Aseing gi Israela yo' Yuda ri tid poin" byid: wa shid re" nya: lagyoo: yi yo' lapi: yiri nhang: kaid da:. «Nanu" da" akhyeing" khyoo: joem ri to' pyam lho: nanu" phoug" phyid" yiri ngoo byid: to" da" tarha" moo yo' nga" dei zoo: yi nhoid khyo" nanu" ri byid: to" da" tarha" moo bo da" nga" amyeing" dang: joem ri tam" gyo: cang yhe: nyid ge'» ga: zi nghoid.
NEHEMIA 9:34 - Lacid Common Language Bible34 Ngoonu" da" phoug" phyid" yi ngoonu" da" khokham yi vhujhung: yi yo' khainjung yigi re" tarha" ri acang goo" nghoid ago". Nyangnu" gi re" amyeing" dang: joem yo' tid poin" dang: joem ri atam" gyoo: nghoid ago". အခန်းကိုကြည့်ပါ။ |
NEHEMIA 9:34
13 ပူးပေါင်းရင်းမြစ်များ
Nyangnu" gi nya: jhau" shed dang: ri atam" gyoo: ngeug pyam bye:. Nyangnu" phoug" phyid" yi yo' koid to" da" dang: theing ri nyangnu" acang. Nya: da" tid poin" dang: ri ci asoin: byid: nghoid da:. Nyangnu" gi ce: phoug" adab da" yu phara" soolhoo: joem ri no' wigi nyangnu" nya: gung ri ce: aphoug" adab bang: bue" nhang: ago". Houg: lho: nyangnu" gi ayam aqei: mo byumyu" yi da" thung" joem ri cang ago". Houg bang: da" leig ayu" wa shid re" tid da" Aseing amyeing" dang: ri atam" gyoo: nghoid ago".
Nghoid loug we' akhid" gi O" Mangsoo we"- Bain bui" bye: thang: ri ngoonu" ci: yo" tid loo: wa lha". Ngoonu" gi akhid" dalheing: re" dei zoo: yi nghoid da" lapi: yi khyo" wigi ngoonu" ri byid: da" amyeing" dang: joem ri atam" gyoo: acang yi bui" bye: zi nghoid. Nyangnu" gi ngoonu" ri nyhang" lo" seing: wa da" mung" gi yung: lho' gyeung" shang: nyid zi anghoid. Ciwim ga: ri houg moo nyid da" byumyu" yigi avid avhu: da" akyang" yo' mung" dathang: mo dathang: byeung" jo, zi nghoid» ga: tid.
Ngoonu" koid wa ein: tid to" da" ja: khang" moo" ri ngoonu" koid wa. Ngoonu" yo' ngoonu" phoug" phyid" yi ngoonu" khokham yi yo' vhujhung: yi Yuda voomoo" joem moo yo' Yerusalem fu" moo" khyoo: moo ngoonu" lhung koid lo ziyo' dayhang: ti"- ngoonu" da" yu phara" myhi' joem mougkhung: moo khokham myhi' joem ri ngoonu" xoin" ngei" byid: wigi nyang: ri zabyid yhid: foid shoin" byid: wa. Houg: lang" ngoonu" gi zoo: noem agoin agoo" yo" wigi nyid de lho: yau: khi" ashau" wa.
Nghoid loug we' Yerusalem gi nga" amyeing" dang: joem ri thougtheung goemlu to' wigi nyang: gi goo" mungdain: joem tho' je akhyeing". Nya: lheing khoem mo mungdain: joem tho' je atam" gyoo: acang yhe: ziri ci: shug byid: da:. Yerusalem gi nga" amyeing" dang: ri ngeug he: pyam lho: nga" tarha" ri cang pyeing wa he: pyam da:.
Houg: lho: gyoug pho" byo, yoin" khyoo: myoo" sho' nyangnu" adang moo ju" loo wa. Nghoid loug we' he: jikhoin" ri dakhoin" nyid shigoo" wa. Houg: lho: hau: zigi nyangnu" ri sagse: bue" jo, wa. Akhid" nghoid loug we' ngoo nyangnu" ri byid: wa ein: dangsoo" byid: to" da" mung" khyoo: ngoo ashu" vang loo" shi" ri nyangnu" cimyid nyid ziri ngoo se' nyid» ga: tid.
ကြော်ငြာတွေ