PHILIPI 1:11 - Lacid Common Language Bible

¹¹ Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 1:11 ပူးပေါင်းရင်းမြစ်များ

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

ESAIA 5:2

Nyang: gi myidgung ri du: lho: houg mo luggo, joem ri koid: shang: pyam da:. Houg: lho: ge thang da" zabyid nei ri sho" da:. Nyang: gi hau: joem ri zung" wa shid re" pyuzung daloem koid da:. Zabyid shi" nang: wa duang: daloem: du: da:. Nyang: gi zabyid shi" myheing yo, ri lang" nyid da:. Nghoid loug we' zabyid shi" khang" moo" gi jhen: da:.

ESAIA 60:21

Re" byumyu" yigi jo ziri koid loo goo" wa. Houg lho: mungdain: ri apyaid atoo: moo yo" seing: yu boem wa. Dangain" bang: ri nga" gyi: sheung: khyoo: ri ci: shug byid: wa shid re" Ngoo nyangnu" ri sho" too" bye:. Nyangnu" ri phain" too" bye:.

ESAIA 61:11

Myoug: shi" joem anyug toid lo wigi yug lo zi nghoid zigi gyeing" nghoid ziyo' dayhang: ti" Myhang: thang Aseing gi nya: byumyu" yiri khyoid yu wa. Houglho: byumyu" yi dangain" gi nyang: ri coung" nghei byid: loo goo" wa.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

Roma 15:28

Houg: yoomo ngoo gi yo" khyu: yu da" alu: ngei ri - nyanu" ri yhe: yo" byid lho: ri she Sping: mung" khyoo: gyung: xo' so" loo" wa nghoid. Khyoo: eung: yoomo nanu" jang" mo: vang jang: loo wa.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

2~KORINTHU 9:10

Amyoug: sain" su: ri amyoug: byid: wigi zoo: noem shug phoo" bue" loo nhang: nyid da- Mangsoo gi nanu" moo vho: nyid da" amyoug: ashi" myoo" sho' ri we' byid: nyid tho' moo gootu: hau: amyoug: ashi" ri -youg gyi: loo nhang: wigi ashi" myoo: sho' zei: loo nhang: nyid. Houg zigi nanu" jheddab e" nyid mo byid: da" alu jhung: shug: da" gug shi" mei: shi: ri tid nyid zi nghoid.

Ephesu 1:12

Hougsu" nghoid rigi Khristu moo xang: shid" mo myid byu too" bang: ngoonu" gi Mangso da" myonhoo: phung" yoeb ricoung nghei nyid boem loo shang o".

Ephesu 1:14

Hau: da" gyeungshang: venyi gi Mangsoo nya: byumyu" yi ri byid: to" da" dang: soo" khoin" ri ngoonu" shau" kham: yu wa da" pakham: nghoid nyid hau: zigi Mangsoo gi nya: da" byumyu" yi ri joeb byeung" da" loid byoin nhang: da" khyoo:- ngoonu" ri nheig shid: nheig deig nhang: nyid zi nghoid- ngoonu" gi nya: da" myonhoo: phung: yoeb, ri coung" nghei byid: nyid boem shang o".

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

PHILIPI 4:17

Hidsu" ein: ngoo tid nyid da" khyoo: gi jhung: shug jhung: lang: ri ngoo mho' nau nyid zi anghoid- nanu" da" zhayen" moo amyid' myo: loo wa ziri ngoo myang nau nyid.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

2 THESALONI 1:12

Hid: khyo" wigi ngoonu" da" Aseing Yesu da" voolang myeing" khyang" gi nanu" yoomo doug bang loo wa ziyo' Yha" da" mangsoo yo' Aseing Yesu Khristu da" jeju" gang mo nanu" moo we' hau: phung" yoeb bang gi yo" kham: yu wa.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

HEBRE 12:11

Ngoonu" ri jhau" mho' zi thoung" shau" nyid uri gau yi cang ci: aboo- houg: su" jhau" mho' zi thoung" shau" nyid da" uri koug shu: ja: ti" nghoid loug we' hau: zigi thang: phyang: bidnyid ri houg: su" jhau" mho' akyu" ri shau" kham: yu yoomo tarha" cang yhe: da" byu yi bue" lo ziyo' deingmain" khyo" kang: so' dei aphoug" ein: da" ngei pyo: khyoo: ri yo" yu nhang: nyid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1PETERU 4:14

Nanu" gi Khristu da" thang: cang mo, bui' yoomo gei sang: shang pyang: zi shau" da" uri ngi lho, boem bye. Khasu" wim ga: ri houg: yhang: ti" thoung" shau" nyid da" uri Mangso venyi ein: da" myonhoo: phung" yoeb, yo' joeb byeung" da" venyi gi nanu' da" atho' moo ju" nyid bye: yoomo nghoid.