Pang Shug 15:4 - Lacid Common Language Bible

⁴ Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".

Pang Shug 15:4 ပူးပေါင်းရင်းမြစ်များ

COUNG" NGHEI 86:9

Nang phain" so: to" da" byumyu" dangain" mo, gi re" jang" moo: re" lho: poid thoug lo boem wa nghoid. Nyangnu" gi re" da" nghoid thang khyoo: ri coung" byid: lo boem wa zi nghoid.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

YEREMIA 10:7

Byumyu" dangain" bang: da" khokham nang ri ngi: shab wa hang" nyid la" Nang gi ngi: shab byid: wa moin: su: nghoid Byumyu" yi da" phajhi" boo bang: akhoug: moo nghoid nghoid. Nyangnu" da" khokham khayug nghoid nghoid nang yo' du zi hang" anyid nghoid da:.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 14:7

Hau" mou: lagyoo: gi Mangsoo dang: phyed wa da" bidnyid ju" loo bye: yoomo Mangsoo ri gyoug phau" lho: nya: da" gyi: myhang: reung: thang khyoo: re" coung" byid: ge'. moug: khung: yo' myidjang: ri we' panglai yo' gyid zoo: lang yi we' phain" so: to" Aseing: ri phau" myang: vhu" pid' ped' nyid ge'. ga: thui: moo" zeing yo' nyho: tid nyid.

ZEKHARIA 14:16

Yerusalem voomoo" ri zain: lo nyid da" byumyu" yi mo wigi deung jo, mo, gi yoem: moo" bo da" Aseing ri khokham ri yhang: ti" goeb noku boem wigi seig kyang: pui" koid boem wa shid re" hau: joyoo khyoo: zain khang" moo" yhe: lo" boem wa nghoid.

ESAIA 25:3

Yoem: so' bo da" byumyu" yigi nang ri coung" nghei loo wa. Anau akhyoid koid da" byumyu" yi da" voomoo" joem moo nang gyoug phoug" byid: zi shau" loo wa.

ESAIA 45:23

Nga" dang: soo" gi deingmain" da:. Hau: zigi thid loo" shoug" wa zi anghoid. Dangain" ri ngo wigi geing: teing dangsoo" koid to" zi nghoid. Yugkhang" moo" gi nga" shidkhoin" moo re" lho: poid thug re" thug wigi ngoo ri jhug zug wa jham' re" tang: goo" wa.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".

1PETERU 1:16

Khasu" wim ga: ri ngoo gyeungshang: nyid yhang: ti"- nanu' we' gyeungshang: nyid ge' ga: jhoem: mungdang: moo lhid" to".

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

Pang Shug 16:7

Hau: thang: ri xoin" to' phoin: mo thu lo da" thui: gi " Athang agoin yoem: moo" bo da" Aseing: Mangso- Nang dang: phyed' nyid da" khyoo: gi deingmain" da" khyoo: yo' deing nyeung" khyoo: nyang: nghoid bye"- ga: tid nyid ziri ngoo shau" gyo.

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

ESAIA 26:9

Nga" oungkhoug: nheigloem: dangain" yo' myen" ri nang ri ngoo lang" nyid. Mougmyid yo' mougmyid byu xangsu: yiri nang dang: phyed lang" Tarha" deingmain" khyoo: ri nyangnu" dangain" bang: jhau" yu loo goo" wa.

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

Roma 15:9

Houg: yo' dakhyoo" ti" tungbau byumyu" yi gi Mangso: da nheig khyeig da" khyoo: ri shau" coung" nghei" wa shid' re" we' nghoid. Jhoem: mungdang: moo Houg: yoomo ngoo gi nghizain da" byumyu" yi da" khoug: moo Mangso: da" phung" yoeb ri coung" nghei byid wa. Nya: myeing" khyang" ri coung" nghei lid jhoem" kaid' wa - ga: tid to" zi yo" dakhyoo" ti" nghoid.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

ESAIA 6:3

Nyangnu" nyang: cang" «Gyeung" shang:- gyeung" shang:- gyeung" shang:- myhang: thang Aseing gi gyeung" shang: nya: phung" yoeb gi mougmyid tho' moo byeung" jo,» ga: tid nyid boem ago".

