NGOUG JI: 1:3 - Lacid Common Language Bible

³ Yuda byu yigi pang" thoug wa abo da" join, bue" jo, abye: go". Nyangnu" ri yhoem: mo khaid tang" pyam abye: go". Nyangnu" gi nyangnu" da" mougmyid ga: ayo" myheung da" goo" meing: moo: yhe: nyid ago". Hougmoo: gyivoo joem lheing khoem to" wigi phang: loid khyoo: ajo, loo: nghoid ago".

NGOUG JI: 1:3 ပူးပေါင်းရင်းမြစ်များ

2 KHOKHAM 25:11

Hau: thang: Nebuzaradan gi voomoo" moo nyid deing jo, da" voobyu yi deing jo, da" lo, moo" jhang: bang:- Babelon byu yi jhang phang: dab lo" byug bang: ri Babelon khyoo: pyoung" shu" lo" da:.

2 KHOKHAM 25:21

Khokham phoo gi houg moo nyangnu" ri baid wigi said pyam da:. Houg: yoomo Yuda byumyu" yigi nyangnu" mungdain: mo pyoung" she: loo" shau" boem bye:.

2 KHOKHAM 25:4

Voomoo" vang joem we' phyo' pyam ago". Hau: voomoo" ri Babelon byu yi lheing khoem to" boem nghoid loug we' gyizoo: yi dangain" gi myen" ri phang: loid byug ago". Nyangnu" gi khokham kho" bain: khyam: khyo" thu lo" lho: vang eig loem: xo' da" khoem" duang: khyo" thu lo" wigi Yodan janggyoin: khyoo: pang: yhe: lo" ago".

2 KHOKHAM 25:5

Nghoid loug we' Babelon gyizoo: yigi khokham Zedekia ri cang khaid lho: Yerikho nam mo jang: pa: moo nyang: ri shoug" myheig yu ago". Nya: gyizoo: yi dangain" nyang: ri phang: lhei" too" kho' ago".

YEREMIA 13:19

Yuda mung" mougpyi: shoid voogung joem gi vang: to" zi shau" abye: go". Nyangnu" jhang hang" ayo" ju" vang yhi: nghoid da:. Yuda mung" byu dangain" bang: gi pyoung" she: lo" zi shau" abye:.

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

YEREMIA 24:9

Ngoo gi nyangnu" adang moo houg yhang: ti" da" yau: khe" kyi" khyeug zi bui" nhang: yoomo mougmyid dang mo byumyu" yi dangain" gi gyoug dain boem goo" wa. Byumyu" yigi nyangnu" ri juang"- nyangnu" khyoo: ri yi noug tu'- nyangnu" ri aphoug" akhyoid koid- nyangnu" da" myeing ri ngo wigi nyangnu" ri nyhid: sain" to" da" joyoo khyi' khang" moo" moo nheing" khoin" khyo" ci: loo goo" wa.

YEREMIA 39:9

Lo" thang moo gyizoug: phoo Nebuzaradan gi nya: jhang lo phang: nyid boem da" bang: yo' dage" thung: byu khyo" Babelon khyoo: shu" lo" wa voogung moo nyid deing nyid da" bang: ri shu" lo" da:.

YEREMIA 52:15

Hau: thang: Nebuzaradan gi voomoo" moo nyid deing jo, da" voo byu yi deing jo, da" lo, moo" dab bang:- Babelon byu yi jhang phang: dab loo" bang: ri Babelon khyoo: shu" lo" da:.

YEREMIA 52:8

Nghoid loug we' Babelon gyizoo: yigi khokham Zedekia ri cang khaid lho: Yerikho nam mo dain" pa: moo nyang: ri myheig yu da:. Nya: gyizoo: yi dangain" gi nyang: ri phang: cau" too" kho' da:.

NGOUG JI: 2:9

Vang khyam khoem" moo" joem gi mhoid soid boem khoug: moo: noeb leung jo,. Houg: mo khoem" kyang youg: joem gi ajab, amoin" khyau" sain" pyam zi shoug" bye:. Khokham" yo' zoug: ludaid yigi akhid" pyoung" she: lo" zi shau" abye: go". Tarha" ri we' ajhoug" byid: lo: ziyo' Lapi: yi we' Mangso jang" mo yoeb myang: ri we' ashau" myang boem loo: nghoid ago".

NGOUG JI: 4:15

Byumyu" yigi phang: loo" ge'. Nanu" gi dam dab abye: go". Ngoo ri atain" goo" ga: nyho: ago". Houg: yoomo nyangnu" gi damung" mo zi damung" khyoo: hang" alhoem: tau yu zi nyid yen" ago".

NGOUG JI: 5:5

Ngoonu" gi loo zei: joem Gola-ug yo' dakhyoo" ti" baid koin" zi shau" boem bye:. Myung: boem bye: nghoid loug we' no: yu wa akhang" abyid: nghoid ago".

EZEKIEL 5:12

Re" byu soem" boem mo daboem gu: gi voomoo" khoug: moo noo phyoo" yo' zooyoid shau" wigi shid: byug goo" wa. Soem" boem mo daboem gu: gi voomoo" tunggung shoid mo shamcoin" joem wigi zain: ceing khyo' pyam zi shoug" wa. Houg: lho: lo" thang soem" boem mo daboem gu: rigi lid khyoo: khaid sain" pyam lho: nyangnu" ri shamcoin" wigi cang khaid wa.

TARHA" TID POIN" 28:48

Hougsu" yoomo nanu" gi nanu" ri thougtheung wa shid re" Aseing wigi nhang: kaid wa gyivoo yiri yhe: dei byid: ca" wa zi nghoid. Nanu" gi voem yoid gyid shid ziyo' shoo" cen: doem: nyid wa zi nghoid. Ja: khang" moo" ca" goo" wa. Aseing gi nanu" ri nanu" joem: loo" sho' anoug akhyoid yhen' wa zi nghoid.