PHILIPI 2:16 - Lacid Common Language Bible

¹⁶ Nanu" hougsu" koid nyid boem nghoid rigi ngoo yoem: kaid' lho: voin, vu, khyoo: gi akoem: amyed anghoid loo: yoomo Khristu da" bidnyid moo nanu" yoomo ngoo gi gau yi phau: khuang joyoo nghoid.

PHILIPI 2:16 ပူးပေါင်းရင်းမြစ်များ

COUNG" NGHEI 40:9

Aseing we" re" byumyu" yi da" meing: zoebphung: moo nang ngoonu" ri khyoid yu bye: da- hau: ngeibu: lu dang: gi ri ngoo tid kyoo" bye:. Ngoo hau: khyoo: ri khanham we' anoo: ayab, loo: za: tid kyo" nyid wa ziri nang se' nyid.

COUNG" NGHEI 71:17

Ngoo ngi shi" da" pyaid mo nyang:- nang gi ngoo ri jhau" byid: abye:. Re" da" mau" pho" moo" zoo" joem ri akhid" ju" sho' ngoo tid fu" nyid.

ESAIA 49:4

Ngoo gi «Ngoo moo" zei: bye:- nghoid loug we' akoem: nghoid da:. Ngoo gi nga" yoem: so' ri ci: bye:- nghoid loug we' ci: abain koid» ein: tid bye:. Nghoid loug we' nga" khyoo: ri goem loem byid: wa shid re" Aseing ri ngoo yo" loem khau: da:. Nyang: gi ngoo koid da" moo" ri aphoug" jhungshug byid: loo wa.

MATHE 10:27

Moug: coid' moo nanu" ri tid kyo" dang: dangain"- bidbang moo shau" tid kyoo" wa. Nanu" da" nukhyab' moo so' kyo" da" dang: gi yhoemkhung: tho' mo zeig: yoid ge'» ga: kho" kyo.

LUKA 12:8

Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

YOHAN 6:63

Mangso da" Venyi: wi za: Kangso' ri dayo" dei nyid nhang. Byu yi da" yoem: so' gi ci: we' ayo" bui. Nanu" ri ngoo tid da" dang: gi kangso' yo" dei loo nhang: da" Venyi: yo" sen: da" dang: nghoid nyid.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

1Korinthians 9:26

Hougsu" nghoid yoomo- ngoo gi gei, loo" wa shid re" ke' to" da" bain: zeing ju" sho'- dain" za: dagei lo" ziyo'- ngoo gi thung" goo" nghoid loug lid' moo: akoem: athoung" pyam da" thung" go" sarhi' phoo, ti" nghoid nyid.

2~KORINTHU 1:14

Ngoonu" da" Aseing Yesu Khristu doem ju" re" da" bidnyid moo-ngoonu" gi nanu" yoomo phau: khuang joyoo boo wa ziyo' dakhyoo" ti"- nanu" we' ngoonu" yoomo phau: khuang: joyoo boo baja"- akhid" ngoonu" da" khyoo:-da khyam" dayam za: nanu" se' gyo: too" nghoid loug we' joeb byeung" sho' se' gyo: lo boem wa ziri ngoo nheig byu nyid.

GALATI 2:2

Ngoo hidsu" do, lo" khyoo: gi Mangsoo byid: da" yoeb myang yoomo nghoid- vhu" jhung: yi kyeing" phoung da" zoeb, phung: moo tung bau byumyu" yi ri ngoo kho" kyo" da" ngei bu: lu dang: da" khyoo: ri tid phoid: sho' kyo- Khasu" wim gari shid' phyang" we' akhid" we' ngoo zei: so' voin vu, nyid da" moozoo" ri akoem: amyed aji abue" loo nhang: noug yoomo nghoid.

GALATI 4:11

Ngoo nanu" jang" moo moo" zei: lo zigi akoem: danghoid byug la! ein: wigi nanu" khyoo: ngoo gung you, yau nyid.

PHILIPI 1:10

Houg: lang" she' nanu" gi Khristu doem ju" re" da" bidnyid moo ayung" alhoo, aco' ajhoid khyoo: mo loid lo" lho: - yooboo adab bang: bue" wa zi nghoid.

PHILIPI 1:6

Hougsu" nghoid yoomo nanu" moohe: da" ge moozoo" ri zei: shed" too" byid: su: Mangsoo gi Khristu Yesu doem gyoo" loo wa bidnyid moo hau: moo" ri joeb byeung" sho' zei: too" goo" wa" ein: ngoo myid loem nyid.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

1THESALONI 3:5

Ngoo gi xo' lho: atho' lang" nyid loo: yoomo nanu" da" loem" jeung" khyoo: khasu" bue" nyid da" khyoo: ri se' yu wa shid re" Timothi ri ngoo nhang: kaid' bye- gyeing" nyang: nanu" gi yu zhadain gung" lau" jang" moo bo cang lo" byug boem wigi ngoonu" da" yoem: kaid' loo bye: khyoo: joem gi akoem: be: be: abue" loo" nhang: noug.

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.

1PETERU 1:23

Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.