NGOUG JI: 1:9 - Lacid Common Language Bible

⁹ Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

NGOUG JI: 1:9 ပူးပေါင်းရင်းမြစ်များ

2 SAMUELA 16:12

Aseing gi nga" akhyeing" ziri yu" xoem" wigi nyang: ngoo ri nheing" yoomo main dajhi' khyalang" kaid byid: abe» ga: tid.

2 KHOKHAM 14:26

Aseing gi Israela byumyu" yi gyoug pho" yau: khi" kham zo: nyid ziri myang da:. Nyangnu" ri pang" thoug wa dayug we' anyid nghoid da:.

NEHEMIA 9:32

O" Mangsoo we"- ngoonu" da" Mangsoo we"- nang gi gye" gyi: sheung: o". gye" gyoug dain phau" myang: pho" zi nghoid. Gye" yoem: so' bo zi nghoid. Nang gi nang dangsoo" to" da" dang: theing ri jhug zug tung" zoem: ci: da:. Asuri khosen yi ngoonu" ri doin: zeig zo: lid lo da" ayo, mo akhid" nyid" ju" sho' lang" ngoonu" khayhi' kyi" khyeug kham zo: lo la". Ngoonu" khokham yi ngoonu" vhujhung: yi ngoonu" khainjung yi yo' lapi: yi ngoonu" phoug" phyid" yi yo' ngoonu" byumyu" dangain" gi kyi" khyeug zi shoug" kham zoo: bye:. Ngoonu" khayhi' kyi" khyeug shoug" ziri myid boin: byid: la.

COUNG" NGHEI 119:153

Re" da" tarha" ri ngoo angeug pyam yoomo nga" kyi" khyeug khyoo: ri yu" lho: ngoo ri khyoid yu we'.

COUNG" NGHEI 140:8

Aseing we"- akhyeing ashoeb mo, Nyangnu" vho: ngei nyid khyoo: ri abyid. Nyangnu" da" soin nyheung khyoo: joem ri we' oung: doid lo" da" khyoo: ri abyid: nyid.

COUNG" NGHEI 25:18

Ngoo kham' zo: nyid da" kyi" khyeug ziyo' kyi" khyeug dangain" ri myid boin: byid: lho: nga" yooboo dangain" ri khyoid pyam byid: we'.

COUNG" NGHEI 69:21

Ngoo zooyoid nyid uri nyangnu" gi ngoo ri myoono, byid: zho" ago". Ngoo gyid shed nyid uri nyangnu" ngoo ri gyid jhen: yeung byid: jhoug ago".

THU' LO" MOUGSOUG" 3:17

Ngoo gi nyangnu" kyi" khyeug shoug" nyid da" Egutu mung" mo khe: thu yu wigi Khanan- Hiti- Amori- Perizi- Hivi yo' Yebusi byu yi nyid da" mung"- Mougmyid nu" yoo" zoo: yoo" shug da" mung" khyoo: shu" yi: wa ein: myid phyed too" bye:.

THU' LO" MOUGSOUG" 3:7

Hau: thang: ri Aseing gi «Egutu moo join bue" nyid mo, nga" byu yi da" gye" kyi" khyeug khyoo: ri ngoo myang bye:. Nya: bang: nyang: ri join gung" mo, jang" mo khyoid yu ge' ga yoid ngau: nyid ziri ngoo shoug" gyoo: bye:. Nya: bang: kyi" khyeug shoug" khyoo: ri ngoo dangain" si' bye:.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

PHAJHI" DANG: 4:1

Houg: lho: ngoo gi he: mougmyid tho' moo xo' lho: bue" nyid da" tarha" adain: ziri myang bye:. Doin: zeig zoo: shoug" bang: gi nyho: ngau nyid ago". Nghoid loug we' nyangnu" ri hang" anau pang" nghoid ago". Ciwim gari nyangnu" ri doin zeig zoo: mo, gi yoem: so' yoo" bang: nghoid ago".

ESAIA 3:8

Nghoid bye:- Yerusalem gi doem: abye:. Yuda gi leung gyoeb gyo" abye:. Nyangnu" tid ziyo' koid zi ja: khang" moo" gi Aseing ri thougtheung ago". Nyangnu" gi Mangsoo ri di: di: za: rue" pyam ago".

