NEHEMIA 9:8 - Lacid Common Language Bible

⁸ Nyang: gi re" dang moo jhug zug ziri nang shau" myang wigi Nang gi nyang: yo' dang: theing koid to" da:. Nang gi nyang: ri Khanan byumyu" yi da" mougmyid Hiti byumyu" yi yo' Amori byumyu" yi da" mougmyid Perizi byumyu" yi Yebusi byumyu" yi yo' Gergashi byumyu" yi da" mougmyid ri Nya: amyed ashen yi nyid wa da" mougmyid khyo" byid: pyam wa ga: dang: so" byid: da:. Nang gi jhug zug yug nghoid yoomo re" dang: so" ri nang cang da:.

NEHEMIA 9:8 ပူးပေါင်းရင်းမြစ်များ

APOEM AYANG: 12:7

Aseing gi Abram jhang thu myhang shug lho: «He: zigi ngoo re" da" amyed ashen yiri byid: wa ein: da" moug: nghoid bye:» ga: tid. Houg: lang" Abram gi hau: joyoo moo nyang: ri thu myhang da" Aseing shid re" phoin: daloem: ri koid bye:.

APOEM AYANG: 15:6

Abram gi Aseing ri loem khoug: wigi Aseing gi Abram da" loem khoug: yoomo nyang: ri lhoem: kham: yu lho: nheugshid: nheugdeug abye:.

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

2 SAMUELA 22:31

He: Mangsoo koid da" moo" zoo" joem gi gye" joeb byeung" nyid. Nya: dangsoo" khoin" joem we' loem ge" nyid. Nyang: gi nyang: ri loem khau: loo mo, dangain" shid re" goo yhang: ti" nghoid.

1 KHOKHAM MHOOMYID: 1:14

Khanan gi Yebusi- Amori- Girgashi-

1 KHOKHAM MHOOMYID: 16:16

Nyang: gi Abraham yo' dang: theing koid to" wigi Isag yo' dangsoo" to" to" da:.

EZRA 9:15

Israela byumyu" yi da" Aseing Mangsoo nang gi nyeung veung" zi nghoid loug we' ngoonu" ri nang kangso' dei nhang: loo bye:. Ngoonu" gi re" jhang khyo: ri" wa shid re" akhang" ayoo" loug ngoonu" da" yooboo joem ri toungbain: wa shid mo re" shid khyoo: re" lo.

NEHEMIA 9:33

Nang ngoonu" ri yooboo byid: zigi jo zi koid abye:. Ngoonu" yooboo shoid rilang" nang gi jhug zug lid loo bye:.

COUNG" NGHEI 116:5

Aseing gi nheug khyeug ziyo' gi su: nghoid nyid- ngoonu" da" Mangsoo gi nheug se' khyeug su: nghoid.

THU' LO" MOUGSOUG" 3:17

Ngoo gi nyangnu" kyi" khyeug shoug" nyid da" Egutu mung" mo khe: thu yu wigi Khanan- Hiti- Amori- Perizi- Hivi yo' Yebusi byu yi nyid da" mung"- Mougmyid nu" yoo" zoo: yoo" shug da" mung" khyoo: shu" yi: wa ein: myid phyed too" bye:.

THU' LO" MOUGSOUG" 3:8

Hougsu" yoomo Ngoo nya: bang: nyang: ri Egutu byumyu" yi jang" mo yhe: khyoid yu lho: Egutu mung" mo zi akhid" Khanan- Hiti- Amori- Perizi- Hivi yo' Yebusi byumyu" yi nyid joyoo- gye" dam lho: mougmyid nu" yoo" zoo yoo" shug da" moug: khyoo: shu" yhi: wa nghoid.

EZEKIEL 33:24

Nyang: tid zigi shid re" da" byu we"- Israela moug: mo byo, yoin" jo, da" voomoo" joem moo nyid bang: gi hid: su" ga: tid nyid ago". ‹Abraham gi dayug kyeing" nghoid loug we' nyang: ri damung" goin" byid: to" da:. Ngoonu" gi myoo" sho' bang: nghoid. Houg: yoomo hau: mougmyid akhid" ngoonu" da" zi nghoid bye:›.

GYUNG: SOO" 13:29

Mungdain: da" mougpyi: shoid moo: Amaleg byumyu" yi nyid wigi boem moug: moo gi Hiti- Yebusi- Amori bang: nyid boem ago". Meing: gung Panglai: yo' Yodan gyid lang yam cang gi Khanan byumyu" yi nyid boem ago"» ga: tid.

