NGOUG JI: 2:3 - Lacid Common Language Bible

³ Nyang: gi nya: nheig joem: yo: wigi Israela yi da" yoem: ri phyo sain" pyam byid: bye:. Gyivoo joem re" lo da" ayo, moo nyang: ngoo ri apang" yu nghoid da:. Nyang: gi ja: khang" moo" ri phyo sain" pyam da" myi: yhang: ti" nya: nheig joem: yo: da" zigi ngoonu" ri ngi" bye:.

NGOUG JI: 2:3 ပူးပေါင်းရင်းမြစ်များ

2 KHOKHAM MHOOMYID: 34:25

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Houg: yoomo Ngoo gi Yerusalem ri nheig yo: thougtheung wigi houg: gi nheig yoo: agyoo" wa.

YOBA 16:15

Ngoo gi koug ngau wigi jid: moo" byimi coeb ci: wigi he: pheilhoug: boem" moo asoem" byid: zhung: jo, bye:.

COUNG" NGHEI 132:17

He: joyoo moo ngoo gi David da" amyed ashen yi mo dayug ri khokham zeing bue" lo nhang: wa nghoid.

COUNG" NGHEI 74:11

Nang gi ngoonu" ri pang" thoug byid: wa shid re" cikoid ngeug pyam nyid lha". Re" lo, ri ci: yoomo, shoung: pyam lha".

COUNG" NGHEI 75:10

Tarha" aci: bang: da" yoem so, ri nyang: khyau" pyam byid: wa zi nghoid. Nghoid loug we' deing byeung" bang: da" yoem so rikoem gi nyang: wigi gyi: sheung: loung: loo nhang: wa zi nghoid.

COUNG" NGHEI 75:5

Nyangnu" da" nghoid boin: phau: khuang khyoo" joem ri no: pyam nhang: wa shid re we' ngoo nyangnu" ri tid bye: ga: tid

COUNG" NGHEI 79:5

Aseing we" nang gi ngoonu" ri apyaid atoo: moo: ju" sho' nheig dajha" yo: nyid wa ein: la". re" da" nheigloem: loung nyid zigi myi: yhang: ti" khanham we' dajha" nge" nyid wa ein: la".

COUNG" NGHEI 89:24

Ngoo gi nyang: ri jheddab nyid wigi nya: atho' moo: nheug yo: nyid wa zi anghoid. Ngoo gi nyang: ri khanham we' oung: loo" nhang: wa zi nghoid nyid.

COUNG" NGHEI 89:46

Aseing we" nang gi nanya: gung ri nanyang: dajha" yhoem" too" wa ein: bye: la". Re" da" nheigloem: nge" zigi myi: yhang: ti" khamyhang ju" sho' dange" nyid wa ein: la".

ESAIA 1:31

Myijhen" wigi zain nge" lo da" khoofoo: yo’ dakhyo" za: yoem: so' gyi: da" bang: gi nyangnu" nya: akhyeing" da" lo, moo" wigi phyo' shoin' pyam shoug" loo goo" wa. Hau: byo, yoin" khyoo: ri hang" we' ayo" toem' pyam goo" wa.

ESAIA 42:25

Houg: yoomo nyang: gi ngoonu ri nya: nheig yo: da" yoem: so' ri kham zoo: nhang: wigi gyi khaid pui: da" pyijoem: sho: khaid said khyoo: moo kyi" khyeug shoug" nhang: da:. Nya: nheig joem yo: zigi myi: yhang: ti" Israela mung" goin" ri nge" lo byug da:. nghoid loug we' cibue" nyid ziri ngoonu khanham we' asi'.. Ngoonu" gi hau dangain" mo ciri we' ajhau" yu nghoid da:.

YEREMIA 21:14

Nghoid loug we' ngoo gi nanu" koid da" moo" zoo" shid re" nanu" ri yooboo dam byid: wa. Ngoo gi khokham kho" ri myi: nghe' pyam wa. Hau: myi: gi hau: lheing khoem mo jo, da" ja: dangain" ri nge" pyam loo" wa. Ngoo Aseing tid bye:».

