PHAJHI" DANG: 7:3 - Lacid Common Language Bible

³ Kug shu: zigi gau yi tho' je ge da:. Hau: zigi re" da" myonhoo: ri kougshu: da" myonhoo: bue" ri bui" nhang: wa. Nghoid loug we' houg: gi re" lasi phajhi" ri sei" tho' byid: da:.

PHAJHI" DANG: 7:3 ပူးပေါင်းရင်းမြစ်များ

COUNG" NGHEI 119:67

Nang ngoo ri ashen" yhen shi" rilang"- ngoo gi khyo: vhang: loo" loo" da wim, nyid nghoid loug we' akhid" koem gi re" dang: ri ngoo tam" gyo: nyid.

COUNG" NGHEI 119:71

Ngoo thoung" shoug" zo: ca" shen" yhen khyoo: gi nga" shid re" gye" ge zi nghoid. Khasu" wim gari hau: zigi: ngoo ri re" amyeing" tarha" dang: joem ri jhau" yu nhang: nyid.

PHAJHI" DANG: 2:2

Yi zigi koopyoid moo" zoo" nghoid ziri shau" myang yu bye:. Pyo: ja: gi ge khyo: abue" nhang: ein: ziri shau" myang.

PHAJHI" DANG: 7:4

Ngei pyoo: wa khyoo: ri za: khanham we' myid yu" nyid da" su: gi nheig agyeing: su: nghoid da:. Phajhi" bo da" su: dayug gi shid: khyoo: ri myid yu" nyid da:.

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

LUKA 6:21

Akhid" uri zooyoid gyid shed nyid mo, nanu" gi ngi lho, bye. Nanu" gi voem: gyi: da" ayo, ju" loo wa. Ngau nyid mo, nanu" gi ngi lho, bye. Nanu" gau yi da" ayo, ju" loo wa.

LUKA 6:25

Akhid" uri gyi" gyi: shau" zo: nyid mo, nanu" gi joem: loo" goo" wa. Nanu" da" zooyoid gyid shed da" ayo, ju" loo wa. Akhid" uri gau yi nyid mo, nanu" gi joem: loo" goo" wa. Nanu" gi myid myoo: ungloug: lho: koug ngau nyid da" ayo, ju" loo wa.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.