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

ACTS 13:22

Hau: thang: ri Mangsoo gi Sholu ri khyo, pyam' lho: David ri nyangnu" da" khokham" doem koid nhang: bye- Mangsoo gi David yo' sen: lho: wigi Yese nya: zoo: David gi Ngoo vhoo: su- Ngoo zei: nhang: da" moozoo" dangain" ziri zei: wa nghoid ziri ngoo myang bye- ga: tid.

TARHA" TID POIN" 26:3

Hau: uri yoovoin foin: to" da" khainjung pho jang" khyoo: yhe: wigi ‹Akhid" ngoo gi nga" Aseing Mangso wigi ngoonu" phoug" phyid" yiri byid: wa ga: dangsoo" to" da" mung" khyoo: ngoo yo" vang yhi: bye: ziri asoo" koid too" bye:› ga: baja".

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

TARHA" TID POIN" 7:1

Nanu" Aseing Mangsoo gi nanu" yhe: nyid seing: yu wa nghoid da" mungdain: khyoo: nanu" ri shu" vang yhe: wigi nyang: gi byumyu" myoo: sho' ri houg: mo khaid thu pyam byid: loo wa. Nanu" shid vhu" khyoo: jhen" yhe: lo" uri nanu" tho' je myo: lho: yoem: je bo da" Hiti- Girgashi- Amori- Khanan- Perizi- Hivi- Yebusi ga: da" byumyu" nyhed myu" ri nyang: khaid thu pyam wa zi nghoid.

TARHA" TID POIN" 9:5

Nyangnu" mungdain: Aseing nanu" ri yu nhang: zigi nanu" ge lho: jo zi koid yoomo anghoid nghoid da:. Nyang: gi nanu" phoug" phyid" yi nghoid da" Abraham- Isag- Yaku- bang: ri byid: to" da" dangsoo" ri pyeing noug yoomo we' nyangnu" akhyeing" boem yoomo Aseing gi nyangnu" ri khaid thu pyam wa.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

HEBRE 11:17

Abraham gi Mangso wigi ca: yu" zi shau" nyid uri loem" jeung" ziyo' nya: zoo Isag ri xoin" du: khyo" ngei" byid: pyam bye. Abraham gi Mangso jang" mo dang: soo" khoin" kham: yu shau" su: nghoid- nghoid loug we' nyang: gi nya: zooti" zoo: ri xoin" du: khyo" ngei" byid: pyam' wa zi jen" nyid gu nghoid.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

YOSHU 11:23

Yoshu gi Aseing wigi Moshe ri amyeing" byid: to" ziyo' dakhyo" da mungdain: goin" ziri seing: pyam bye: da:. Yoshu gi Israela byumyu" yiri nyangnu" mougmyid khyo" hau: mungdain: ri: byukung: khyo" cang lho: kho' byid: da:. Houg: yoomo byumyu" yigi gyi zain: go" jang" moo theing: nyid boem ago".

YOSHU 11:3

Nyang: gi Yodan gyid lang eig shoid goin" moo nyid da" Khanan byu- Amori byu- Hiti byu- Perizi yo' boem moug: mo Yebusi- Mizpa mung" mo Hermon boem khyid: moo: nyid boem da" Hivi byu yiri we' dang: pyeung: kaid da:.

YOSHU 23:14

Akhid" ngoo gi shid: yo, ju" bye:. Nanu" yugkhang" moo" nyang: nya: emyed nheigloem: yo' ung: khung: soozoo: mo nanu" Aseing Mangsoo gi nyang: dangsoo" byid: bye: da" ge da" ja: dangain ri byid: bye: khyoo: ri se' nyid ago". Nyang: dangsoo" byid: to" zi ja: khang" moo" ri cang koid pyeing wigi daja: ri we' ashe: pyam nghoid da:.

YOSHU 9:1

Israela byumyu" yi da" oung: doid khyoo: gi Yodan gyid lang bidvang shoid mo boem moug:- Boem khyid:- mougzhung: shoid khyoo: Lebanon ju" sho' da" Meing: gung panglai: yam cang wigi jang: dam dangain" moo nyid boem da" Hiti- Amori- Khanan- Perizi- Hivi- Yebusi khokham yi dangain" mo, jang khyoo: fu" lo" khari" bye:.

1YOHAN 1:9

Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.