PHILIPI 2:14 - Lacid Common Language Bible

¹⁴ Nanu" koid ca" da" moozoo" ce" ja" khyoo: ri we' ngeug go" lho: nheig yoo: nheig jhug akoid nyid goo.

PHILIPI 2:14 ပူးပေါင်းရင်းမြစ်များ

COUNG" NGHEI 106:25

Nyangnu" gi nyangnu" da" zoem" moo: zheung: loung" jo, lho: nheug yo: myeung myhu" go" nyid ago". Aseing da" amyeing" dang: ri: we' anau tam" gyoo: loo: nghoid ago".

DANG: ZHOEM 13:10

Nheigloem: myhang: lho: nghoid boin: da" khyoo: gi kyi" khyeug khyoo: mo lid lho: ce" noem we' yo" ze" bue" khyoo: ajo. Phajhi" jhau" byid: su: gi phajhi" je" si' su: nghoid.

GYUNG: SOO" 14:27

«He: akhyeing" da" byumyu" yigi khamyhang ju" sho' ngoo ri thougtheung lho: myeing" myo: nyid shi" goo" wa la". He: myeing" myo: thui: ri gyo: ngheing" kyi' bye:.

MATHE 20:11

Houg: su" nyangnu" gi ngei yo" yu boem lang" khyam: seing: ri myeing" myo: boem ago".

MARKU 14:5

Hau: xu: ri ngei soem" shoo: kyab mo oung" pyam lho: myoung shoo" mo, ri yo" gam byid: zi nghoid da:- nyang: cang" nyang: lu wim, go" nyid ziyo' hau: myiyi: ri yooboo foin: ago".

MARKU 9:14

Nyid da" cang: zoo yi jhang zheung: ju" loo lang" nyangnu" ayam aqei: moo byu phung: moo" zheing: zeung: nyid boem ziyo' tarha" sara dayham" yi gi nyangnu" yo' tid ngeug go" nyid ziri nyangnu" lo" myang boem ago".

LUKA 5:30

Pharishe" yo" nyangnu" da" byen cang" zheing: nghoid da" tarha" sara: yi gi ciwim wigi nyangnu" gi kheing" khyu: mo, Phung: thu' to" da" yooboo yoo" mo, yo" dage" voem: shoin" zo: boem lha"» ga: nya: cangzoo: yi ri yooboo foin: juang" yi boem.

ACTS 15:2

Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".

ACTS 15:39

Nya: eig yug gi he: da" khyoo: yo' sen: lho: gyi" sho' ngeug go" wigi gang: go" lo" ago". Houg: lang" Barnaba gi Marku ri shu" lho: wigi Kupro gugyoo: kang: khyoo: lhid' zhoung: lho: yhe: lo" ago".

ACTS 15:7

Soo" soo" myang" sho' bain tid sham: go" thang: ri Petru gi to' yab, lho: nga" mang: nhung" yi we" - tungbau byumyu" yi shau" gyo: lho: loem" jeung" lo boem wa shid re" - Mangsoo gi goonham, mo wigi tungbau byumyu" yi ri ngeibu: ludang: seig yhe: kho" kyoo" wa shid re" ngoori nanu" phung mo khyen: thu' yu too" bye: ziri nanu" nyang: si' bye.

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

Roma 12:18

Byu dangain" yo" myenjham" ngei pyoo: za: zoem" jeung" nyid ge'.

Roma 14:1

Nanu" gi Mangsoo: ri loem" jeung" yoem: nu" mo ri kham: yu nyid ge'. Nghoidloug we' - nya: myid soin: koid' lo" khyoo: yo" nyang: yo" angeig goo" goo.

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

1Korinthians 10:10

Nyangnu" dayham" bang: gi nheig yoo: nheig jhug koid boem yoomo shid: zau: lagyoo: pho, da" lo, yo' lhu: phyo' shoin' pyam zi shau" boem yhang: ti ngoonu" gi nheig yoo: nheig jhug akoid' goo ja.

2~KORINTHU 12:20

Nanu" jang" moo ngoo ju" re" ri ngoo vho:- myang nau khyo" nanu" anghoid nyid lang wa ziri we' nanu" we' hau: vho: khyoo:- myang nau khyo" ngo moo anghoid nyid wa ziri we' ngoo gung: youg yau nyid. Hau: lho: ngoo gi nanu" moo myeung" myoo: yhoo: she: da" khyoo: noo" goo" zoo go" da khyoo:- nheig yo phoin: khyoo:- nyang: nya: akyu" za: sho: khyoo: dayug yo' dayug gei sang: shang pyang: go" khyoo: dang: so' so' go" khyoo: ngeug goo hi: go" ziyo' atoug" ashu: lu: fu: go" adu aveing" go" khyoo: ri ngoo re" myang wa ziri gung: youg yau nyid.

GALATI 5:15

Nghoid loug we' kyang: da" gougnyhoug lam" joem yhang: ti"- nanu" nyang cang" nyang: dangaid' zoo: go" nyid nghoid rigi nanu" nyang: cang" nyang: tu- jhoem" pyam' goo" wa ziri ze" lhid' nyid ge'.

GALATI 5:26

Ngoonu" gi nghoid boin: khyoo:- nyang: cang" nyang: pyi: shoo: go" khyo" yooboo foin: ziyo' nyang: cang" nyang: noo" goo" zoo go" da" khyoo: joem ri to" pyam' ca" boem bye.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

1THESALONI 5:13

Nyang: nu" voin, vu, da" moozoo" jid: zoo" yoomo nyangnu" ri gye" nyang: phau" myang: ziyo' jheddab khyo" dakoid nyid ge'- nanu" nya: da" akhoug: moo we' nyang: cang" nyang: gei pyo: myne, jham" khyo" dazoem" khau: nyid ge'.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

YAKU 1:20

Byu yi da" nheig yo: khyoo: gi Mangso da" deing main" khyoo:- ngoonu" moo yo" ze" bui" wa zi anghoid.

YAKU 3:14

Nghoid loug we' gyeing" nyang: ga: rigi nanu" da" nheigloem: khoug: moo no" zo nheigloem:- nheig yo: da" nheigloem: yo' nya: akyu" za: shoo: nau ziyo' nghoid boin: phau: khuang khyoo: yo' za: byeung" jo, nghoid rigi hau: deungmain" da" khyoo: ri shoid vhang: khyo" koid nyid zi nghoid.

YAKU 5:9

Mang: nhung" yi we"- nanu" nyang: gung nyang:- Mangso ca: kyeing yu: zi ashug" wa shid re" nanu" nyang: cang" nyang: dayug gi gootu: dayug ri yooboo afoin: go" nyid goo"- tarha" agyi phoo gi khoem" moo" duang: moo yab, jo, bye.

1PETERU 3:11

Nyang: gi akhyeung" da" moozoo" mo lheung: lo" lho: ge da" moo" ri zei: ja"- nya: emyid, bain' sho' yo' ngei pyoo: myenjham" da" khyoo: shau" wa shid re" yoem: kaid' sho: nyid ca".

1PETERU 4:9

Nanu" gi nheig yoo: nheig jhug akoid loo: za: nyang: cang" nyang:- being" did' go" nyid ge'.

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.