PHILIPI 2:30 - Lacid Common Language Bible

³⁰ Khasu" wim gari nyang: gi nanu" ayo" byid: da" pang" thoug khyoo:- ngoori byid: wa shid re" kangso' rinoung" pyam lho: Khristu da" moozoo" ri alug lug shid: sho' voin vu, yoem: kaid' lid lo abye:.

PHILIPI 2:30 ပူးပေါင်းရင်းမြစ်များ

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

Roma 16:4

Nya: eig yug gi nga" shid' re" kang: ab so' ab sho' moozoo" bo voin vu yu" su: eig yug nghoid. Nya: eig yug ri ngoo kyeing" za: anghoid nghizain: byumyu" phung: byu dangain" mo we' jeju" boin: nyid boem.

1Korinthians 15:53

Khasu" wim gari- boeb, yoin" loo" se' da" gung doem: gi aboeb ayoin" lo: gung doem: ri zhoung" yu lo" ziyo'- shid: da" gung doem gi ase' shid: lo: da" gung doem: ri void, yu wa zi nghoid.

1Korinthians 16:10

Timothi gi nanu" jhang khyoo: ju" re" lo da" uri- nanu" moo: nyang: nheigloem: myen, myen, shau" nyid sho'- nyang: ri goug goug yi yi lhoem: kham: yu ge'. Khasu" wim ga: ri nyang: gi ngoo yo' dakhyoo" ti" Aseing da" moozoo" ri voin, vu, nyid su: nghoid.

1Korinthians 16:17

Stephen- Photunatu yo' Akhaiaku nyangnu" ju" ri" yoomo- nanu" ri myang yhang: ti" ngoo gau, yi nyid. Nanu" ri goug nhang: bye: ziyo' dakhyoo" ti" ngoori we' goug nhang: bye.

2~KORINTHU 12:15

Ngoo gi nanu" ri pang" thoug wa ein: nghoid rigi ngoo yo" zi dangain" yo' nga" gungdu: lhang ri ci: yhoung: pyam wa zi vho: ngei nyid su: nghoid. ngo nanu" ri gye" jheddab yoomo nanu" gi ngoori dajhi' za: te" jheddab wa zi nghoid la".

2~KORINTHU 4:12

He: zigi ngoonu" jang" moo shid: loo" no lo" da" tarha" gi moo" zei: nyid zi nghoid. Nghoid loug we' nanu" jang" moo koem gi kangso' dei da" tarha" gi moo" zei: nyid.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

PHILIPI 2:27

Gyeing" nyang:- nyang: gi alug lug shid: sho' noo bye: nghoid loug- Mangsoo ginyang: ri nheig khyeug nyid nyang: ri za: we' anghoid- ngoori koug shu: zi azeing dapyam: yo' dapyam: ashug" baja" ga- nheig khyeug yu byid: bye.

PHILIPI 4:10

Hid: yhi' gyeing" ayo, myang" lo" thang: ri nanu" da" jheddab nheigloem:- ngoori dalheing: doem, toin" shid boem yoomo ngoo gi hau" Aseing Yesu moo gye" nyang: gau yi nyid Hougsu" ein: ri shid phyang" nanu" ngoori yu" goin, coung: khyoo: ri no: pyam' byid: boem ein: tid nau zi anghoid- hau: jheddab nheigloem: toin" shid' wa shid re" akhyoo" aboo loo: bue" ein: tid nau zi we' anghoid.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

PHILIMON 1:13

hau: ngeibu: ludang: yoomo thung: loung" jang" moo nyang: gi re" da" shid re" ngoori pang" thoug dei byid: wa shid re" nyang: ri he: jang" moo ngoo shu" nyid nau.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".