Pang Shug 7:3 - Lacid Common Language Bible

³ Ngoonu" da" Mangso byu yi da' ngei lang: moo- dazid' ashau" baid tab byid: shi" ri Nanu" gi mougmyid ri we' panglai yo' seig gam joem ri we' ce: ja" dam, we' atab shi' goo",, ga: tid nyid.

Pang Shug 7:3 ပူးပေါင်းရင်းမြစ်များ

THU' LO" MOUGSOUG" 12:13

Khoem" bung moo suid" dab zigi nanu" nyid da" yhoem: nghoid ein: da" laxoem" nghoid wa. Suid" ri myang lang" nanu" ri ngoo lhid: kaid zi nghoid. Ngoo Egutu byumyu" yiri yooboo dam byid: yen" uri nanu" ri bo zang" wa zi anghoid.

THU' LO" MOUGSOUG" 12:23

Aseing Egutu byumyu" yiri said wa shid re" Egutu mung" jang: sho' lid lo" uri khoem" bung yo' khoem" duang: adang mo suid" ri myang lang" kangso' said da" moug: lagyoo: yi nanu" ri said wa shid re" nanu" yhoem: khoug: khyoo: vang nhang: wa zi anghoid.

ESAIA 27:8

Nyangnu" ri pyoung" shu" loo" nhang: pyam da" khyo" Aseing gi nya: byumyu" yiri yooboo dam byid: da:. Nyang: gi nyangnu" ri bidthu shoid mo thain da" lid wigi shu" lo" pyam nhang: wa.

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

ESAIA 65:8

Aseing tid zigi «Ge da" zabyid thung: ri aze" shoin' pyam' - hau: gungthid hau: ze wigi nyangnu" zabyid yhid: koid ago". Nga" byu yi dangain" ri we' ngoo aphyo' shoin' pyam' wa. Ngoo ri dei byid: da" bang: ri ngoo khyoid yu wa.

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

EZEKIEL 9:6

Phau: mang: yi zooyam yi zoomyi: yi myhi' zeing yi yo' zooshang: yiri said pyam we'. Nghoid loug we' ngilang: moo aso" tab to" da" su: hang" ri we' atain" goo". He: nga" Noku Yhoem: Moo" mo koid shid" ge'» ga: tid. Houg: yoomo nyangnu" gi hau: Noku Yhoem: Moo" moo yab jo, da" vhujhung: yi mo said shid" ago".

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 3:26

Houg: lho: Nebukhadneza gi myikhyoem moo" khoem" duang: khyoo: yhe: lho: Shadrag- Meshag- Abednego we"- Gyi: sheung: myhang: thang Mangso da" dei zoo: lagyoo: yi we"- thu loo ge» ga: nyho: yoid kaid da:. Nyangnu" gi houg jang: nyang: thu lo ago".

DANIELA 6:16

Houg: yoomo khokham phoo gi Daniela ri myheig yu wa amyeing" khyo' kaid wigi nyang: khangkhyi byeung" sho' bo da" thung: yhoem: khoug: khyo: she: pyam khyo' kaid ago". Nyang: gi Daniela ri «Nang jhug zug tung" dei byid: da" re" Mangsoo gi nang ri khyoid yu baja" o"» ga: tid da:.

ZEPHANI 2:3

Aseing da" amyeing" dang: ri gyo: yu da" nheigloem: khyo' nyid mung" byu yi we' Aseing jhang khyoo: doem lheung: loo we'. Deingmain" da" moo" ri zei: lho: Aseing shidkhoin" moo nanu" da" nheigloem: ri khyo' shug we'. Hougsu" nghoid lang" gi Aseing da" nheig joem: yo: da" bidnyid toin" shed lo da" uri shen" yhen dam byid: jang" mo nanu" yo" loid byoin loo" goo" abe.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MATHE 24:22

Nghoidloug we' Mangsoo: gi hau: ayo, bidnyid ri ashoung" kaid nghoid rigi xangsu: byu yi hang" kangso' we yo" loid wa zi anghoid. Nghoidloug we' Mangsoo gi nyang: khyen: yu too" mo, shid re" hau: ayo, bidnyid ri shoung" kaid byid: wa nghoid.

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Pang Shug 13:16

Hau: akhyeung" goug: nyhou, gi gyi: mo, yo' ngi mo, di mo, yo' myung mo loid byoin, bye: mo, yo' join, koid nyid mo, -byu yi bain sho' ri lo, yo lo, moo anghoid lang" gi ngeilang: moo- nya: da" laxoem" dazid' ri agyoo" gyoo: tab nhang: to.

Pang Shug 13:17

Hau" akhyeung" da" gougnyhoug myeing- anghoid lang" gi hau: myeing khyang" da" nghab youg laxoem" dazid' adab mo, hang" nghoid loug we' zi, qei wa ziyo' ung" wa da" akhang" ayoo.

Pang Shug 14:1

Hau: thang: moo ngoo doem yu" kaid' ri-Zion boem tho' moo yang nu" yab, jo, zirimyang Nya: myeing yo' nya: pho, da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem.

Pang Shug 14:9

Hau: soem" yug ein: da" mau: lagyoo" gi xang: shed" eig yug ein: da" thang: moo doem cang ju" re" lho: akhyeung" da" gougnyhoug yo' nya: da" soo lhoo: ri phau" myang: vhu" pid' ped' lho: nyang: nya: da" ngeilang: moo anghoid lang" gi lo, moo hau: gougnyhoug da" laxoem" dazid' ri baid' tab ci: mo, hang" we' mauglagyo: lo, mo da" goem moo Mangso wigi byeung" sho' foid kaid' to" da" Mangsoo nheig khoo" yo: da" zabyid yheing ri shau" shug goo" wa zi nghoid.

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

Pang Shug 22:4

Ngoonu" gi nya: da" myonhoo: ri yu" wigi nyangnu" da" ngeilang: joem moo nya: myeing ri lhid" tab to" boem wa.

Pang Shug 6:6

Gougnyhoug myid ja" da" agyoo: mo thu' lo te" thui: ri ngoo shau" gyo:- hau: da" thui: gi " Sung: soo dakhu, ri danyid" da" vhu" kung: phoug" yo" byid:- yoono, soem" khu' we' danyid da" vhu" kung: phoug" yo" byid:- nghoid loug we zhain: lun khyam: yo' zabyid khyam: ri alhu: phyo' pyam goo" ga: tid nyid.

Pang Shug 7:1

Hau: thang: ri moug: lagyoo: myid: yug gi mougmyid' ajhoin: myid: shoid moo yab, jo, lho: nyangnu" gi tung: goung myidjang: tho' moo yo' Panglai gyid thoem" tho' moo we' seig gam dangain" tho' moo we' lid' ayo" hau, loo wa shid re" myid: shoid goin" mo lid' ri zei: zeung ci: boem, ziri ngoo myang.

Pang Shug 7:2

Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi

Pang Shug 9:4

Houg: bang: gi seig gam voogam, joem yo' gootu: mhain" nyoug pho, nyoug joem ri ze" shoin, wa da" amyeing" ayoo". Ngeilang: moo Mangso byu yi da" dazid' adab bang: ri za: yo" shen" yhen jamjau byid: wa da" amyeing" yo" boem.