'. ngoonu" toin" shid' too" bye: da" akhyoo" again ge da" khooshid: ri yu" yu lho: cang loo" bang: ri yu" xoem" nyid ge'.

PHILIPI 3:17 ပူးပေါင်းရင်းမြစ်များ

COUNG" NGHEI 37:37

Byugi yiri xoem" too" ge'- deungbyeung" su: ri yu" nyid we'. myenjham" su: gi amyed ashen myoo" sho' yo.

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

1Korinthians 10:32

Yuda byumyu" yi shid re" we'- Greek byu yi shid re" nghoid loug we'- Mangso phung da" shid re" we'- thoung" thue: leung jang: abui" wa shid re" kangso dei nyid ge'.

1Korinthians 11:1

Hougsu" nghoid yoomo- ngoo gi Khristu da" khoo" shid: ri cang lo yhang: ti" nanu" we' nga" da" khoo" shid: ri cang nyid ge'.

1Korinthians 4:16

Houg: yoomo nga" da" akhyoo" bo cang loo mo, bui" goo" baja" ein:- ngoo nanu" ri mho' tung" pain: nyid.

PHILIPI 4:9

Ngoo tid da" khoin" thui: joem yo' ngoo zei: so' da" lo, moo" joem khyo" nanu" nga" jang" mo shau" jhau" yu bye: da" khyoo: joem ri lo, ju" khyid: yug- cang zei: loo" ge' houg: lang" ngei pyo: da" apoem: Mangsoo gi nanu" yo' dage" danyid nyid wa zi nghoid.

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

2 THESALONI 3:14

He: d a" mougsoug" moo nanu" jhang khyoo:- ngoonu" lhid" foin: kaid' da" mungdang: ri atam" gyo: d" byu dayug yug nyid nghoid rigi nyang: ri xoem" to" lho: nyang: sho' thu' byug baja"- nyang: yo' azoem" goo" loo: goo.

2 THESALONI 3:7

Nanu" gi ngoonu' koid shug da" khoo' shid: yo' dakhyoo" ti"- cang zei: loo" ca" boem da" khyoo; -nanu" nyang: goolhoo: se' nyid boem bye- nanu" yo' dage" ngoonu" nyid shi" uri ngoonu" gi nei" da" khoo" shid: ri atoin" shid' boem.

2 THESALONI 3:9

Ngoonu" hid: su" koid lo da" khyoo; gi ngoonu" gi nanu" jang" mo mho' wa da" akhang" ayoo" yoomo we' anghoid- nanu" bo cang zei: wa khoo" shid: bue" nyid baja" ein- dakoid boem.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

HEBRE 13:7

Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.

1PETERU 5:3

Nanu" ri ab, byid: to" da" phung: ri seing: zoo: nau myid' khyo" akoid goo"- hau: yang phung: yi da" shid' khoin" moo yu" yu ge, da" khoo" shid: ri toin" shid' nyid ge'.