ESAIA 37:17

Aseing we" - akhid" ngoonu" moo cibue" nyid ziri yu" byid: la. Dei nyid da" Mangsoo nang ri Senakherib wigi aphoug" akhyoid tid nyid zi dangain" ziri tam" gyoo: byid: la.

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

ESAIA 37:29

Ngoo gi nang nheig yo: khyoo:- re" da" nghoid boin: khyoo: lu dang: ri ngoo shoug" gyoo: bye:. Houg yoo mo re" nhoo: ri nhooshu' kaid- nhoid moo nhoidkho' kaid wigi nang nyang: re" da" khyoo: khyo" doem tau" shu: loo" wa zi nghoid» ga: zi nghoid

ESAIA 37:4

Asuri khosen phoo gi dei nyid da" Mangsoo ri aphoug" akhyoid rhui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

ESAIA 40:2

Yerusalem byu yiri yoem: byid: we'. Nyangnu" kyi" khyeug kham zo: zigi gi" bye:. nyangnu" yooboo joem ri khyoid pyam byid: we'. Ngoo gi nyangnu" da" yooboo dangain" shid re" yooboo dam byeung" sho' nyangnu" ri byid: bye:» ga: tid da:.

ESAIA 47:7

Nang gi nang khanham we' khokham myhi' bue" jo, wa jho: da:. He: joem ri re" nheigloem: moo akaid too" nghoid da:. Hau: zi dangain" khasu" thang loo" wa ziri we' nheigloem: moo akaid too" nghoid da:.

ESAIA 51:19

Kyi" khyeug yau: khi" eig zhang re" adang moo gyo" zang" abye:. Re" mungdain: gi meing: zain: pui" wigi jham" coug: youg bui" byug bye:. Re" byumyu" yigi zooyoid abye:. Nang ri nheig khyeug myid ci: shug byid: wa hang" anyid.

ESAIA 54:11

Aseing tid zigi «O" yau: khe" kyi" khyeug kham zo: ziyo' asho" ajhen: bue" nyid wigi nang ri nheig teing byid: wa hang" anyid da" Yerusalem nang we". Ngoo gi re" apoem: ayang: ri phoug" dab da" lug joem wigi zhug wa.

YEREMIA 13:27

Nyang: gi nyang: ngheing" da" moo" zoo" joem ri nanu" koid boem ziri shau" myang byid: bye:. Nanu" gi yhoem: kyoo" cang" da" yhoem: seing: myhi' ri yu" mhain: da" yuggi yhang: ti" anghoid lang" myang: myhi' thang: khyoo: cang mhain: yab yen" da" myang: loo: yhang: ti" bouggung joem moo yo' janggyoin: cang jo, da" tungbau yu phara" joem thang: khyoo: cang yhe: lo" ziri nyang: shau" myang byid: bye:. Yerusalem voo byu yi we"- nanu" gi joem: lo" abye:. Nanu" gi khanham she' gyeung" shang: loo goo" wa la".

YEREMIA 16:7

Jheddab da" byu dayug shid: lo" ri nyangnu" nheig teing byid: wa shid re" nyang: yo' hang" ci: azoo: ashug goo" wa. Hang" we' nheig khyeug seing" no zi aci: shug goo" wa. Nya: myhi' yo' nya: phoo tang: shid: byug da" su: shid re" lang" nheig khyeug khyoo: aci: shug byid: wa.

YEREMIA 2:34

Nanu" da" byimi joem gi khoug" mo, byo, mo, da" suid" anghoid- myung shoo" mo, yo' yooboo ayoo" bang: da" suid" lhu: tab ci: da:. Nghoid loug we' he: gu: dangain" tho' moo

YEREMIA 48:26

Aseing tid zigi «Moba ri yhid: yed nhang: ge'. Ciwim gari nyang: gi ngoo ri gyi koid thougtheung abye:. Moba gi nyang: dug boem to" da" jang" moo lu: leung yeing" wa. Houg: lho: byumyu" yigi yi juang" lo boem wa.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

YEREMIA 50:29

«Babelon ri khaid zain: wa shid re" lid: beig bang: ri tid ge'. Lid: yo' myoo: ri khasu" ci: wa se' da" bang: yugkhang" moo" ri nhang: kaid ge'. Voomoo" ri vang: to" lho: dayug ri we' aphang: loid nhang: goo". Nyang: koid zi shid re" aphoug" tau" byid: ge'. Subi" ri nyang: koid yhang: ti" nyang: ri we' koid ge'. Ciwim gari nyang: gi Israela da" gyeung" shang: su: ngoo ri gyi khaid wigi nghoid boin: da" lo, moo" koid da:.

