Aseing gi «Nga" dei zoo: Yoba ri shau" myang rhe" Mougmyid dang mo nyang: yhi' jhug zug wigi ge zi dayug we' anyid. Nyang: gi ngoo ri noku wigi akhyeing" ashoeb da" moo" daja: we' akoid loo sho' zid" nyid da:. Nyang: gi nyang: ri ce: sei: abo jang" moo phyo' shoin' wa shid re" ngoo ri jhu' phyo' nghoid loug we' Yoba gi goonham' mo yhang: ti" za: jhug dazug nyid ashi" da» ga: tid da:.
NGOUG JI: 2:2 - Lacid Common Language Bible2 Aseing gi nheig akhyeug loo: za: Yuda mung" mo voogung khang" moo" ri phyo shoin pyam bye:. Hau: mung" hau: meing: ri goem loem byid: da" gyidab joem ri we' phyo khyo pyam byid: bye:. Nyang: gi hau: khokham mungdain: yo' vhoeb khang" bang: ri myonhoo: shoem: loo" nhang: bye:. အခန်းကိုကြည့်ပါ။ |
NGOUG JI: 2:2
32 ပူးပေါင်းရင်းမြစ်များ
He: ayo, gi byoo dain byoo shoo" bue" zi gyi soem" zi yoeb myang janggyoin: moo nhung khoid khyoo: joem ri gyi sheing: myhang: thang Aseing wigi ngoonu" dang mo nhang: kaid byid: bye: da" ayo, nghoid da:. Ngoonu" da" voomoo" vang khyam: joem gi baid lheing: pyam lho: pang" thoug yu wa yoid nyho: nyid da" thui: gi bouggung joem agyoo: moo lang: thang: tu" nyid da:.
Myhang: thang Aseing Israela da" Mangsoo gi «Nanu" nheigloem: thain: wigi ngoo tid dang: atam" gyoo: goo" wa ngoo koid wa ein: tid to" da" yooboo dam dangain" ri ngoo gi he: voomoo" yo' aqei: ayam voogung khang" moo" adang moo bue" loo nhang: wa ga: tid to" ziri byu dangain" bang: ri tid kyoo" bye:.
Nghoid loug we' nang yo' re" gyizoug: yi gyipui" moo- phang" khoug moo yo' noo phyoo" moo ashid: loo nyid deing jo, bang: koem' gi nanu" ri said pyam nau da" khokham Nebukhadneza yo' re" gyivoo yi wigi nanu" dangain" bang: ri ngoo myheing yu pyam nhang: wa. Nebukhadneza gi nang ri said pyam wa. Nyang: gi nanu" mo dayug ri we' nheig khyeug shoomyen: khyoo: aci: shug byid: wa.
Aseing gi nyang: koid wa ga: kyug nhain' lid loo: bye: da" moo" zoo" ri lo" thang moo zei: bue" kaid bye:. Goonham mo nyang: tid poin" lid: lo da" ziyo' dayhang: ti" ngoonu" ri nheig khyeug myid aboo loo: za: lhu: phyo' pyam bye:. Nyang: gi ngoonu" da" gyivoo joem ri oung: doid loo" nhang: bye:. Nyang: gi ngoonu" leung lo" da" jang" moo: nyangnu" ri ngei pyoo: nhang: bye:.
«Houg: yoomo ngoo gi kangso' dei da" Mangsoo nghoid ziyo' dayhang: ti" he: zigi yoem moo" bo Aseing da" mungdang: nghoid. Nang gi nga" Noku Yhoem: Moo" ri akhyeing" moo" dangain" yo' nang koid bye: da" aco' ajhoid moo" wigi ayung" alho' bui" nhang: pyam yoomo ngoo gi nang ri nheig khyeug myid aboo loo: za: thougtheung pyam wa.
Eso da" amyed ashen yi nghoid da" Edom byumyu" yigi «Nyangnu" da" voomoo" gi phyo' pyam byid: zi shoug" nghoid loug we' doem nyheing zhug wa» ga: tid nghoid rigi Aseing gi hid: su" ga: tid wa zi nghoid. Nanu" so' koid too" nghoid loug we' ngoo gi doem phyo' pyam wa houg: yoomo subi" gi nanu" da" moug: ri «Agi ashoeb da" moug:» ga: myheing goo" wa houg: moo nyid mo, ri we' Aseing apyaid atoo: nheig yoo: nau da" mung" byu yi ga: myheing goo" wa» ga: tid wa nghoid.
Ngoonu" da" meing: zain: jang: moo ci: da" gyizi gyikhoo: gi mougmyid xangsu: byu yi ci: da" gyizi gyikhyoo: anghoid. geung: teung jo, da" gyidab: joem ri yo" phyo' pyam da" Mangso yoem: so' yo' byeung" da" gyizi gyikhoo: joem nghoid nyid. Ngoonu" gi adeung amain"- ngeug yang: go" da" dang: joem ri dazain: lhu: phyo' boem.
ကြော်ငြာတွေ