Pang Shug 7:4 - Lacid Common Language Bible

⁴ Hau: thang: ri dazid' bain tab too" bye: bang: da" nghab youg ri ngoo shau" gyo:- Hau: nghab youg joem gi 144000, bo lho: - Israela daxe: eig kung: mo bang: nghoid.

Pang Shug 7:4 ပူးပေါင်းရင်းမြစ်များ

APOEM AYANG: 15:5

Aseing gi nyang: ri tunggung khyoo: shu" thu yu lho: «Mougkhung: khyoo: nghang yu" lho: kyi: joem ri nghab yu" we'. Nang gi houg: yo' dakhyoo" ti" myo: da" amyed ashen myoo" sho' yoo" wa nghoid» ga: tid.

THU' LO" MOUGSOUG" 28:21

Israela akung: daxe: eig kung: da" gungthid nghoid wa shid re" lug dacab moo myeing dacab khyo" Yaku da" nya: zoo: yi da" myeing ri lug daxe: eig cab moo kyung" lhid" too" ca" da:.

EZEKIEL 47:13

Yoem: moo" bo Aseing tid. He: zigi Israela byumyu" kung: daxe: eig kung: ri kho' gam byid: wa da" mougkyoo" joem nghoid. Yoseb kung: bang: ri gooji byumyu" tho' eig tu' je myo: yoo" nhang: wa.

EZEKIEL 48:19

Voomoo" moo nyid da" yugkhang" moo" gi kha: kung: bang: nghoid loug we' hau: mougmyid moo yo" zhung" zoo: zhung" shug da:.

ZEKHARIA 9:1

He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

LUKA 14:22

Amyang" ri dei zoo: yi doem ju" lo lho: Aseing: nhang: kaid ziyo' dakhyoo" bain koid: bye. Nghoidloug we' joyoo akoem: jo, shi" ga: tid.

LUKA 22:30

Nanu" gi nga" mungdain: khoug: moo-zo: shug nyid doem wa. Hau: tho' moo gootu: Tarha" zhungtang tho' moo zhoung: lho: Israela byu daxe: eig koung: bang: ri yo" vhoeb khang" ci: boem wa zi nghoid.

ACTS 26:7

Daxe: eig kung: mo nyangnu" ko' bang: gi hau: dang: soo" ri yo" Kham: yu sho' myed byu nyid boem wigi nyid ri myen" ri Mangsoo ri noku nyid boem. khokham" phoo we"- hid: su" myid byu nyid boem da" gang mo ngoo gi Yuda byumyu" yi wigi yooboo foin: zi shau" nyid.

Roma 9:27

Israela byumyu" yo" sen: lho: - Esaia gi - Israela amyu" yi gi - panglai mid' doem: myhoo: myo: loug boem nghoid loug we' - nyangnu" khoug: mo dayham" za: khyoid' yu zi shau" wa.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

Pang Shug 14:1

Hau: thang: moo ngoo doem yu" kaid' ri-Zion boem tho' moo yang nu" yab, jo, zirimyang Nya: myeing yo' nya: pho, da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem.

Pang Shug 14:3

Hau: da" byu 144000 bang: gi zhung: tang shid khoin" mo gougnyhoug myid: du: yo' ludaid' yi da" shid' khoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu: byu yi dangain" mo, khyoid khyi: yu zi shau" mo, nghoid.

Pang Shug 7:5

Damoin" eig khyeing" khyeing" dazid' thoung" tab byid: zi shau" da" amyu akung: ako'' yi gi Yuda Rubin Gaid Ashu Nabthali Manashe Simon Levi Yishakha Zebulon yo' Yoseb Benyamen nghoid nyid.

Pang Shug 9:16

Myang: zhoung: da" gyiphung yi gi Vain, eig shoo: nghoid- ga: ziri ngoo shau" gyo.