Pang Shug 9:3 - Lacid Common Language Bible

³ Hau: myikhoug" khoug: mo jhen" khyeig joem gi myidjang: tho' moo gyo" lo- nyangnu" moo gung goug" joem, da" dug yhang: te" zi bo boem.

Pang Shug 9:3 ပူးပေါင်းရင်းမြစ်များ

1 KHOKHAM 12:11

Nyangnu" ri tid we' nga" phoo gi nanu" atho' moo: lid: da" yoovoin ri foin: too" bye: ngoo hau: joem ri je" lid: sho' koid wa. Nyang: nanu" ri voosi" yo' baid da:. Ngoo gi nanu" ri joto' zu: tab to" da" voosi" yo' baid wa zi nghoid ein: tid we'» ga: tid.

2 KHOKHAM MHOOMYID: 10:11

Nyangnu" ri tid we' ‹Nga" phoo gi nanu" atho' moo lid: da" yoovoin ri foin: too' bye:- ngoo hau: joem ri je" lid: sho' koid wa. Nyang: nanu" ri tei" voosi" yo' baid da:. Ngoo gi nanu" ri joto' zu: dab da" tei" voosi" yo' nhug wa zi nghoid› ein: tid wa» ga: tid.

2 KHOKHAM MHOOMYID: 10:14

Nyang: tid zigi «Nga" phoo gi nanu" atho' moo lid: da" yoovoin ri foin: too" bye:. Ngoo hau: joem ri je" lid: sho' koid wa. Nyang: nanu" ri tei" voosi" yo' baid da- ngoo gi nanu" ri joto' zu: dab da" tei" voosi" yo' nhug wa zi nghoid» ga: tid.

ESAIA 33:4

Nyangnu" seing: da" zi joem gi yhe: doin: zeig lhoid zi shau" wigi lanyhoeb khyo" lhoid yu pyam zi shoug" ago".

EZEKIEL 2:6

«Nghoid loug we' shid: se' da" byu nang gi nyangnu" ri we' nyangnu" citid ziri we' agyug ca". Nyangnu" gi nang ri aphoug" akhyoid- cishu: anhang: koid boem wa. Hau: zigi gung goug" joem phung: gung moo nyid yhang: ti" nghoid wa. Xo' lho: hau: thougtheung byu yiri yo' nyangnu" tid zi ci: ri we' agyug.

YOELA 1:4

Jhenkhyeug joem gi daphung: thang: moo daphung: xo' lho: shivoo: gam joem moo foem: to" ago". Daphung: wigi zo: teung to" ziri daphung: wigi zo: pyam byid: ago".

YOELA 2:25

Jhenkhyeug phung: joem wigi nanu" da" shivoo: zoo: joem ri zo: pyam byid: da" zain nyid khoug: moo nanu" mo byug yoin" lo" gu: ri ngoo doem tau" byid: wa nghoid. Nanu" ri thougtheung gyi zain: da" he" gyiphung: ri nanu" jhang khyoo: nhang: kaid su: gi ngoo nghoid.

NAHUM 3:15

Nang khasu" koid too" nghoid loug we' nge" shid: zi shoug" wa anghoid lang" meing: zain: jang: moo shid: shoug" wa nghoid. Jhenkhyeug joem gi shivoo joem ri zo: pyam yhang: ti" nang gi shoem" shoung: pyam zi shoug" wa. Nang gi jhenkhyeug joem yhang: ti" myo: lid lo yu" bye:.

NAHUM 3:17

Ngam" da" ayo, moo jhenkhyeug phung: moo" gi vang" xiyam joem moo foem: dab jo, yhang: ti" re" da" gyizoug: yi nyid boem nghoid loug we' bid xain" loo lang" nyangnu" gi dang: phang: lo" yhang: ti" nyangnu" gi khakhyoo: yhe: lo" byug boem ziri hang" we' ase' boem loo.

LUKA 10:19

Tam" gyoo: ge'- lhang: myu yo' gunggau" tho' moo yo" nang: led lo" lho: gyivo: da" yoem: so' dangain" ri yo" ung: pyam' wa da" amyeing"- Ana: ri ngoo nanu" ri byid: too" bye. Ceja: gyi we' nanu" ri ayo" ung: wa.

TARHA" TID POIN" 8:15

Nyang: gi nanu" ri damung" dadain: gyi: lho: dug thain: da" lhangmyu yo' gung goug" nyid da" gyoug pho" da" dain" pyoid yoo khyo" nanu" ri shu" lid loo bye:. Hau: gyid ajo, moug: kyug moo nyang: gi nanu" shid re" lugzeing mo gyid yau thu loo nhang: bye:.

Pang Shug 9:5

Hau: mung" byu yi ri yo" said' pyam wa da" amyeing" we' ajo. Lham" moo" wim: khyab, za: yo" shen" yhen nyid wa da" amyeing" yo". Hau: jhen" khyeug shau" ngaid' mo, gi gung gau" paid' da" dug yhang: ti"- gye" khe" no nyid boem wa zi nghoid.

Pang Shug 9:7

Hau: jhen" khyeig joem gi gyipui" vang wa ga soin' shab, to" da" myang: joem yo' du nyid. Nyangnu" da" vhuloem moo sheing: bidmug zhoung" ci: boem ziri ngoo myang Hau: lho: nyangnu" da" myonhoo: gi byu da" myonhoo: yo' du nyid boem.

TARHA" AGYI 7:12

Midian byumyu" yi Amaleg byumyu" yi yo' dain" pyoid yoo moo nyid boem da" byumyu" yigi janggyoin: moo jhenkhyeug joem yo' dakhyo" byeung" jo, ago". Nyangnu" gi panglai: gyid yam mo midcoo: myhoo' myo: da" Gola-ug joem yo" ago".