Pang Shug 21:9 - Lacid Common Language Bible

⁹ Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.

Pang Shug 21:9 ပူးပေါင်းရင်းမြစ်များ

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 17:1

Hau: uri goem nyhed loem: ci: da" moug: lagyoo: nyhed yug mo dayug ngoori tid zigi " Gyid moo" lang myoo" sho' da" ayam, moo zhoung: jo, voomoo" zeing te" da" myeing gyi: nyid shava myhi, da" yoobo khyoo: ri ngoo nang ri tid kyoo" ba.

Pang Shug 19:7

Nyhang" nu" gau yi lho: vho: ngei nyid boem shang- Nya: da" myonhoo: phung" yoeb ri coung" byid : nyid boem shang. Khasu" wim gari hau: Yang nu" da" loxo' pui" zeing gi ju" loo bye: ziyo' nya: da" myhi, seig we' nya: gung ri lhoo, bain yhoug ci: bye: yoomo

Pang Shug 21:17

Mouglagyoo: gi hau: da" vang ri we' ke' yu" ri byu yi ci: da" laki' yo' dakhyoo" ti"- Mouglagyoo: ke' yu" ri 144 dung" nghoid.

Pang Shug 21:2

Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Pang Shug 22:6

Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.