Pang Shug 9:9 - Lacid Common Language Bible

⁹ Nyangnu" da" yang gang moo gi joto' yo' du da" yang gang nghoeb ri zheung: nghoeb ci- hau: lho: nyangnu" da" dung joem fe: myheung da" thui: gi gyipui" vang wa koin" gei yhe: lo" da" myang: rheing" myoo" sho' loem: myeung da" thui: yo' du nyid.

Pang Shug 9:9 ပူးပေါင်းရင်းမြစ်များ

YOBA 39:25

Laboo" moid myheing kaid khang" moo" nyangnu" nhoo: moid myheing ago". Nyangnu" gi ajhang re" shi" mo nyang: meing: zain: pa: shoem: yo" nam gyo: da:. Houg: lho: nyangnu" gi zoug: yi amyeing" nyho: byid: nyid ziri shau" gyo: da:.

YOBA 40:18

Nya: da" shooyoug: joem gi gyid: mid" yhang: ti" thain: wigi nya: da" khyid: joem gi joto' thung" joem yhang: ti" nghoid ago".

ESAIA 9:5

Jhen" vang re" da" gyizoo: yi da" khyid: baid joem yo' nyangnu" da" suid" dab da" byimi joem gi myi: wigi nghe' pyam shoug" ago".

YEREMIA 47:3

Nyangnu" gi myang: joem khyid: so" myheing thui: myang: rheing" joem kyeug thui:- rheing" cab joem leung thui: ri shau" gyo: ago". Myhi' phoo yigi nya: zoo: yi jhang khyoo: pang" thoug byid: wa adoem loo wa. Nyangnu" lo, joem gi nyangnu" da" namzoin" moo gyau: lhang" jo, wa.

Pang Shug 9:17

Hau: lho: nga" da" yoeb, myang moo ngoo myang zigi myang: joem yo' houg: moo zhung: bang: ri myang. Nyangnu" gi myi: yhang: ti" byang: byang: ne, da" yang gang nghoeb, yo' Nila nyoug yang gang nghoeb yo' fang yhang: ti" shui: da" yang gang nghoeb- joem ri nghoeb, ci: ago.myang: joem da" vhuloem gi khang:' khyi, vhuloem yo' du lho: nyangnu" da" nhoid khoug: mo myiyham: myikhoug" yo' fang nge" thu' lo nyid.