PHILIPI 2:20 - Lacid Common Language Bible

²⁰ Timothi nyang: kyeing" za: ngoo yhang: ti"- nanu" da" ge, khyo: shid' re" bo ci' byid: su nghoid.

PHILIPI 2:20 ပူးပေါင်းရင်းမြစ်များ

COUNG" NGHEI 55:13

Nghoid loug we' hau: khyoo: gi nang nga" bidnoem phoo nga" luzoem" cang" yo' nga" seing" tain" byumyu" cang" nghoid nyid.

DANG: ZHOEM 31:29

Myiyi: myoo" sho' bang: gi ge da" myhi' zeing yi nghoid ago- nghoid loug we' nang gi nyangnu" dangain" bang: tho' re" je" ge thang ga: tid nyid boem.

YOHAN 10:13

Lang: jhang gi lang: jhang date: nghoid nyid ziyo' dakhyoo" ti"-- yang joem ri ce: nheig akhyeig loo:- thu' phang: loo" se' nyid.

YOHAN 12:6

Nyang: gi thang: phyang" Yesu ri gyivoo yi da" lo, moo ab pyam wa su: nghoid. Nyang: hid: su" tid da" zigi shojhen: mo, ri nheig khyeig yoomo tid zi anghoid. Khoug" su: nghoid. Nyang: gi ngei thung: voin su: nghoid yoomo ngei ri lhoung gau" khau" yhung: nyid.

Roma 15:5

Nanu" dangain" mo gi - Khristu koid' shug aved asam" ri cang lho: wigi nheigloem: ung: khoug: daloem: za: boo wa shid' re" kham' zeing: yoem: vhoo" yo" geing: teing nheigloem: ri kaid' byid: da" Mangsoo: gi Nanu" ri pang" thoug nyid baja".

1Korinthians 16:10

Timothi gi nanu" jhang khyoo: ju" re" lo da" uri- nanu" moo: nyang: nheigloem: myen, myen, shau" nyid sho'- nyang: ri goug goug yi yi lhoem: kham: yu ge'. Khasu" wim ga: ri nyang: gi ngoo yo' dakhyoo" ti" Aseing da" moozoo" ri voin, vu, nyid su: nghoid.

PHILIPI 2:2

Hougsu" nghoid yoomo nanu" gi myid soin: khyoo dakhaid za:- nheigloem: sham: shoin" go" khyoo: dakhaid za: yo' nheigloem: daloem: za: khyo" wigi ngoori joeb byeung" da" gau yi khyoo: yo" yu nhang: goo" la' ein:- ngoo nanu" ri yoem: byid: dang: sang: kaid.

PHILIPI 2:22

Nya: zoo: gi nya: phoo ri bo pang" thoug yhang: ti"- hau: gau yingei bu: da" lu dang:- Kho" kyo" fu" pyo: lo" da" khyoo: moo ngoo yo' dage" moozoo" ri bo voin, vu, theung shang" nyid yoomo nyang: gi khayhi' phoug" dab, su: nghoid ziri nanu" nyang: si' bye.

KOLOSE 4:11

Yustu ein: we' myheung to" da" Yoshu we' nanu" ri vhu" kaid' hid: bang: seom" yug za: Mangso mungdain shid re" ngoo yo' dage" moo" voin, da" byen, cang" -loem" jeung" da" Yuda byu yi nghoid ago"- hid: bang: gi ngoori gye" bo pang" thoug bye: mo, nghoid ago".

1 TIMOTHI 1:2

Hau: da" loem" jeung" khyoo: moo nga" da" zoogyeing" nyang: nghoid da" Timothi jhang khyoo: mougsoug" lhid" foin: kaid. Phoo Mangsoo yo' ngoonu" da" aseing: Yesu Khristu jang" mo jeju" yo' nheig khyeug nheigloem: mo, ngei pyo: khyoo: gi man' shau" kham: yu baja" o".

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

2 TIMOTHI 3:10

Nghoid loug we' nang koem gi nga" da" jhoug" myeing" jhoug" thui: nga" asam" avoid yo' nga" kang: so' dei khyoo: moo myid soin' nyheung lo ziyo' dakhyoo" ti" cang lo" abye:. nga" da" loem" jeung khyoo:- ngoo nheigloem: sheung: kham, zeung: khyoo:- nga" da" jheddab myid- ngoo yoem: kaid' thoug shang" lo da" khyoo:-

1 SAMUELA 18:1

Sholu yo' David dang: bain doem go" thang: ri Sholu da" nya: zoo: Yonathan gi David ri gye" nheig dab wigi nya: gung yo' dayhang: ti" re" jheddab yu bye:.

1 SAMUELA 18:3

Yonathan gi David ri gye" jheddab yoomo nyang: yo' dapyaid datoo: byencang" koid wa shid re" dang: theing too" bye:.