Pang Shug 7:9 - Lacid Common Language Bible

⁹ Hau: thang: ri ngoo doem yu" kaid uri hang" we' ayo" tho' nghab lo: da" byu phung: moo" ri myang kaid- nyangnu" gi byumyu" byu kung:- azhang" cang: joeb ziyo' myeing" acang: joeb, kaid' mo, nghoid nyid boem. Nyangnu" gi byiphyu: sheing: ri void ci: boem lho: nyangnu" da" lo, moo gi zhain lun kyang: ri ci: wigi zhung: tang yo' yang nu" da" shid khoin" moo zheung: yab, jo, boem.

Pang Shug 7:9 ပူးပေါင်းရင်းမြစ်များ

APOEM AYANG: 13:16

Hang" we' ayo" oung: nghab sho' amyed ashen myoo" sho' ngoo nang ri byid: wim bye:. Hau: zigi myidjang tho' mo myidzhoo" pheilhoug: ri nghab su" nyang: nghoid loo wa.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

COUNG" NGHEI 2:8

Mho' we' ngoo nang ri byumyu" yi yo' nyangnu" da" mungdain: dangain" ri ab byid: wa zi nghoid. Moug: gyab, goin" re" da" moug: bue" loo wa nghoid.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

COUNG" NGHEI 76:4

Mangsoo we"- re" da" myonhoo: phung" yoeb gi khayhi' gyi: bang jo, lha". Re" gyivoo joem ri nang oung: pyam da" joyoo- boem tho' mo wigi nang doem tau" lo ri nang gi khayhi' myonhoo: phung" yoeb bo jo, wa lha".

COUNG" NGHEI 77:2

Yau: khe" kyi" khyeug zi shoug" nyid uri ngoo Aseing ri akyu" mho' nyid. Damyen, goin" ngoo gi nga" lo, ri tu: ci: lho: noku nyid. Nghoid loug we' nheug teing ung: teung khyoo: ri ngoo ashau" myang.

COUNG" NGHEI 98:3

Nyang: gi nheigloem: zung" ziyo' geung: teung jhed khyeing: kang: khyeing: yo' wigi Israela byumyu" yiri nyang: byid: to" da" dangsoo" khoin" ri zoem ci: su: nghoid. Joyoo khyi khang" moo" mo byumyu" yi dangain" bang: gi Nyangnu" da" Mangsoo oung: doid lo" khyoo: ri shau" myang boem bye:.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 3:17

Hau: ayo, ju" loo lang" Yerusalem ri ‹Aseing da" zhungtang› ga: myheing loo goo" wa. Houglho byumyu" yigi hau: joyoo moo ngoo ri noku wa zeing: foem: loo goo" wa. Nyangnu" gi nyangnu" da" nheigloem: thain: ziyo' akhyeing" da" nheigloem: wigi tid da" khyoo: ri kha nham' we' acang koid loo goo" wa.

EZEKIEL 47:5

Nyang: gi 1680 pi: doem ke' kaid ri houg: moo gyid gyung: gi ngoo ayo" neug dab loosho' no, da:. Hau: jang" mo gi gyid shab shab ca" wa yhi' nyang: no, da:.

DANIELA 4:1

Khokham Nebukhadneza gi mougmyid gyab goin" mo byumyu" yi byumyu" kung: yi myeing" aja: ja: ji bang: dangain" bang: jhang vhoo: mo amyeing" lu dang: ri pyeung: kaid byid: da:. «Being" se' kaid o"

DANIELA 6:25

Hau: thang: khokham Dari gi mougmyid tho' mo mungdain: byumyu" dangain" myeing" cang: joeb mo byu yiri mougsoug" lhid" kaid da:. Nanu" moo yang" zain: ngei pyo: nyid boem goo" baja".

HOSEA 1:10

Israela byumyu" yigi panglai: mo midcoo: yhang: ti" atho' nghab- atho' leig loo: sho' myo: loo goo" wa. Akhid" Mangsoo gi nyangnu" ri «Nanu" gi nga" byumyu" anghoid» ga: tid. Nghoid loug we' danyid" nyid" rigi «Nanu" gi Dei nyid da" Mangso nya: zoo: yi nghoid» ga: tid wa bidnyid ju" loo wa.

XOIN" NGEI" 23:40

Hau: bidnyid ri nanu" da" shigam joem mo ge thang da" shi" dayham" ri yo' thab gam mo akung: joem afu mung" da" seiggam joem mo akung: joem ri cu: yu wigi nanu" Aseing Mangsoo ri phau" myang: ngi: shab byid: wa shid re" noku thung" pui" ri koid shid" ge'.

ZEKHARIA 10:8

«Ngoo gi nga" byumyu" yiri Khe: yu lho: dage" zheing" too" wa nghoid. Ngoo gi nyangnu" ri khyoid yu lho: shid phyang" yhang: ti" nyangnu" ri doem myo: je: loo nhang: wa.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

LUKA 12:1

Hau: da" uri Byu khyeing" moin zoeb foem: lo boem yoomo nyang: cang" nyang: we' nang: khyoid go" lo. Yesu cangzoo: yi ri xang: shid" tid da" zigi Pharishe" yi da" ayid void' doo cid" ri zed" nyid ge'.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

YOHAN 12:13

Zhainlun seig kyang joem ri khyau" ci: wigi thu' lo" boem lho: Mangso da" myonhoo: phung" yoeb' ri coung" byid: ge' Mangso: da" myeing yo" gyoo" ri" su: gi ngi lho, nyid: baja"- Israela da" khokham" ri Mangsoo: mainkaid byid: baja" o"- ga: yoid' nyho: da" thui: yo"- Aseing Yesu ri lhoem: tau yu boem.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

Ephesu 6:13

Hougsu" nghoid nyid yoomo Mangso da" gyikhin' dangain" ziri akhed" nya: nyang: yu void: ci: loo: ge'- hougsu" lang" she' akhyeing" ashoeb ziyo' yau: khe" da" bidnyid ju" lo da" uri nanu" ri gyivoo joem khaid zain: said' lo ziri loem: yo" oung: pyam' wa zi nghoid- lo" thang moo ju" sho' bain' zain: pyam thang: ri we'-nanu" gi geing" geing: teing teing theung shang" yab, jo, boem ca" shi" wa.

HEBRE 11:12

Abraham gi gyeing" nyang: sushid: gung te" da" yug gi danghoid loo: loug we' nyang: dayug mo nyid byo lo da" nya: amyed ashen yi gi Moug: khung: mo kyi: joem myhoo,- Panglai gyid yam, mo atho' nghab da" mid' coo: doem: yhang ti"- myo: lug da" myid: yi zoo: yi nyid je: lo boem abye: go.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.

Pang Shug 5:11

Hau: thang: moo ngoo doem yu" kaid ri zhung: tang nam mo gougnyhoug myid: ja: yo' ludaid yi da" loem: lheing khab, moo moug: lagyoo: yi moin, moin, sen, sen, nghab loo a- oung mo, yab yoin" to" ziyo'

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.

Pang Shug 6:11

Nyangnu" yug khang" moo" ri byiphyu: sheing: dayug dakhyab, byid: lho: nyangnu" ri yhang: ti" said' zi shau" wa da" moo" zei: byen cang" yi yo' Khristain mang nhung" yi joeb lo da" bidnyid ju" sho' daso' zoo: doem myen, jham" wa shid re" tid to.