Pang Shug 2:16 - Lacid Common Language Bible

¹⁶ Houg: yoomo re" yooboo mo nheigloem: myab, htid loo we' nheigloem: athed' lo nghloid rigi amyang" ri ngoo re" wigi nga" da" nhoid mo, thu da" lhab, sham: yo' nyangnu" ri jab, pyam' loo: wa.

Pang Shug 2:16 ပူးပေါင်းရင်းမြစ်များ

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 49:2

Nyang: gi nga" dang: thui: ri shamcoin" yhi' tho' nhang: da:. Nyang: nya: lo, wigi nyang: ngoo ri goem loem byid: da:. Nyang: gi ngoo ri myoo: ri yo' dakhyoo" ti" coin: wigi ci: wa jen" jen" koid da:.

Ephesu 6:17

Hau: lho: khyoid yu khyoo: ri sham: mug yhang: ti" yu zhoung" ci: lho: Venyi khyo" byid: to" da" Mangso mungdang: ein: da" lhab, sham: ri we' voin, ci: ge'.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

Pang Shug 1:16

Nya: lo, yo lo, moo gi kyi: nyhed cab, zhoeb ci- nya: nhoid mo gi sham: soo" eig shoid tho' da" lhab, sham: thu nyid nya: da" myonhoo: gi nyid" gung bid moo" su: bang nyid.

Pang Shug 16:9

Nyang: nu" gi thain: da" myiso' yo' ngi" yoomo hau: shid: gyoin, amyeing" byid: su: Mangsoo ri damyeung nheung" nyid aloo: go. Nghoid loug we' nyangnu" da" yooboo yoomo houg: yhi' gyeung" da" shen" yhen jamjau shau" nyid boem nghoid loug we' nheigloem: athed' lo boem ziyo' Nya: da" gyi: myhang: khyoo: ri acoung" anghei' byid: nghoid ago".

Pang Shug 19:15

Byumyu" bain sho' bang: ri oung: pyam' wa shid re" nya: da" nhoid mo tho' da" lhab, sham: thu' lo nyid. nyangnu" ri we' joto' lham: doung: wigi vhoeb, khang" nyid wa zi nghoid. Gyi: sheung: myhang: thang Mangsoo nheig gyed" da" - zabyid xoem: zhung: zeing moo nyang: nang: jhoeb, kaid' wa.

Pang Shug 19:21

Nya: da" gyizoo: yigi myang: jui: su: nhoid mo thu' re" da" lhab, sham: yo' said' pyam zi shau" nyid. Houg: yoomo ngho' joem dangain" gi houg: bang: da" shoo" ri gyi" gyi: shau" zo: boem bye.

Pang Shug 2:12

Pargamu phung da" moug: lagyoo: ri hid: su" ein: lhid" we' he: da" mungdang: gi eig shoid tho' da" lhab, sham: yoo" su- jang" mo nghoid.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.

Pang Shug 22:20

Nghoid bye" - ngoo amyang" ri deing" deing nyang: ju" ri" wa ga: tid. Houg: su" bui" baja"- Aseing Yesu we"- gyoo" ri" we' o".

Pang Shug 22:7

Yesu gi tam' gyoo: ge' ngoo amyang" ri re" loo wa he: jhoem: pug mo lapi: dang: ri tam" gyoo: mo gi ngi lho, shau" boem wa ga: tid.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.