PHAJHI" DANG: 6:2 - Lacid Common Language Bible

² Mangsoo gi byu dayug yug ri jonu" - ngi: shab khyoo:- ziyoo jonu" ri byid: da:. Nghoid bye:- nyang: vho: zi dangain" byid: da:. Nghoid loug we hau: ziri pyoo: pyoo: akyu" kham zoo: wa akhang" abyid: nghoid da:. Being" voo dayug gi gungthid khyo" hau: ziri pyoo: pyoo: kham zo: loo wa. Hau zigi akoem: nghoid da:. Hau: zigi ajo zi nghoid da:.

PHAJHI" DANG: 6:2 ပူးပေါင်းရင်းမြစ်များ

1 KHOKHAM 3:13

Nang amho' da" re" kangso' dei khyoo: yo' nang kham yu wa da" jonu" yo' phung" yoeb ri we' ngoo byid: wa. Hau: zigi gootu: khokham yi yo" yu tho' mo je gyi: wa zi nghoid.

1 KHOKHAM MHOOMYID: 29:25

Aseing gi shava byu phung: goin" ziri Sholumon shidkhoin" moo gyoug phoug" wigi yab jo, nhang: lho: Israela mung" ri vhoebkhang" yu" da" khokham yi gootu: dangain" tho' nyang: ri je phung" yoeb byid: da:.

1 KHOKHAM MHOOMYID: 29:28

Nyang: gi apyaid gyi:- yoo" zoo: yoo" shug wigi phau" myang: shau" kham thang: ri shid: lo" da:. Hau: thang: nya: zoo: Sholumon gi nya: khoo: moo: khokham xo' koid da:.

2 KHOKHAM MHOOMYID: 1:11

Mangsoo gi Sholumon ri «Nang gi jo ziri khyen: yu abye:. Yoo" zoo: yoo" shug khyoo:- Ngei sheing: jonu" myeing gyi: khyoo:- re" gyivoo yi shid: wa khyoo:- nang nya: kangso' sheing: wa khyoo: ri mho' wa gungthid ngo ge' nang ri khokham koid nhang: da" nga" byumyu" yiri nang yo" vhoeb wa shid re" nang gi phajhi" juyhi: yo' lasi phajhi" ri mho' da:.

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 73:7

Nyangnu" da" nheigloem: ung: khoug: joem gi akhyeing" ashoeb khyoo: riza: foid, thu kaid nyid boem wigi nyangnu" da" nheigloem: emyed gi akhyeing" ashoeb khyo" myid soin: khyoo: joem yo' moo" myo: nyid ago".

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 5:13

He: mougmyid moo ngoo shau" myang: da" gyoug dain pho" zi daja: gi hidsu" nghoid da:. Byu yigi ngei ri nyangnu" yhung: ca" wa ayo, shid re" yung: to" ago".

PHAJHI" DANG: 5:16

Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 5:19

Mangso wigi byu dayug ri ngei sheing: yo' jonu" byid: lho: hau: gu: ri pyoo: pyoo: yhung: wa akhang" byid: nghoid rigi nyang: gi jeju" boin: so" lho: nyang: moo" zei: jang" mo yo" ziri pyoo: pyoo: yhung: ge da:. Hau: zigi Mangsoo mo jhungshug nghoid da:.

ESAIA 55:2

Nheig atho shid: da" ja: shid re" ciwim yoomo ngei ri yhung: pyam boem la". Ciwim nanu" da" vhu" kung: phoug" ngei ri yhung: pyam wigi zooyoid nyid boem shi" go" la". Ngoo tid ziri tam" gyo: wigi ngoo tid khyo" koid ge'. Nanu" gi ge thang da" zoo: noem dangain" yo' yo" pyo: boem goo" wa.

NGOUG JI: 5:2

Ngoonu" da" jonu" joem gi tungbau byu being" yi lo, moo ju" jo, bye:. Ngoonu" da" yhoem: khoug: moo nyid nyid ago".

DANIELA 5:18

Gyi: sheung: myhang: thang Mangsoo gi re" phoo Nebukhadneza ri khokham moo" bui" nhang: lho: nyang: ri ngi shab ziyo' khokham yoem: so' byid: to" abye:.

HOSEA 7:9

Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

TARHA" TID POIN" 28:33

Tungbau byu damyu" gi nanu" gye" yoem: kaid wigi sho" to" da" gugshi" meishi" dangain" ziri yu pyam byid: wa. Nanu" nyang: gi ci: ashau" yu wa. Nghoid loug we' ayo, byeung" sho' moo doin: zeig ziyo' anoug akhyoid koid zi shau" boem wa.

TARHA" TID POIN" 28:43

«Nanu" mung" moo nyid da" tungbau byu yigi je je yoem: so' gyi: loo wa. Nanu" gi zo" zo" yoem: so' neing: loo" wa.

TARHA" AGYI 18:10

Nanu" houg: khyoo: ju" uri byumyu" yigi ci' ca" zi abo ziri yhe: myang goo" wa. Hau: mung" gi gye" gyi: da:. Houg: moo byu yi vho: ja: dangain" jo, da:. Hau: mung" ri Mangsoo gi nanu" ri byid: to" abye:» ga: phug tid ago".