NGOUG JI: 1:17

Ngoo gi nga" lo, ri yhoin" kaid nghoid loug we' ngoo ri: hang" we' pang" yu zi anghoid. Aseing gi nga" shoid zoo: shoid zeing khyoo: gyivoo joem ri khe: kaid byid: bye:. Nyangnu" gi ngoo ri aco' ajhoid da" ziri yhang: ti" zoem" kau boem.

NGOUG JI: 1:21

Ngoo nookyeing" kyeung" da" thui: ri tam" gyoo: byid: la,. Ngoo ri nheig teing ung: teing byid: wa byu hang" aboo. Nga" tho' moo: nang bue" loo nhang: da" kyi" khyeug da" khyoo: joem ri nga" gyivoo joem gi yu" gau nyid boem ago". Nang dangsoo" byid: to" da" bidnyid we' ju" loo nhang: abye:. Ngoo dayam, dayoo: shoug" nyid ti" nga" gyivoo joem ri we' loem zoo: nhang: we'.

NGOUG JI: 2:13

O" Yerusalem we"- ngoo jheddab thang da" Yerusalem we"- ngoo khasu" se' tho' tid loo: wa lha". Ngoo khasu" nang ri nheig yo" teing byid: wa lha". Hid: yhang: ti" hang" dayug we' yo" kham' zoo: wa zi anghoid. Nang byo, yoin" lo" zigi atho' ke' da" Nammugdara yhang: ti" thang ga: zi ajo, yoomo ge bui" wa da" nheig byu jang: ci: we' ajo, loo.

NGOUG JI: 4:1

Ngoonu" da" lo, lo, doug bang da" sheing: gi shoem: loo" bye:. Noku Yhoem: Moo" mo lugzeing joem gi voogung fu" moo" khyoo: cang lhu: sain" to" boem abye:.

NGOUG JI: 5:1

O" Aseing we"- ngoonu" moo: bue" lid: loo: bye: ziri myid boin: we'. Ngoonu" ri yu" lho: ngoonu" da" ngi: yoem" khyoo: ri myang byid: we'.

HOSEA 2:14

Houg: yoomo ngoo gi nyang: ri dain" pyoid yoo khyoo: doem shu" yhi: loo wa. Hau: joyoo moo ngoo gi nyang: ri jheddab dang: khyo" doem tid oung: yu wa.

ZEPHANI 2:10

Houg: gi Moba yo' Amon byumyu" yigi khuang zi phau: ziyo' yoem: moo' bo da" Aseing byumyu" yiri juang" yi doin: khyoo' yoomo shen" yhen zi thoung" shau" da" khyoo: nghoid.

YOHAN 11:19

Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.

TARHA" TID POIN" 26:7

Hau: thang: ngoonu" gi ngoonu" phoug" phyid" yi Aseing Mangsoo ri bo pang" wa shid re" yoid nyho: boem bye:. Ngoonu" ri nyang: gyoo: byid: wigi ngoonu" da" kyi" khyeug khyoo:- moo" myung: khyoo: yo' yau: khe" khyoo: joem ri myang byid: bye:.

TARHA" TID POIN" 32:27

Nghoid loug we' nga" byumyu" yiri nyangnu" da" gyivoo yi wigi oung: pyam ga: ayo" phau: tid sho' ngoo koid wa. Gyeing" gari: nyangnu" ri mhoin pyam zigi ngoo nyang: danghoid.

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".

1 SAMUELA 1:11

Hana gi «Myhang: thang da" Aseing we"- re" join myhi' nghoid da" ngoo ri yu" we' nga" da" yau: khi" ri myang bye: wigi ngoo ri boin: so" nyid we'. Ngoo ri ato" myhid pyam. Nang ngoo ri zooshang: byid: nghoid rigi nya: da" xam: ri khanham we' aphyid pyam byid: looza: nya: apyaid dangain" ziri ngoo nang ri zhoem" byid: wa ein: ngoo dangsoo" khoin" byid: bye:» ga: gye" no, khyo" nyang: gi dangsoo" khoin" byid: too" bye: zi nghoid.