PHAJHI" DANG: 5:4 - Lacid Common Language Bible

⁴ Houg: yoomo nang khyo" Mangsoo ri dangsoo" koid too" lang" yo" myab yhi' myab myab koid pyeing pyam we'. Nyang: gi nheig agyeing: bang: shid re" ce: akyu" abui" nhang: nghoid da:. Nang koid wa dangsoo" to" ziri koid we'.

PHAJHI" DANG: 5:4 ပူးပေါင်းရင်းမြစ်များ

APOEM AYANG: 28:20

Hau: thang: ri Yaku gi Aseing moo dang: thang" cab to" zigi «Nang gi ngoo yo' sagse: to" lho: ngoo yhe: lo" nyid da" nga" gyung: khyoo: moo ngoo ri goem loem byid: wigi ngoo ri lazoo: lashug yo' void byi: void mi byid:.

APOEM AYANG: 35:1

Mangsoo gi Yaku ri «Akhid" nyang: Bethela khyoo: yhe: lho: houg: moo yhe: nyid we'. Nang gi re" mang: Eso jang" mo phang: lo" uri re" shidkhoin" moo Mangsoo thu shug da" hau: joyoo moo nga" shid re" phoin: daloem: zhug we'» ga: re" tid.

APOEM AYANG: 35:3

Nyhang" hid: mo thu lo" lho: ngoo yau: khi" shoug" nyid ayo, moo ngoo ri pang" thoug lho: ngoo yhe: lo" da" khyi' khang" moo" moo dage" nyid nyid da" Mangsoo ri ngei" xoin" to' wa shid re" phoin: ri zhug wa yhe: loo" shang» ga: tid.

COUNG" NGHEI 116:14

Nya: da" byumyu" yi dangain" bang: da" mo, phung: gung moo ngoo dangsoo" byid: to" ziyo' dakhyoo" ti" zei: pyeung wa zi nghoid.

COUNG" NGHEI 119:106

Re" da" deingmain" khyoo: shed dang: khoin" joem ri tam" gyo: cang yhi: wa shid re" nga" geung: teung da" dangsoo" khoin" yo' dakhyoo" ti" ngoo cang zei: pyeung nyid wa nghoid.

COUNG" NGHEI 22:25

Byumyu" yi zeung: foem: da" phung moo" gung moo nang koid da" moo" zoo" joem shid re" ngoo nang ri coung" nghei wa. Nang ri coung" pid mo, da" shidkhoin" moo ngoo gi dang: theing to" da" xoin" ri ngei" byid: wa.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 76:11

Nang nyang: ri byid: to" da" dangsoo" khoin" yo' dakhyoo" ti" re" Mangsoo Aseing ri byid: we'. Ayam aqei: moo: nyid nyid da" byumyu" yi bain sho bang: we' nyang: ri jhung" shug jhung: lang: shug byid: we'. Mangsoo gi nyang: ri gyoug phoug" wa shid re" byumyu" yiri koid nyid.

DANG: ZHOEM 20:25

Aseing ri xoin" ngei" byid: wa shid re dangsoo" abyid: shi" ri goolhoo: zoo: myid yu" we' nang gi thang: phyang" nung myid yo" nyid wa.

ESAIA 19:21

Aseing gi nyang: nya: gung ri Egutu byu yiri thu shug byid: loo wa. Houg: lang" nyangnu" gi yhen: yu wigi nyang: ri noku lho: ngei" byid: xoin" yo' xoin" joem nyang: ri shugbyid: goo" wa. Nyangnu" gi nyang: ri geing: teing da" dangsoo" byid: lho: nyangnu" hau: dangsoo" ri cang koid goo" wa.

YONA 2:9

Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

GYUNG: SOO" 30:2

Yuggi dayug gi Aseing ri daja: ja: byid: wa ga: dang: theing too" nghoid nghoid daja: ja: ri khyen" loo: wa ga: jham' tang: nghoid nghoid nya: dangsoo" ri ayo" phyo' pyam wa. Nyang: tid to" da" ja: khang" moo" ri koid ca" da:.

MATHE 5:33

«Nang mhau' lho: jham' age tang:- nang nheung" da" dang: gi hau: Aseing wigi nang nyang: ri zang" loo nhang: wa ga: goo" nham' mo, ri tid to" zi nanu" shau" gyoo: yu" goo" wam: bye.

HEBRE 10:6

Phoin: tho' mo gung du: goin" ngei" to" da" gougnyhoug xoin" yo' yooboo khyoid' pyam' da" xoin" ri nang vho: ngei zi nghoid.

TARHA" AGYI 11:35

Yebtha gi nyang: ri myang lang" koug wigi nya: byimi joem ri lang: ceig pyam lho: «O" nga" myiyi: zoo: we"- nang gi nga" nheigloem: ri go, sain" loo" nhang: abye:. Ciwim yoomo ngoo ri koug nhang: da" su: nang bui" ca" lha". Ngoo gi Aseing ri geing: teing da" dangsoo" daloem: byid: too" bye:. Hau: ziri ngoo adoem yo" tau" yu loo:» ga: tid da:.