YEREMIA 4:4

Yuda yo' Yerusalem mo byu yi we"- nanu" da" Aseing ngoo yo' dang: theing to" ziri zoem: ci: ge'. houg: lho: nanu" nya: gung ngoo ri shugbyid: we'. Hougsu" akoid boem lang" nanu" koid da" akhyeing" ashoeb da" moo" joem yoomo nga" da" nheig yo: zigi myi: yhang: ti" nge" loo wa. Hougsu" nge" dab lo wigi hau: ziri hang" wigi we' ayo" said pyam goo" wa» ga: tid da:.

YEREMIA 48:25

Moba da" gyi: myhang: zigi mhoin' koid pyam abye:. Nya: da" yoem: so' gi phyo' shoin' pyam shoug" bye:. Ngoo Aseing tid too" bye:» ga: tid da:.

YEREMIA 7:20

Houg: lho: ngoo- yoem: moo" bo Aseing gi he: Noku Yhoem: Moo" khyoo: nga" gyoug pho" nheig yo: ziri foid shoin" kaid wa. Ngoo gi hau: nheig yo: ziri byumyu" yi yo' gougnyhoug joem adang moo foid shoin" kaid wa. Houg: lho: seiggam joem yo' shivoo: shiloem gam joem adang moo lang" foid shoin" kaid wa. Nga" da" nheig yoo gi hang" wigi we' ayo" said pyam da" myi: yo' du wa.

NGOUG JI: 1:13

Nyang: gi tho' mo myi: ri nhang: khyo' kaid lho: hau: myi: gi nga" da" ung: khoug: moo: nge" nyid. Nyang: gi nga" shid moo: lhid' thoung: to" wigi ngoo ri myidjang khyoo: she: khyo' pyam bye:. Hau: thang: ri nyang: gi ngoo ri she: pyam to" lho: byeing abyed dam khe" noo nhang: to" da:.

NGOUG JI: 4:11

Aseing gi nya: nheig yo: khyoo: ri yoem: byeung" sho' phain" thu' kaid. Ziun ri myidgung ju" sho' nghe' jhoem" pyam da" myi: ri tab kaid da:.

EZEKIEL 13:13

Akhid" he: zigi yoem: moo" bo Aseing tid zi nghoid. Ngoo nheig yo: zigi vang ri phyo' shoin' pyam wa shid re" thain: da" lid- moug: yo' leig voo ri nhang: kaid loo wa.

EZEKIEL 7:14

Laboo" moid kaid wigi yugkhang" moo" gi jen" jen" soin ago". Nghoid loug we' meing: zain: jang: dam khyoo: hang" ayhi: nghoid ago". Ciwim gari: Mangso da" nheig yo: zigi yug khang mo da" adang moo: jo, jo, yoomo nghoid.

NAHUM 1:6

Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

LUKA 1:69

Shid' phyang" re- gyeungshang: gyeungshang: da" lapi: yi mo wigi tid to" ziyo' dakhyoo" ti"-

LUKA 3:17

Nya: da" gug nang: jang: ri khyo kyeing wa shid' re" nya: da" lo, moo gug khyoo lhang" khang" ri ci: lho: nya: gug boem ri lhang wigi gug moo rigi nya: ci: moo shoung: to" lho: gug soem: rigi ce" ze we ayo" said da" myikhyoem moo nghe, pyam zi nghoid ga: nyangnu" ri kho" kyo.

TARHA" TID POIN" 32:22

Nga" nheig yo: zigi myiyham: yo' dakhyo" dab re" wigi Myid jang dang mo ja: khang" moo" ri nghe" pyam boem wa. Hau: zigi mougmyid khoug: khyoo: ju" vang lo" lho: boem joem da" apoem: agyi: joem ri nge" pyam loo wa.