COUNG" NGHEI 111:9

Nyang: gi nya: da" byumyu" ri lhoid pyoin kaid lho: nyangnu" yo' apyaid atoo: mo dang: theing thang" cab, ri koid too" bye:. Nyang: gi gyeung" shang: nyid ziyo' athang agoin yoem: moo" boo su: nghoid nyid.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

HABAKU 1:12

Aseing we"- nang gi moug: thu' xang: poin: mo Mangsoo nghoid. Nang gi gyeung" shang: lho: apyaid atoo: mo nga" Mangsoo nghoid. Nga" Mangsoo yo' goem loem byid: su: Aseing we"- nang gi Babelon byumyu" yi ngoonu" ri dam yo" tab wa shid re" nyangnu" ri yoem: moo" boo nhang: lho: khyen: yu to" abye:.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.

COUNG" NGHEI 105:7

Aseing gi ngoonu" da" Mangsoo nghoid- nya: amyeing" tarha" gi moug gyab, goin" bang: shid re" nghoid nyid

COUNG" NGHEI 99:9

Ngoonu" da" Mangsoo Aseing ri coung" nghei byid: ge'- nya: da" younglho' boug tho' moo: noku ge'- ngoonu" da" Mangsoo Aseing gyeung" shang: su: nghoid.

COUNG" NGHEI 22:3

Nghoid loug we' nang gi gyeung" shang: su: nghoid lho: khoo" zhung: nhang: da:. Israela byumyu" yi coung" nghei ziri kham: yu moin: yi" su: nghoid nyid.

1 SAMUELA 2:2

Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.

ESAIA 60:5

Nang gi he: ziri shau" myang lang" gau yi ziyo' byeung" loo wa. Nang gi gau lho: ko' ko' nain" loo wa. Byumyu" yi da" jonu" joem gi re" jhang ci: lo zi shau" goo" wa. Panglai dashoid mo nyangnu" jonu" joem ju" lo boem goo" wa.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 24:15

Bid thu shoid moo nyid bang: gi nyang: gi coung" nghei byid: loo goo” wa. Panglai: gyid yam cang nyid da" byu yigi Israela da" Aseing Mangsoo ri coung" nghei byid: loo goo" wa.

COUNG" NGHEI 99:5

Ngoonu" da" Mangsoo ri coung" nghei ge'- nya: da" zhungtang shidkhoin" moo noku nyid ge'- Nya: gi: gyeung" shang: nyid su: nghoid.

COUNG" NGHEI 97:8

Aseing we"- nang dang: phyed byid: nyid yoomo Ziun byumyu" yi gau yi nyid boem ziyo' Yuda meing mo voogung joem we' gau yi nyho: yoid nyid boem.

COUNG" NGHEI 22:23

«Aseing da" deizoo: yi we' nyang: ri coung" nghei nyid we'. Yaku da" nya: myid: nya: zoo: yi we' nyang: ri myonhoo: byid: we'. Israela byumyu" yi we" nyang: ri noku goeb pid nyid we'.

YEREMIA 5:22

Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.

Pang Shug 16:5

Houg: lang" gyid ri vhoeb, khang" da" moug: lagyoo: gi nang koid da" dang: phyed khyoo: gi deing nyeung" da" khyoo: nghoid- nang gi akhid" pyaid lid loo" bye: apyaid' moo nyid nyid da" gyeungshang: su: gi nang kyeing" za: nghoid- ga: tid.

Pang Shug 19:8

Phyu: bang da" ziyo' sen: da" jid: moo" pain" yo' nya: gung ri lhoo, yhung wa akhang" nyang: yoo" bye, ga: tid. (Jid: moo" pain" phyu: ga: zigiMangso byu yi da" ge, da" asam" aved, moozoo" nghoid)